ROJNAMEY XEBAT 2010-06-21
Wezîrî Şarewanî û Geştuguzar: Serdanî Serok Barzanî bo Fransa giring pir bayex

Xebat - Ken'an Behadîn: Le çwar çêwey serdane fermiyekey berêz Serok Mesûd Barzanî bo Turkiya û lewê berew Elmanya û paşan be serdanêkî fermî geyîşte Parîs û lewê hawşêwey Serokî wilatanî dunya le koşkî Ellisse pêşwazî germî lêkira le layen Nikolas Sarkozy Serokî Fransa û Bernard Kouchner Wezîrî Derewey ew wilatew û gewre berpirsanî Fransawe, çwarçêwe em serdaney cenabî Serok Mesûd Barzanî bo Fransa ke be yawerî şanêkî bû pêkhatibûn le çend Wezîrêkî Hikûmetî Herêmî Kurdistan le nêwaniyan da Semîr Ebdulla Wezîrî Şarewanî û Geştuguzar endamî şandî mîwan bûn bo wilatî Fransa le lêdwanêkî taybet bo Xebat raygeyand em serdane giringtirîn serdanî resmî bû bo Fransa ke le çwarçêwey da komelêk destkewt bo mîlletî Kurd hate berdest.

Serdanay mêjuwî û giring

Endazyar Semîr Ebdulla Wezîrî Şarewanî û Geştuguzar bo Xebat raygeyand: Em serdaney şandî Herêmî Kurdistan bo Fransa be Serokayetî Serok Mesûd Barzanî Serokî Kurdistan giringtirîn serdan amajey pê dekem ke komelêk destkewt û projey gewrey bo Kurdistan hêna kayewe, pêşwazîkirdinî Serok Sarkozy û Bernard Kouchner bo şandî Kurdistan lew perî fermî bûn dabû, ber le geyîştinman bo Fransa yadaştnameyek amade kirabû le nêwan Hikûmetî Herêmî Kurdistan û Hikûmetî Fransa le bi warî ciya ciyayî xizmetguzarî awedanî, boye em yadaştnameye xal be xalî le xizmetî Herêmî Kurdistan daye Fransiyekan xawenî kompanyayî gewren, Fransiyekan ezmûnî serkewtuwî awedaniyan heye le Herêmî Kurdistan, boye komelêk kar û projey dîke le dahatû da le Herêmî Kurdistan cêbecê deken.

Proje û Weberhênan

Semîr Ebdulla bo Xebat raygeyand: Ciya lewey ke Fransiyekan le Kurdistan da proje deken, her weha sermayeguzarî xoşiyan lêre be ger dexen û weberhênanîş deken, boye lem ruwewe Hikûmetî Herêmî Kurdistan le çwarçêwey yadaştnameke da ew dexate rû ke asankarî gewre dekat bo weberhênanî Fransiyekan le Herêmî Kurdistan û encamdanî projey awedankarî.

Xizmetkirdinî şuwênewarî Herêmî Kurdistan

Endazyar Semîr Ebdulla Wezîrî Şarewanî û Geştuguzar raygeyand, le yadaştnameke da hatuwe pere be şuwênewarekanî Herêmî Kurdistan bidrêt, ême duway ew yadaşte le gel zankoy Le Mondî Fransî girêbestêkman îmza kird be hawkarî le gel beşî şuwênewarî kolêjî Adabî Zankoy Selaheddîn pişkinînî le Herêmî Kurdistan encam biden û xulî coraw cor bikirêtewe girêbesteke 5 sal kar û proje û çalakî dexate nêw karekanî da, ke bêguman Herêmî Kurdistan le bi warî şuwênewarî pêş dexat, çunke şuwênewar giringiyekî başî heye pêşkewtinî komelgey Kurdewarî û Herêmî Kurdistan be giştî.

Projey torî aweroy Hewlêr, Fransiyekan cêbecêyî deken

Le dirêjey qisekanî Wezîrî Şarewanî û Geştuguzar raygeyand, projey torî aweroy Hewlêr be her hemû qonaxekaniyewe le layen çend kompanyayekî taybetmend bem biwarewe cêbecê dekirêt ke master planekey tewaw buwe, ke paş tewawbûnî em projeye ta weku salî 2035 meseley zêrab le tewawî Hewlêr çareser debêt projekeş be şêwey (qerz alacel) cêbecê dekirêt be dû qunax qonaxî yekem: torî awero û xawênkirdinewey aweke.

Qonaxî duwem: Torî awero û xawênkirdinewey aweke be heman şêwe, kulfey projeke 200 milyon dolare le layen kompanya Fransiyekan cêbecê dekirêt.

Projey xawênkirdinewey şarekanî Kurdistan

Endazyar Semîr Ebdulla raygeyand, le çwarçêwey em serdaney şandî balay Herêmî Kurdistan projey xawênkirdinewey şarekanî Herêmî Kurdistan îmza kirawe ke le her şarêk kargeyekî xawênkirdinewey zibil û xaşak dirust dekirêt ta bo ewey le katî xawênkirdinewey her şarêk zibil û xaşakeke sudî lê werbigirêt û dûbare bekarbêtewe em projeyeş 5 sal dexayenê û Kurdistan dabeşkirawe bo çend nawçeyek be qonax emane cêbecê dekirêt.

Giringî Fransa bo Kurdistan

Endazyar Semîr Ebdulla Wezîrî Şarewanî û Geştuguzar ewey xiste û ke Fransa wilatêkî giringe û yekêke le wilate zilhêz û konekan le biwarî awedanî dekirêt Kurdistan le qonaxî dahatû da sûdî yêkcarî lê werbigirêt le ezmûniyan le biwarekanî awedanî û aw û awero û projey dîkey weberhênan Semîr Ebdulla raygeyand: Le Koşkî Ellisse be resmî pêşwazîman lêkira wek şandê wilatêkî asayî pêşwazîman lêkira ke emeş cîge le ruwî aboriyewe le ruwî siyasîşewe giringî gewrey heye bo Herêmî Kurdistan û ezmûnekey ke berhemî xuwênî şehîdane. Cîge leweş Kurdistan wek beşêkî aramî nawçeke ke hêzî kar û projey têdaye Fransaş le giringî hewlî Kurd geyîşt ke be niyazin wilatî xoyan berew kenarî awedanî biben. Cîge leweş serkirdayetî wilatî Fransaş bew peywendiye şad û dilxoş bûn û corêk le girutîn û hêziyan bînî le îradey xelkî Kurdistan ke çend bo wilatekeyan be piroşin.

 
chapkrdn   Share GERANEWE‌