ROJNAMEY XEBAT 2012-03-31
Dîsan Qewane Siwaweke‎

 

Nejad Ezîz Surmê‎ ‎‎ 

‎‎

Le dêrî dêrewe betaybetîş duway pêkewenanî ewey emro be Dewletî Iraq denasrêtewe, Kurd wek netewe û Kurdistanîş wek parçeyekî bê wîst pêlkênraw, rojgar duway rojgar ragîrî destî rejême yek le duway yekekanî ew Iraqe buye. Be çep û rast her heman wehm û heman karbirayî be heledabirdin û be hawwilatî pile dû û sê lêrwanîn...

 

Êmeş zorbey caran be hoy le xonûsan û xoş xeyalî, hendê carîş le ruwî naçarî û tirsêkî nadiyar û car carîş tirsî diyarewe bo man selmandûn. To were rejêmêkim pê bilê le tewawî ew maweye da nîw qisey heqî kirdibê û danêkî xêrî be hemû ew qurbanî û malwêranî û karesataney ême da nabê, hemû ewaneyş, ta le opozîsyon bûn û be çep û rast û nawendiyanewe Kurd daldey dawin û xizmetî kirdûn û le zarî mindal û zarokî xoyanî girtotewe derxwardî ewanî dawe, keçî ke hatûnete deselat heman helwêstî pêş xoyaniyan dûbare kirduwetewe.

 

Le duwayîn dîdarî le gel rojnamey (Akav)î Su'ûdî berêz Nurî Malîkî Serok Wezîranî Iraq bê ewey tenanet hesabokeyekîş bo karesatekanî Kurd bika, ke le min û toyan baştir dezanê, hatuwe be heman Gramafon qewane siwaweke lê dedatewe): Ewey Kurd le Iraq da destî kewtuwe, Kurdî Turkiya û Suriya û Îran destiyan nekewtuwe, ke wate bo çî ‏ziyad deron le katêk da ewan sûd le newtî başûr deben. 

 

Înca Seddamîş ke deygirt û neydeparast be gutin her ewey degut, pêdeçêt eme girêyî hemû rejêmekanî Iraq ‏bêt ke wa diyare wek awle lêktiriyan girtotewe. 

 

Raste Seddam hîç nema pêman neka, belam berêz Malîkîş bem qisane û be qisey dîkey ke raşkawane û bê pêç û penaw bê le berçawgirtinî hawbeşayetî ke mêjuwiyeke be qanûn danî pêdanrawe, Iraq be wilatêkî Erebî denasênê. 

 

Înca eger sibeynê hêzêkiyan bêteweber, bêguman ewey pêman kirawe ‏ewan tewawî deken. Berêz Malîkî bas le newtî başûr deka. Belam ewe le bîrî xoy debatewe, ke ewe le sedeyek ‏nêzîk debêtewe netewey Kurd û xakî Kurdistan le xudî newtî Kerkûk bêbeşin. 

 

Daxo ewe qurbanî salehay sal û ‏zor û sîtemî ta radey jenosaydî rejême yek le duway yekekanî Iraqe em defaktoyey Kurdistanî kêl kirdotewe ya ‏xêr û sedeqey xelkanêk ke be ser piştî Kurd ve geyîştûnete kursiyekaniyan û hemû şitêk deken le biniyan nexizê.

 

Le şuwênêkî dîke da giriftekanî herêm û nawçe dabirênrawekan ke ew be çend şuwênêk be Kerkukîşewe nawiyan deba, delê: Be pêyî destûr deyxene ser mêz û le encûmenî nuwêneran da xirawete rû... 

 

Siyaset her çiyek bê û çon lêkbidrêtewew be hemû tunêle marpêçekanîşiyewe hendê exlaqiyatî her têda demênê. Ewan kurî pêşuwiyan (mebestîşîm çareserkirdinî nawçe dabirêndrawekane) çend gewre kird giriftekanî dîkeş her ewende. 

 

Kurd delê: Tale ‏lemakewe diyare. Berêz Malîkî her le heman dîdarî le gel (Akav) da delê: Herêmî Kurdistan weku Başûrî Sûdan niye, Başûrî Sûdan taybetmendî xoy heye û Dewletî le piştin, Herêmî Kurdistan raste taybetemendî xoy heye, belam be ‏dewletan dewre drawe.) 

 

Eme eger rastîşî têdabê aşkira diyare be rûkarî çareserkirdin û rûnkirdinewey heqîqete mêjuwî û siyasî û cografiyekan negutrawe, be qed ewey be arastey gef û hereşe gutuyetî. 

 

Min weku hawwilatiyekî Kurdistan le Serok Wezîranî Bexdaş depirsim berpirsêk lew pêgeye da niyazî çareserî giriftan ‏bê lew wilate têkel û pêkeley ew le Bexdayê ra be yek wilatî debînê. Seretay çareser be gef û hereşe dest pê ‏deka? Lêyî depirsim, le serdemî azadî gelan û tenanet azadî takekes bilêyî zimanî hereşe û mesacî çend bare ‏nêrdraw îtir be derd bixwa? 

 

Wa diyare berêz Malîkîş wek ewanî dî ke le mawey ziyatir le 80 salî rabirdû da kirduwiyane ‏peroşî xoy bo xelkanêk be kejtengî û girjî le beramber Kurd taqî bikatewe, bê xwêndinewey ewey, ke belê renge heman hewar bê, belam bêguman heman bi war niye û eger Serok Wezîranîş be rastî le xemî wilatekey da ye, ne giriftî wilat ‏be gef û hereşe le Kurd çareser dekirê, ne bewey bo razî kirdinî xelkî dî qeyrane muzmînekaniyan be dîwarî Kurdewe helwasin.

 

 
chapkrdn   Share GERANEWE‌