ROJNAMEY XEBAT 2010-06-26
Serokî Kurdistan, Diway Serdane Fermiyekey Bo Turkiya û Elmaniya û Fransa, Geyştewe Kurdistan.

Diway serdanî fermî bo her yeke le wilatanî Turkiya û Fransa 24/6/2010 Berêz Mes'ûd Barzanî Serokî Herêmî Kurdistan le rêgay Firokexaney Nêwdewletî Hewlêr geyîştewe herêmî Kurdistan , paşan le kongireyekî rojnamenûsîda tîşkî xisteser amanc û encamî serdanekey bo ew wilatane û raygeyand: Herwek xotan agadarin be geştêkî fermî çûm bo Turkiya û Fransa, herweha seferî her yeke le wlatanî Elmaniya û Nemsaşman kird, belam bo ew dwane geşteke fermî nebû.

Le kongireyekî rojnamewanîda gotî: Le Turkiya keş û hewayekî taze heye û kiranewe û goranêkî gewre bedîdekira , pêştir amadenebûn dan be Herêmî Kurdistan binên , belam emcare zor be fermî bû û heta daweteke be nawî Serokî Herêm hatibû , Erdoganîş be zimanî Kurdî be xêrhatinî kirdim.

Herwek raşîgeyand: Ême le Turkiya geyîştîne lêk têgeyştinêkî hawbeş bo ewey pere be peywendiyekanî aborî herdûla bideyn û takîdman le ser helwêstî negorman kirdewe ke piştgîrî le prosey aştî dekeyn le Turkiya , herweha dwa witkirdinî ême wek Serokî Herêm bo wilatî Turkiya goranêke le siyasetî ew wilate û êmeş pêman xoşe ke ew peywendiyane berew pêş biçin.

Paşan serdanî fermî Fransaman kird lewê Serok Komar û Wezîrî Dereweman bînî, diyare Fransa wek hemîşe peywendiyekî germiyan le gel gelî Kurdistan hebuwe , ewey min hestim pêkird zor be germî hatunete pêş û çend car Sarkozî takîdî kirdewe ke ême pştgîrîtan dekeyn û ême hawahengîn le gel êwe û belênîşî da serdanî Herêmî Kurdistan bikat , bo emeş ême dawetman kird, diyare Wezîrî Dereweş dostêkî dêrînî Gelî Kurdistane û kompaniyakanî Fransa handrawn û pêmwaye peywendî aborî ême û Fransa deçête qonaxêkî tir û yadaştêkî lêk têgeyştinîş le nêwan min û Wezîrî Derewey Fransa îmza kira û lew nizîkane wefdî ême deçête Fransa û wefdî ewanîş berew Herêmî Kurdistan dên , gotîşî: Zor giringe ke wilatêkî wek Fransa bew şêweye le herêm bête pêşewe, herweha peywendî ême û Fransa karîgerî zorî debêt le ser peywendiyekanî Herêm le gel sercem wilatanî Yekêtî Ewrupa.

Sebaret be şêwazî cêbecêkirdinî ew yadaştinameyey lêk têgeyştine Berêz Mes'ûd Barzanî gotî: Ême le gel Hikûmetî Herêm dadenîşîn û her wezaretêk le gel wezaretî beramberî le Fransa şêwazeke diyarî deken , wate dananî aliyet îşî Hikûmetî Herêm debêt.

Sebaret be Elmanîş ke wêstgeyekî tirî serdanekey Serokî Herêm bû gotî: Le Elmaniya Wezîrî Derewey ew wilateman bînî serdaniman bo Elmaniya amadebûn û le dirust kirdinî komîtey dostayetî Perlemanî Elmanî kurdistanî , herweha pêşangayekî frokeş hebû eweşman bînî , diyare Elmaniya êsta zor le gelman gerim û gurtirin bo ewey kompaniyakan binêrin bo Herêmî Kurdistan û weberhênan biken.

Sebaret be serdaniman bo Nemsa û Serokî ew wilateman bînî ke ewîş dostêkî dêrînî êmeye ewîş çend prsiyarêkî hebû sebaret be rewşî Iraq û basî helbijardinî Iraqîş lew serdane kira.



 
chapkrdn   Share GERANEWE‌