ROJNAMEY XEBAT 2010-06-27
Serokî Kurdistan Pêşwazî Le Serok Komarî Iraqî Federal Dekat.

Emro Şeme 26/6/2010 Berêz Mam Celal Serok Komarî Iraqî Federal hawrê le gel Berêzan Kosret Resûl Elî û Dr.Berhem Ehmed Salih û Mela Bextiyar serdanî Hawînehewarî Selahedînî kird û le layen Berêz Mes'ûd Barzanî Serokî Herêmî Kurdistan be gerimî pêşwaziyan lêkira.

Le dîdarêk da ke Berêzan Fazil Mîranî û Dr.Roj Nûrî Şaweys û Azad Berwarî û Mesrûr Barzanî amadeybûn , Serok Mam Celal bexêrhatinewey Serok Barzanî kird be boney geranewey le derewey wilat bo her yek le Komarî Turkiyay dirawsê û Elmaniya û Komarî Fransa û Nemsa.

Serok Mam Celal ew serdaney be giring û serkewtû wesifkird û raygeyand serdanî Serok Barzanî bo Turkiya lapereyekî nuwê bû le peywendiyekanî Turkiya û Herêmî Kurdistan, derbarey serdanî Fransaş serdanekey Serok Barzanî be giring û prbayex wesifkird , be heman şêweş bo Elmaniya û Nemsa.

Herweha Berêz Mam Celal çoniyetî berêweçûnî kongirey sêyemî Yekêtî Niştîmanî Kurdistan bo Serok Barzanî rûnkirdewe û Serok Barzanîş xoşhalî xoy be kotayî hatinî serkewtuwaney kongireke û ew encame başey ke lêy kewtewe derbirî û dûbare pîrozbayî le Berêz Mam Celal kird be boney helbijardinewey bo Sekretêrî Giştî Yekêtî Niştîmanî Kurdistan û umêdî xwast ke nêwanî her dûla ziyatir ptew û be hêz bêt.

Eme û le tewerêkî dîkey dîdareke da , her dû Serok Talebanî û Barzanî duwayîn pêşhate siyasiyekanî ser gorepanî siyasî Herêmî Kurdistan û Iraqiyan tawtwêkird, le seru hemûşiyanewe hewlî berdewamî layene siyasiyekan bo pêkhênanî hikûmetî şeraketî niştîmanî.



 
chapkrdn   Share GERANEWE‌