ROJNAMEY XEBAT 2010-07-05
Serokî Kurdistan Le Layen Emîndarî Komkarî Erebî Pêşwazî Lêkira

Berêz Mes'ûd Barzanî Serokî Kurdistan be serdanêkî fermî le ser bangihêştî Serokî Mîsr geyşte Qahîre û le firokexane le layen gewre berpirsanî Wezaretî Derewey Mîsrewe pêşwazî lêkira. Duwatirîş serdanî Baregay Komkarî Erebî kird le Qahîre û lewêş le layen Emru Mûsa Emîndarî Giştî û Cêgir û Endamanî Komkarî Erebiyewe pêşwazî lêkira.

Le kobûneweyek da bas le rewşî Iraq û prosey siyasî û peywendî herdûla kira, dwatirîş le kongireyekî rojnamenûsî hawbeşda welamî prsiyarî rojnamenûsaniyan dayewe.

Duwatir Emiru Mûsa le kongireyekî rojnamenûsîda basî kird Barzanî Serokî Herêmî Kurdistan serkirdeyekî karîger û xawen rolî Iraq û nawçekeye û wek ew şî kirdewe xoy û Komkarî Erebî be serdanî Serok Barzanî xoşhale.

Sebaret be arastey wutwêj û ragorînewekanîşiyan le gel Serok Barzanî , Mûsa rûnî kirdewe ke helwêst û boçûnekanî Serok Barzanî bo êsta û ayndey Iraq û nawçeke belay xoy û Komkarî Erebî giring û bayexdarin û takîdîşî le projey siyasî Serok Barzanî bo prosey Iraqî tazey kirdewe ke şeraketî hawbeşî niştîmanî le Iraqêkî yekgirtû û federalî nawerokekey bû.

Serokîş serlenuwê helwêstî Herêmî Kurdistanî bo êsta û ayndey Iraq ke serxistinî prosey demukiratî wilatekey dûpat kirdewe pêkhênanî hikûmetêkî niştîmanî binke firawanîş ke tiyayda hîç layenêk perawêz nexirêt wek zerûretêkî qonaxeke şîkirdewe.

Le welamî prsiyarêkî Kurdistan TV da Serok serdane fermiyekey bo Komarî Mîsr û amanc û tewerekanî guftûgokirdinî le gel berpirsan rûn kirdewe.

Le welamî rojnamenûsan da Serok Barzanî gotî: Eme goranêkî gewreye le nawendî Komkarî Erebî be Zimanî Kurdî qise bikeyn , manay eweye ke lêk têgeyştinêkî zor baş heye êsta , le rastîda serdanî min bo êre le ser dawetî Serokî Komkarî Erebiye û serokîş debînim we hemû berpirsekanîş debînim we êstaş ême pêşekî le Komkarî Erebî le gel cenabî Emiru Mûsa danîştuwîn û pêm waye înşalla encamekey baş debêt û sûdî hemû layekî têdaye.

Le welamî prsiyarî rojnamenûsan da Serok Barzanî le peywendiye îqlîmiyekanî Herêmî Kurdistan duwa û peywendiyekanî êstay Hewlêr û Enqeray be çak û nimûne wesif kird û serdanekey em duwayeşî bo Turkiya be destpêkî qonaxêkî giringî peywendiyekan ke tiyayda lêk têgeyştin û karkirdinî hawbeş bo be aştî çareserkirdinî kêşekan binemakanî helsengand.

Sebaret be Hewlêr û Taranîş Serok Barzanî wêray serlenuwê protestokirdinî topbaranekanî Îran le ser Herêmî Kurdistan , hîwaşî xwast zimanî hêz û tundutîjî belawe binrêt çunke wek Serok Barzanîş rûnî kirdewe hemû bekarhênanêkî hêz ziyan be hemuwan û be berjewendiyekanî hemuwan degeyenêt.

Her le konger rojnamenûsiyeke da bas le girêdanî kobûnewey lûtkey wilatanî Erebî kira kewa biryare le Iraq berêwebiçêt û lew rewşewe Serok Barzanî amadey Herêmî Kurdistanî bo pêşwazî kirdin û rêkxistinî kobûnewekanî lûtkey wilatanî Erebî le ser xakî Kurdistan ca her katêk bêt nîşanda.

Şayenî base duwênêş Berêz Mes'ûd Barzanî Serokî Kurdistan be serdanêkî fermî geyşte Emanî Paytextî Ordin û be germî le layen Şa Ebdullay Duwem Şay Ordinewe pêşwazî lêkira.

Le dîdareke da bas le çoniyetî be hêzkirdinî peywendî nêwan Iraq û Ordin le biware ciyaciyakan da kira.

 
chapkrdn   Share GERANEWE‌