ROJNAMEY XEBAT 2010-07-06
Serokî Kurdistan û Serokî Misir Kobûnewe

Emro sê şemme Berêz Mes'ûd Barzanî Serokî Kurdistan le gel Husnî Mubarek Serok Komarî Misir kobuwewe, Ehmed Ebulxeyz Wezîrî Derewey Misir duway kobûnewekey Barzanî û Mubarek, le lêduwanîda bo rojnamenûsan aşkiray kird: Serok Komarî Misir rezamendî pîşandawe le ser kirdinewey dû kunsulgerî Misir le Iraq, yekêkiyan le şarî Hewlêr û ewî dîkeşiyan le şarî Besre.

Wezîrî Derewey Misir eweşî xisterû, Husnî Mubarek le miyanî dîdarekanî da le gel berpirsanî Iraqî, boçûnî xoy sebaret be giringî pelekirdin le pêkhênanî hikûmetî nuwê, be beşdarî sercem layenekan û be bê perawêzxistinî hîç layenêk pîşanda, çunke dûrxistinewey her layenêk le pêkhênanî hikûmetî nuwey Iraq, karîgerî xirapî bo ser prosey siyasî le Iraq da debêt .

Lay xoşiyewe Serokayetî Herêmî Kurdistan beyannameyekî sebaret be dîdarekey nêwan Barzanî û Mubarek bilawkirdewe ke eme deqekeyetî:

Serokî Herêmî Kurdistan le layen Serokî Komarî Erebî Misrewe pêşwazî lêkira,emro sê şemme 6/7/2010 Berêz Mes'ûd Barzanî Serokî Herêmî Kurdistan le Koşkî Komarî le layen Berêz Muhemed Husnî Mubarek Serokî Komarî Erebî Misrewe pêşwazî lêkira.

Le dîdarêk da ke Berêz Ehmed Ebulxeysî Wezîrî Derewey Misir amadeybû, rawboçûn sebaret be jimareyek prs û babetî peywest be prosey siyasî Iraq û şêwazî serxistinî proseke û prsî pêkhênanî hikûmetî nuwey Iraq alugor kiran.

Her le dîdareke da Serok Barzanî takîdî le ser pêkhênanî hikûmetêkî niştîmanî binke firawan kirdewe ke hemû layenêk têyîda beşdar bin.

Le layen xoyşiyewe Berêz Husnî Mubarekî Serokî Misir pştgîrî xoy bo ew boçûney Serok Barzanî nîşanda û be prosêsêkî serkewtuwî le qelem da bo qonaxî êstay Iraq.


 
chapkrdn   Share GERANEWE‌