ROJNAMEY XEBAT 2010-07-05
Hary Shût bo Xebat : Ême le malî xomanîn le nêw dost û hevalanman

Xebat: Mihemed Zengene

Be amadebûnî nuwênerî Serok Barzanî berêz Sîdad Barzanî û berêzan Kerîm Sincarî Wezîrî Nawxo û Dr Reûf Reşîd Wezîrî Dad û Parêzgarî Hewlêr û Balyoz Zelmay Xelîlzad Balyozî pêşûtirî Emerîka le Iraqî federal jimareyekî zorî berpirsan û karmendanî tîmî awedankarî Emerîka le Kurdistan û Serok û endamanî Komeley Dostayetî Kurdistan- Emerîka, û be serpereştî komele le Hotelî Xanzad le paytext ahengî rojî serbexoyî Emerîka berêweçû

Xoşhalî be sazdanî ahengeke le Kurdistan

Le berayî ahengekeda Hary Shût Cêgirî Seroke Komeley Dostayetî Kurdistan û Emerîka le uteyek da dûpatî kirdewe gêranî ahengî serbexoyî Emerîka le Kurdistan rûdawêkî giringe bo Kurdistan û Emerîka her weha xoşhalî xoy be sazdanî ew ahenge le Kurdistan nîşanda.

Le peyvekey da Shût wêray be xêrhatinî mîwanan be nawî berêz Sîrwan Barzanî Serokî Komeley Dostayetî Kurdistan Emerîka supasî hemû amadebûwanî kird le ahengeke da û dûpatî kirdewe em şêwazey aheng şêwazêkî Emerîkiye ke tiyayda amadebûwan detwanin goranî bilên, helperkê bigêrin û xoşî xoyan derbibrin û gêranî em ahengeş le Kurdistan watay ewe degeyenêt hawwilatiyanî Emerîka deyanewê le gel dost û hevalanî Kurdiyan em ahenge bigêrin be taybetî le cejnêkî giringî weku yadî serbexoyî Emerîka, her weha gutî: Emro rojî azadî û serbexoyiye rojî yadkirdinî ew mindalaneye ke bawkiyan le welat da niye û bo xizmetkirdinî azadî û demokrasî le cîhanda le derewey welatin, ême şanazî bewe dekeyn ke be hewl û koşîş û xebatman ême le jiyanda mawîn û rêzêkî taybetîşman bo ew kesane heye ke xwênî xoyan bo xoşî û şadî ême bexşî

Pitewtirbûnî pêwendî nêwan Kurdistan û Emerîka

Hary Shût amajey be asoy peywendiyekanî nêwan Kurdistan û Emerîka da û nîşanî da emro behêztirîn supay cîhan meşq be supay Kurd dedat emeş belgeyeke bo pitewî peywendî nêwan Kurdistan û Emerîka hawkat supasî hemû ew serbaz û dîplomatkare Emerîkiyaney kird ke xizmetî wilat û mirovayetiyan kirduwe û gutî: Sazdanî em ahenge le Kurdistan rûdawêkî gewreye bo ême çunke Kurdistan xakî azadî û demokrasî û aramiye, min zor bewe xoşhalim ke mawey 7 sale lêrem û le gel dostanî xomda kar dekem, boye supasî palpiştî hemû ew dostane dekem.

Behêzkirdinî dostayetî nêwan gelan

Diwatir Andy Sino Serokî mawe tewawbuwî tîmî awedankarî Emerîka le Kurdistan amajey be çend birgeyekî utarî Obama da le yadî serbexoyî Emerîka da û cextî le ser hewlî hemû layekî da bo behêzkirdinî peywendî dostaney nêwan gelanî Kurd û Emerîka, her weha gutî: Çend xoşe emro ême le Kurdistanîn le gel dostaniman le berpirsan û le dostanî dîke, zor supas bo ew dostaney emro le gelman da xoşî degêrin, her weha Sino nîşanî da Emerîka wa be asanî negeyîştote ew astey emro debînrêt belku be hoy xebatî hemû çîn û tuwêjekanî komelga be afret û piyawewe Emerîka dirust bû seqamgîr bû amajey beweşda emro Xebatî here gewre le dijî terore.

Şanazî be karkirdin le Kurdistan

Sino şanazî xoy be çend saley karkirdin le Herêmî Kurdistan nîşanda û dûpatî kirdewe kesanêkî zor le Kurdistan berêzewe seyrî xewnî Emerîkî û demokrasiyetî Emerîkî deken û şanazî be dostayetî Emerîka deken emeş maiyey şanazî hemû Emerîkaye, her weha guti emro ême le Iraqêkî nuwêdayîn ke tiyay da xelk çawerwanî belênekanî êmeye bo hatinedî wilatêkî demokrat duwayîn helbijardinî Iraqîş selmandî xelkî Iraq çend tamezroy demokrasiyete,emeş le Bexda rengî dayewe her weha lêre le Hewlêrîş, ême peywendiyekî be hêzman le gel Hikûmetî Herêmî Kurdistan destpêkird hikûmetîş twanî seqamgîrî berqerar bikat, hikûmetî Emerîkaş em rastiyey le berçawe boye tîmêkî taybetî bo karkirdin le Herêmî Kurdistan pêkhêna bo yarmetîdan û awedankirdinewey em herême le hemû ruwêkewe minîş pêmuwaye ew dostayetiye le nêwan gel û Hikûmetekanman be hêztir debêt. Dûpatîşî dekemewe Kurdistan le yad nakem zorîş le dilim girane ke duway çend rojêkî dîke Kurdistan becêdehêlim Kurdistanman xoşdewê.

Diwatir Aleks Dîskart Serokî Tazey Tîmî Awedankirdinewey Emerîkî le peyvêk da ke be zimanî Kurdî û Îngilîzî pêşkeşî kird xoşhalî xoy be amadebûn lew ahenge û karkirdin le Kurdistan nîşanda û gutî: Demewê supastan bikem le beşdarîkirdintan le ahengî serbexoyî Emerîka û demewê bîrtan bihênimewe le salî 1991 ewe min Wendî Sino destman bekarî dîplomasî kird û duway Efrîqiya hatîne Kurdistan bo ziyatir behêzkirdinî peywendî nêwan gelî Kurdistan û gelî Emerîka, min carî yekeme be Kurdî qise dekem boye zor detirsim, belam pêmxoşe qisey pêbikem û demewê zor supasî Komeley Dostayetî Kurd û Emerîka bikem bo sazdanî em ahenge we hîwadarim le mawey karkirdinim le Herêmî Kurdistan da bitwanim karî baş le gel Hikûmetî Herêmî Kurdistan û komelgey medenî bikem be taybetî le gel nuwêneranî hikûmet û hemû danîştwanî Herêmî Kurdistan. Paşan utarêk be nawî Sîrwan Barzanî Serokî Komeley pêşkeş kiraw diwatir çendîn nimayîşî hunerî bem boneyewe berêweçû.

Rûdawêkî Giring

Kolonêl Hary Shût le lêdwanêk da bo Xebat raygeyand, gêranî ahengî serbexoyî Emerîka le Herêmî Kurdistan û be taybetî le Hewlêr rûdawêkî giringe bo herdûla û peyamêkî giringe bo aramî û seqamgîrî Kurdistan û gutî: Ême lew ahenge da wa hest dekeyn le nêw malî xomanîn çunke ême le nêw dostanî xomandayîn be taybetî ewaney salanêke le gel ême be yekewe kar deken û bêgumanîş behêzbûnî em peywendiye nafermiye debête hoy behêztirbûnî peywendî fermî le nêwan Kurdistan û Emerîka.

Watayekî giring bo Kurd

Amed Demîrxan Berêweberî Kitêbxaney Zanko û Endamî Bordî Komeley Dostayetî Kurdistan - Emerîka le lêdwanêkî taybet be Xebat nîşanî da sazdanî em ahenge le Hewlêr watayekî zor mezinî bo Kurd û bo Herêmî Kurdistan tiyadaye û mayey selmandinî hawkarî nêwan gelî Kurd û Emerîkaye û gutî: Eme gewretirîn ahengî yadkirdinewey rojî serbexoyî Emerîkaye le rojhelatî nawerast û le derewey Emerîka be giştî emeş deyselmênê Kurdistan çend be demokrasiyet û dilêkî firawanewe rêz le dostanî xoy degirêt û nîşandanî ew waqî'eye ke serbexoyî Emerîka le salî 1776 binkeyekî îlhame bo hemû azadî û demokrasî dostanî dinya êmeş weku Kurd twanîman zor şit le Emerîka fêr bibîn û şitî zorîş le şêwazî demokrasiyet û federalîzmî ewan fêr bibîn.

Behêztir kirdinî peywendî fermî

Demîrxan le lêdwanekey da bo Xebat dûpatî kirdewe hemû nuwêneranî dîplomatîkî Emerîka le Iraq lem ahengeda amaden û aşkiraşî kird jimarey karmendanî Emerîkî le Kurdistan le hemû wilatan ziyatire le gel ewey Konsolgerî fermiyan le Herêmî Kurdistan da niye û gutî: Lew ahenge da çend karmendêkî Balyozxaney Emerîka le Bexda amadebûn û hestman kird xwastî pêşxistinî peywendî nêwan Kurdistan û Emerîkayan heye û derwanine asoyekî firawanî peywendî heme layen û pêwîste bizanîn Emerîka dewletêkî gewreye û biryarekanîşî asan niye boye pêwîste bo meseley kirdinewey Konsolgerî Emerîka le Kurdistan aram bigirîn û karîşî bo bikirêt, belam dûpatî dekemewe peywendî nêwan Kurd û Emerîka roj be roj berew baştir deçêt û bi warî dîkeş bexowe debînêt.

 
chapkrdn   Share GERANEWE‌