ROJNAMEY XEBAT 2010-07-18
Beyan Samî Ebdulrehman bo Xebat: Serkewtinî dîplomasiyetî Kurd û kiranewey dergakanî beruwî cîhanda

Xebat-Mihemed Zengene:

Serkewtinî dîplomasiyetî Kurdistan û kiranewey dergakanî be ruwî cîhan da xalî here serincrakêşî serkewtinî prosey siyasî ew herême bû be giştî be sûd wergirtin le derfetî dananî yasayî û destûrî Hikûmetî Iraq bem qeware cografiyey ke xawen taybetmendî xoyetî le ruwî ciya ciyawe. Boyeş Hikûmetî Herêmî Kurdistan bo be yasayîkirdinî peywendiyekanî le songey birwabûn be damezraweyî û rêkxistinî Hikûmî nuwênerayetî dîplomasî xoy le welatanî derwe da rêkxist bem rêgeyeş asoyekî taze le berdem peywendî nêwdewletî nêwan Kurdistan û cîhan da kirayewe be taybetî le gel Ewrûpa. Lem bareyewe xatû Beyan Samî Ebdulrehman nuwênerî Hikûmetî Herêmî Kurdistan le Britanya derbarey peresendinî peywendî nêwan Kurdistan û Britanya le dîmaneyekî taybet da bo Xebat hate diwan.

Peresendinî peywendî nêwan Kurdistan û Ewrûpa

Nuwênerî Hikûmetî Herêmî Kurdistan le Britanya amajey beweda peywendî nêwan Kurdistan û Ewrûpa be taybetî duway geşte dîplomasiyekey Serokî Kurdistan bo çend wilatêkî Ewrûpayî qonaxêkî dîkey peresendinî be xowe bînî be taybetî le ruwî sûd wergirtin le derfetî weberhênan le Herêmî Kurdistan, nuwênerê Hikûmetî Herêmî Kurdistan amajey be serdanî Britanya û serdanî em saley Fransa û çend dewletekî Ewrûpa da be taybetî duway îmzakirdinî yadaştnamey lêktêgeyîştin le gel Fransa, her weha gutî: Peywendî nêwan Herêmî Kurdistan û Britanya be taybetî lem 2 saley duwayîda peresendinêkî zorî bexowe bînî naştwanîn bilên girift niye, belam be şêweyekî giştî le ruwî bazirganî û weberhênan û medyayiyewe peywendîman roj be roj le be hêzbûn daye le Britanya be belgey girêdanî konferansî weberhênanî nêwan Kurdistan û Britanya keşandêkî berzî Hikûmetî Herêmî Kurdistan be Serokayetî Dr. Berhem Saleh Serokî Encûmenî Wezîranî Hikûmetî Herêmî Kurdistan.

Nasînî Hikûmetî tazey Britanya

Xatû Beyan amajey be duwayîn serdanî şandî Hikûmetî Herêmî Kurdistan da bo Britanya ke buwe derfetêk bo nasînî Hikûmetî tazey Britanya û girêdanî dîdar le gel Wezîr û Berpirsanî nêw em kabîne Hikûmiye ke Hikûmetêkî tewafuqiye û hizbî parêzgaran tiyay da zorîneye be Serokayetî Devîd Kamîron, her weha bo girêdanî konferansî bazirganî û weberhênan bû bo ziyatir nasandinî Kurdistan be Britanya û cîhan ke be konferansêkî serkewtuwî le qelem da her weha gutî: Serokî Encûmenî Wezîranî Herêmî Kurdistan lem serdaneda dîdarêkî le gel Williyem Heyg Wezîrî Derewey Britanya girêda ke caran Serokî Hizbî parêzgaran bû eme cîge le dîdarî le gel Wezîrî Karubarî Rojhelatî nawerastî Britanya û Mîr Andro kurî şahjin Alîzabêt ke nuwênerî bazirganî Britanye kobowe emeş buwe derfetêk bo nasînî Hikûmetî taze.

Konferansêkî serkewtû

Xatû Beyan dûpatî kirdewe encamî zor baş lew konferanse hate dî be taybetî le ruwî nasînî Herêmî Kurdistan dûpatîşî kirdewe planî konferanseke le serdemî kabîney pêncemewe danrabû biryar wabû rêzdar Nêçîrvan Barzanî beşdarî tiyada bikat, belam be hoy helbijardin û pêkhênanî kabîney tazey Hikûmet meseleke dûwaxira her weha gutî: Mebestî ême lew konferanse da kokirdinewey bazirgananî Kurd û cîhan bû le London bo nasînî Hikûmetî Herêmî Kurdistan be taybetî ke xelkanêkî zor le Emerîka û Awustralya û Fransa Îmarat beşdariyan tiyada kird, her weha demanwîst peyamî xelkî Kurdistan bigeynîne derewe û Kurdistan le hemû ruwêkewe be Kurdistan binasênîn. Pêşman baş bû le mangî şeş girêbidrê le gel destbekarbûnî Hikûmetî taze, deştwanim bilêm konferanseke serkewtû bû be belgey ewey konferans bo 300 kes amade kirabû keçî pitir le 600 kes tiyayda amadebûn, boye lêre da pêmxoşe supasî fermangey peywendiyekanî derewew nûsîngey taybetî Dr. Berhem bo serkewtinî ew konferansey ke le ruwî medyayî û amadebûnî berpirs û kompaniyakanî cîhanî serkewtûbû be taybetî le ruwî amadebûnî 210 kompanyayî cîhanî.

Beyan Samî Ebdulrehman dûpatî kirdewe hêşta mawe cîhan Kurdistan be tewawî binasêt û bizanêt derfetî biznisî tiyada heyew asayîş tiyayda berqerare, belam nuwê, Serokayetî Hikûmetî Herêmî Kurdistan le Britanya lem bareyewe kolnadat be belgey girêdanî duwayîn konferansî weberhênan û bazirganî Kurdistan le London ke twanî peyamêkî baş be cîhan bigeyenê û be qonaxî yekemî nasandinî Kurdistan be cîhan le qelem da, her weha gutî: Zor kes neydezanî barudoxî Kurdistan çone û detirsan be hoy barudoxî Iraqewe bêne Kurdistan, belam ke hatine konferanseke ême derfetî danîştinman pêdan le gel şandî Kurdistan û medyakanî cîhanîş weku BBC û CNN û zorî dîkeş giringiyan bem konferanse da em hefteyeş şandêkî giringî bazirganî Britanî le Kurdistane boye hîwadarîn ême bitwanîn Kurdistan ziyatir be wan binasênîn biryarîşe le mangî 10 î emsal Wezaretî Bazirganî Britanya be hêzewe beşdarî pîşangay nêwdewletî Hewlêr bikat be palpiştîkirdinî çendîn kompanyayî gewrey Britanî ke lewaneye le 30 kompanya ziyatir bin be pêçewaney par ke 1 kompanya beşdarî kird.

Nasandinî Kurd be Britanya

Nuwênerî Hikûmetî Herêmî Kurdistan le Britanya tîşkî xiste ser çalakiye siyasî û kulturiyekaniyan le Britanya be girêdanî çendîn semînar û kobûnewe û amajey be semînarêkî gewrey Kurdî le Parlemanî Britanya da be boney salyadî kîmyabaran kirdinî Helebçey şehîd le mangî adarî rabirdû da be beşdarî Serokî Parlemanî Kurdistan û şarezayanî bi warî jenosayd û şayed halekanî rûdaweke be palpiştî nuwênerayetî Hikûmetî Herêmî Kurdistan le Britanya girêdra.

Her weha gutî: Ême be pileyek cextman le ser biwarî enfal û jenosayd kirduwe be mebestî nasandinî ew tawane namirovaneye be cîhan le layekî dîkeşewe ême demanewê kultûrî Kurd be cîhan binasrêt û û huner û roşenbîriyekey le berdestî hemû xelk da bêt û xelk bîzanin, ême parsal palpiştî fîlm festîvalî Kurdî London man kird, pêrarîş palpiştî heman festîvalî Mançesterman kird û palpiştî zor grûpî muzîkî Kurdîşman kirduwe û em salîş fîlmêkî dokumêntarî le barey jiyanî xelk le ladêyekî Kurdistan be zimanî Ingilîzî berhem hênrawe û lewaneye le mangî 10 yan 11î emsal nimayîş bikirê, her weha gûtî: Ême palpiştî penaber û qutabiyanî Kurd dekeyn le Britanya be taybetî ew qutabiyaney be pareyekî kemewe dêne Britanya û ême twanîman be hawkarî Wezaretekanî Xwêndinî Bala û Darayî Herêmî Kurdistan twanîman em kêşeye çareser bikeyn, hez dekem amaje bewe bikem ême palpiştî hunermendî nexşesaz Osman Ehmed kirduwe ke wêne û nexşekanî te'bîr le enfal deken û le mozexaney zor be nawbang nimayîş dekirên her weha êstaş bo yekemîn care Kurdêk Endamî Parlemanî Britanyaye ke Nazim Zehawiye û xelkî Xaneqîne û ême peywendî başman le gelî heye û bo ême zor giringe û ême palpiştî dekeyn û amadeyîn le hemû ruwêkewe yarmetî bideyn.

Dekumente degmenekanî

Kurd le Britanya

Xatû Beyan nîşanîda ewan weku nuwênerayetî Hikûmetî Herêmî Kurdistan le Britanya detwanin roliyan le destkewtinî ew dokumênte giringaney peywest be mêjuwî Kurd û be taybetî ewaney be Kerkûkewe peywestin be taybetî eger le kitêbxaney giştî Britanya bû ke kitêbxaneyekî cîhaniye û nîşanîda xelkî Britanya detwanin zaniyariyan lewê da be dest bikewêt û nuwênerayetî Hikûmetî Herêmî Kurdistan detwanêt lem bareyewe rol bibînêt be taybetî eger şarezayanî mêjuwî Kurd daway yarmetiyan kird lem bareyewe.

Pirsî penaberanî Kurd le Britanya

Beyan Samî Ebdulrehman nîşanî da siyasetî Britanya beramber penaberan yek siyasete bebê ciyawazî û kesey mafî penaberêtî nebêt ewa denêrdrêtewew û gutî: Ême weku Hikûmetî Herêmî Kurdistan ramangeyanduwe namanewê xelk be zorî binêrdrêtewe, belam êsta hizbî parêzgaran le barey penaberanewe zor tunde û êmeş le ser siyasetî xomanewe berdewamîn be qebûl nekirdinî geranewey be zorî penaberanî Kurd, belam penaberanî Kurd be giştî lewê heme corin hene mirovî serkewtûn be taybetî le biwarî pizîşkî da kesanî dîkeş hen barudoxî maddiyan xirape û ta êsta hîç giriftêkî wa gewre le nêwan Kurd û rewendî dîke ruwiyan nedawe û be daxeweş ta êsta amarêkî tewawman bo rewendî Kurd le Britanya niye, çunke lewê Kurdî Turkiya û Sûriya û îran û Iraq û hemû cîhan hen, Kurdî Iraqîş hemû be Iraqî nawiyan nûsrawe boye zehmete jimareyan bizanîn, belam le hizirman daye em amareman hebêt, em meseleyeş buwe giriftek bo helbijardin be taybetî be nebûnî nasnameyek biselmênê le filane şar le dayîk bûne û kesanêkî zorîş le deng dan bêbeş bûn, ême zor dawaman kird komîsyonî helbijardin em meseleye çareser bikat, belam ke çareser nebû kesanêkî zor le deng dan bê beş bûn û girjiyekî zorîş dirust bû tenanet le seretawe neman dezanî Kurdî Britanya mafî dengdanî heye yan na boye hîwadarîn emcare ew girifte dûbare nebêtewe demewê amaje beweş bikem min le seretawe pêşbînî ewem dekird girift lem bareyewe dirust bibêt be taybetî be werzî sermay Britanya.

Siyasetî îcabî Britanya

Beramber be Kurd

Xatû Beyan nîşanî da ta êsta be hatinî Hikûmetî tazey Britanya hîç goranêkî silbî le şêwazî mamele kirdin le gel Herêmî Kurdistan be dî nekirawew nîşanî da çawerwan nakirê ew peywendî dîplomasiyane têk biçinewe be belgey duwayî serdanî şandî Hikûmetî Herêmî Kurdistan bo Britanya û dîdariyan le gel berpirsanî balay Hikûmetî Britanya û dûpat kirdinewey palpiştî Britanya bo Herêmî Kurdistan.

 
chapkrdn   Share GERANEWE‌