ROJNAMEY XEBAT 2013-05-04
Dezgay Xêrxwazî Barzanî û Weqfî Îsma'îl Bêşkçî Pirotokolêkiyan îmza Kird.

Xebat: Mihemed Zengene
Le diwayîn wêstgey serdanekey bo Kurdistan, nûserî gewrey turkî dostî kurd Dr. Îsma'îl Bêşkçî le baregay dezgay Xêrxwazî Barzanî be amadebûnî serok û cêgirî serokî dezga û serokî weqfî bêşkçî amadey îmzakirdinî pirotokolêkî hawbeş bû le nêwan herdû dezgaka ke çendîn xalî giringî le biwarî perwerdeyî û zanistî u mêjûy be xowe girtuwe.

Rêzgirtin le 'aşiqanî mirovayetî

Le berayî îmzakirdinî pirotokoleke mûsa ehmed cêgirî serokî dezgay xêrxwazî barzanî amajey beweda em pirotokole çendîn xalî giring bexoyewe degirêt ke birîtiye leamancekanî weqfî bêşkçî, unîşanîşîda dezgay xêrxwazî barzanî hemîşe rêz lew kesane degirêt ke rêz lemirovayetî degirn uxizmetî ew biware deken. mûsa ehmed benawî serokî dezgay xêrxwazî barzanî userokî weqfî bêşkçiyewe xalekanî pirotokolekey rûnkirdewe ke beamadebûnî d.îsma'îl bêşkçî îmzakira û nîşanîda şanaziyekî zor gewreye bewey dezga twanî qena'etiyan pêbhênêt serdanî kurdistan bikat betaybetî ke hemû kurd şanazî pêwe dekat û amajey beweda lemawey heftey manewey lekurdistanda nûserî benawbang çendîn şuwênî beserkirdewe lewane mezarî barzanî nemr û glkoy pîrozî enfalkirawanî barzan û monomêntî enfal le çemçemal û monomêntî qurbanîanî kîmiyabarankirawanî helebcey şehîd û gorstanî şehîdanî enfal û kîmiyabarankirawanî helebce û şuwêne mêjuwî û nawendî roşnbîrî û serkirdayetî siyasî kurd betaybetî cenabî serok barzanî û wergirtinî mîdaliyaî barzanî nemr lelayen berêziyanewe û serdanî hêroxan bo hewalpirsînî cenabî mam celal bewpêiyey ew ciyawazî lenêwan hîç takêkî kurd nakat û hemû kurdistan beyek çaw seyr dekat udûpatîkirdewe herçî bikirêt nagate dlopêkî ew xebatey bêşkçî bo kurdistanî kirduwe betaybetî ke 17 sal u6 mang lebirî bergirîkirdinî lekurd zîndanîkirawe û lebineretda250 sal hukmî lesere nîşanîşîda cêyî xoşhalî û şanazî kurde ke tenha mîdaliyaî barzanî nemrî weku xelat wergirtuwe û hîç xelatêkî qbûlnekirduwe çunke ew wilataney xelatî deken çek be turkiya defroşn.

peywendî germugurtir

duway îmzakirdinî pirotokolekeş d.îsma'îl bêşkçî ew hengawey be pêşkewtinêkî giringî bo pêşxstinî peywendî nêwan herdû dezga nîşanda udûpatîkirdewe ew kar bo hebûnî peywendî germugurtir dekat û hîuwayşî xwast pirojey dîkeş cêbecêbikirên û gutî: min zor xoşhalm be dawetkirdinim lelayen dezgay xêrxwazî barzanî uxoşhaliyekeşm be ziman wesfnakirêt berastî zor xoşhalm bewey beçawî xom pêşkewtinî kurdistanim bînî û hîwadarm hemîşe lexoşî û pêşkewtindabin.

xalekanî pirotokoleke

wek mûsa ehmed cêgirî serokî dezgay xêrxwazî barzanî dûpatî lêkirdewe ew xalaney le pirotokolekeda heye çend xalêkî giringn bo herdû gelî kurd uturk betaybetî leruwî geyandinî ew zaniyariye giringaney peywestin be mêjû û kultûrî kurd û dîrokî em gele uiyarmetîdan weawkarîkirdinî qutabiyanî hejar û kemderamet, begiştî xalekanî pirotokoleke birîtîn le:

1-hewldan bo dabînkirdinî kursî xuwêndin bo qutabiyanî danîştuî bakûrî kurdistan û ew qutabiye turkaney ke deyanewêt beşêwazêkî zanstî dîrok û kultûrî kurd û kurdistan bixuwênin.

2- dezgay xêrxwazî barzanî û weqfî îsma'îl bêşkçî hewldeden bo hawkarîkirdinî qutabiyanî hejar û kemderamet.

3 - hewldan bo hawkarîkirdinî ew qutabiye kurdaney bemebestî be desthênanî birwanamey xuwêndinî bala le wilatanî derewey kurdistan dexuwênin.

4- hewldan bo hawkarîkirdinî ew qutabiyaney xuwêndinî xêra dexuwênin û lêkolînewey zanstî amade deken.

5 - piştgîrîkirdinî weqfî îsma'îl bêşkçî bemebestî encamdanî lêkolînewey zanstî leser ferheng û kultûrî kurdî û arîşey cvakî.
6 - hewldan bo wergêran û çap û bilawkirdinewey hzr û bîrî mirovdostaney mamosta îsma'îl bêşkçî û tewaw ew kesaney bo kurdayetî xebatiyan kirduwe be kurd û biyaniyewe, be şêwazî nusînî ktêb û drustkirdinî fîlmî dîkomêntarî.


hawkat mûsa ehmed dûpatîkirdewe dezgakeyan be cîddî hewlî ewe dedat xalekanî em pirotokole cêbecêbikat çunke eme lexoyda xizmetêke bo mirovayetî werkî dezgakeyane rêz leher kesêk bigirn xizmet bemirovayetî bikat çunke barzanî nemr serkirdeyek bû bo bergirîkirdin lemirovayetî.


barzanî, nasnamey netewey kurde
paşan îbirahîm gurbuz serokî weqfî bêşkçî lelêdwanêkda dûpatîkirdewe barzanî nemr nasnamey netewey kurde le hemû beşekanî kurdistan, ew pirotokoleyşî be hengawêkî mêjuwî leqelemda, çunke legel dezgayekdaye nawî em serkirde gewreyey helgirtuwe eme cge lehebûnî nawî îsma'îl bêşkçî weku layenêkî em pirotokole ke lexoyda em kesayetiye uîjdanî mirovayet.


 
chapkrdn   Share GERANEWE‌