ROJNAMEY XEBAT 2013-08-07
Peyman 'Ebidulkerîm Bo Xebat: Em Sa l30 Hezar Qutabî Le Zanko û Peymangakan Werdegîrêt

Giftugoy: 'Elî Banîşarî
Peyman 'Ebidalukirîm, Endamî Lîjney Perwerdew Xuwêndinî Bala le Perlemanî Kurdistan le giftugoyekîda le gel Rojnamey Xebat le mer girftekanî berdem pirosey perwerde le Herêmî Kurdistan û ew girftaney êsta rûberuwî Wezaretî Xuwêndinî Bala bûnetewew çend pirsêkî tirewe deduwêt.



30 Hezar Qutabî Werdegîrêt
Peyman 'Ebidulkerîm le seretay giftugokeyda le gel Rojnamey Xebat aşkiray kird em sal Wezaretî Xuwêndinî Bala twanay xoy bo wergirtinî qutabiyan le Zanko û Peymangakanî Kurdistan diyarî kirduwe ke30 hezar qutabiye.


ew endam perlemane nayşarêtewe em salîş wek sercem salanî rabirdû tirsêkî gewre heye bo manewey beşêkî le qutabiyan û bêbeş bûniyan le qibulkirdiniyan le nawendî Zanko û Peymangakanî Herêm, utîşî em kêşeye hemû salêk dûbare debêtewe, kêşekeş tenha peywest niye be Wezaretî Xuwêndinî balawe, belku pêwîste Serokî Hikûmet behemahengî le gel wezaretî plan danan reçawî ziyadibûnî jimarey danîştûan bikat.


Nawbiraw deşlêt:Nabêt qibulkirdin le Zankokan tenha le pênawî qibulkirdin bêt, belkû le pênawî rayîkirdinî pêdawîstî bazarekanî Herêm û Wezaretekanda bêt.


Çarenûsî Qutabiyan
ew Endamî Lîjney Perwerdew Xuwêndinî Bala le Perlemanî Kurdistan le barey çarenûsî qutabiyan le egerî wernegirtiniyan le Zanko û Peymangakamî Kurdistan delêt: Bo çareserkirdinî em girfte debêt hikûmet çaw be corî xuwêndin û amadekirdinî gencan bo fêrbûnî coreha pîşew pisporiyan bixşênêـtewe.


Bûnî derfetî kar û nawendî kar û kargew şuwênî îşkirdin û danan û hemwarkirdinî yasakanî taybet be her yeke le deste berî komelayetî, dilniyayî tendrustî, muletekan.


Be biruway Peyman 'Ebidulkerîm hemû emane handerin bo ewey gencan fêrî ew rastiye bin ke şarezayî û pisporî le qonaxî xuwêndin drust debê, nek tenha bexuwêndinî tîorî zankoyî.


Nedanî parey qutabiyanî twanasazî
xebat: Qutabiyanî twanasazî le çend wilatêk gazindey nedanî parey xuwêndin deken û ew qutabiyaney ke le rûsiyaşin nimuneyekî aşkiraye, çi girntiyek heye bo dûbare nebûnewey em kêşane?
Peyman 'Ebidulkerîm delêt: Ême le zorbey qonaxekanda pêdaçûneweman besîstemekeda kirduwe, hewlman dawe kêşekan çareser bikeyn, bordî qibulkirdin karatir bikeyn, ta bezûtirîn kat qutabiyan berê biken û parey diyarî kirawiyan bo serf bikirêt.


Utîşî: Ewey Ême agadar bîn ewaney qibûl kirawn rîzbendî kirawe bo wergirtinî bire parey diyarîkiraw be guwêrey zankokan û corî xuwêndiniyan.


Le barey dreng geyştinî parey qutabiyanî twanasaziyewe, ew Endamî Perlemanî Kurdistan Lelîjney Perwerdew Xuwêndinî Bala gutî: Dreng geyştinî bire parey ew qutabiyane peyweste be Encumenî Wezîran û Wezaretî Darîiyewe.


50 Hezar dermale bo qutabiyanî ser be perwerde
Xebat: Bexdad biriyarey danî 50 hezar dînar le salî nuwêda bo qutabiyanî ser be Wezaretî Perwerde dawe, em biriyare Kurdistanîş degirêtewe?
Peyman 'Ebidulkerîm bo ew mebeste utî: Eger le Bexdad her bire pareyek ziyad bi kirêt debêt em biriyareş be guwêrey terxankirawî le seda 17 bi drête Herêmî Kurdistanîş, ca le katêkda kepareke denêrdête Kurdistan ewa debê Hikûmetî Herêm pabend bêt pêyîewew dabeşî bikat be ser hemû ew qutabiyaney ke ser be Wezaretî Perwerdey Hikûmetî Herêmî Kurdistanin.


Ew basî le weş kird ewan le Perlemanî Kurdistan pêyîan xoşe qutabiyanî Herêmî Kurdistan lew bire pareye sudmend bin, belam le ber ewey ta êsta hîç basî em bire pareye niye, na zanim le dahatûda çon em pirse çareser dekirêt.


Rewşî xuwêndin metirsîdare
rewşî xuwêndinî Kurdî le Kerkuk be utey Burhan Mihemed Ferec Endamî Encumenî Nuwêneranî 'Iraq le jêr metirsîdayew girft bo xuwêndinî Kurdî drust dekirêt, hest nakeyt ke lem ruwewe kemterxemî heye? Aya toş heman boçûnî Perlemantar Burhan MIhemed Ferect heye?
Peyman 'Ebidulkerîm: Raste rewştî xuwêndinî Kurdî le nawçekanî derewey Herêm metirsîdarew zor girftî le berdemdaye, le rastîda em pirse debê beyasa çareser bikirêt, emeyş le Perlemanî Bexdawe, înca be hemahengî nêwan herdû Wezaretî Perwerdey Bexdaw Herêm cêbecê bikirêt, çunke nakirêt Bexdad be corêk îdarey bidat û Herêmîş be corêkî dîke, raste Herêm salane mamostaw qutabixanew pêdawîstekanî tir xuwêndin dabîn dekat, belam em pirse yekem car pêwîstî be budcey çak heye bo buniyatinanî jêrekî û zemîne xoşkirdinî piroseke dwatir be plan û bernamey tokme çareser bikirêt.


Çoniyetî çareser
Le kotayî giftûgokemanda, be biruway ew Endamî Perlemane pêwîste bernamew planîkî zanistî û serdemîane dabirêjrêt bo çareserkirdinî perepêdanî rewşî xuwêndin le Herêm, bereçaw girtineberî ewey kêşe perwerdeiyekan roj le duway roj zeq debinewe.


Erkî Hikûmet çiye? Peyman 'Ebidulkerîm: Katêk le layen Hikûmetewe kertî taybet beşdar dekirêt lem piroseyeda, erkî Hikûmet reçawkirdinî mafî xuwêndinî her qutabiyeke le budcey Wezaretî Perwerde ke le desturî 'Iraqda diyarî kirawe, bo nehêştinî em ciyawaziye zorey ke êsta kewtute naw qutabixane Hikûmî û taybetekanewe.


Le layekî tirîşewerastî giringe ême sud le ezmûnî wilatanî drawsê werbigirîn le fêrkirdin û rahênanî mamostaw damezrandinî û bernamey xuwêndin, serperştiyarî kirdin, îdarey qutabixanekan.

 
chapkrdn   Share GERANEWE‌