ROJNAMEY XEBAT 2013-08-13
Serok Barzanî û Rolî Le Yekgutarî û Kokirdinewey Deng û Renge Ciyawazekan

Xebat- Hoşmend
be dîdî Mamostayanî Zanko Serok Mes'ûd Barzanî Serokî Herêmî Kurdistan be drêjayî mêjuwî Serokayetî Herêmî Kurdistan û le postekanî dîkeyda wek serkirdeyekî neteweyî erkekanî xoy cêbecêkirdwe û hemîşe rolî karîgerî bînîwe le kokirdinewey parte siyasiyekan û Yegkirtuî Kurdanî her Çiwar Parçey Kurdistan û endaziyarêkî şarezaw lê hatuş buwe le çarekirdinî qeyrane siyasiyekan.


Endaziyarî çareserey qeyranekan
sebaret be rolî Serok Mes'ûd Barzanî Serokî Herêmî Kurdistan wek serkirdeyekî neteweyî bo yekxistinî gutarî siyasî kurdî û kokirdinewey deng û renge ciyawazekan Pirofîsor Diktor Nazim Celal Îsma'îl ragirî Kolêjî Zanist û Mamostay Zanko delêt: Serokî Herêmî Kurdistan Berêz Mes'ûd Barzanî be drêjayî mawey cêbecêkirdinî le Postî Serokayetî Herêmî Kurdistan ta êsta serçawey yekbûn û yekirîzî Gelî Kurd û hemû layene siyasiyekanî Kurdistan buwew her partêkî siyasî kêşey hebêt tenanet le kêşe nawxoiyekanîş penayan bo Serok Barzanî birduwe ta çareseriyan bo bi dozêtewe, ewe le salanî heştakanî serdemî şaxîş be hemanşêwe le gel xwalêxşbû Îdrîs Barzanî rolî berçawiyan bînî le drustkirdinî berey Kurdistan û paşan ta raperîn berdewam bû, diwatirîş le hawpeymanîkirdin le gel parte siyasiyekanî Kurdistanewe bîgire ta degate çarekirdinî û kêşekanî partekanî Rojhelatî Kurdistan û Bakûru Rojawa û înca kokirdinewey hemû partekanî Kurdistan bewaney le hikumet beşdarin û ewaneş le derewey hikumet û opozisyonin, le êstaşda hemû partekanî Kurdistanî Suriyay le ser yek mêzkokirdewew buwe maye yekirîzî ewan, herweha êsta bewperî dilsoziyewe kar dekat bo amadekarîkirdin bo Kongirey Neteweyî Kurd ke yekemîn Kongirey Neteweyî kurdiye le ser astî her çiwar Parçey Kurdistan encam dedrêt ke emeş destkewtêkî neteweyî û şayistey eweye Serok Barzanî bikirête Serokî Kongire, çunke Remzî Remzî yekgirtuî her Çiwar Parçey Kurdistane.


Rêzgirtinî le dengî ciyawaz
P.Î. D. Îdrîs Mihemed Herkî ragirî Kolîjî Perwerde le Zankoy Selaheddînîş Sebaret be nehêştinî nakokî le nêwan parte siyasiyekan û rolî le Serok Barzanî lew bareyewe delêt: Serokî Herêmî Kurdistan Serok Mes'ûd Barzanî wek Serokêkî Neteweyî û Serokî Hemû Kurd qise dekatu mamele le gel pirs û rûdawekanî rojevî taybet be dozî Kurd dekat, cenabiyan selmandî ke Serokî rasteqîney Herême ewîş behoy ewey le hemû utaru peyamekanîda zor be rûnî rolî parte têkoşerekanî beşdarbuwî rizgarîxwazî Kurdistan dexaterû le gel rêzgirtin le gişt netewew ayne ciyawazekan û awatexwaze Kurdistan berew serbexoyî Kurdistan bi batu karîş dekat gişt binemakanî dîmukirasî peyrew bikirêt le hemû cumgekanî damezrawe siyasî û komelayetiyekanî Kurdistan, le layekî dîke derfetî bo parte opozisyonekanî hêştotewe serbarî narezayiye nalojîkiyekaniyan, belam be hoy bawerbûn be azadî raderbirîn û keşêkî siyasî fire hizbî rêzî le boçunekaniyan girtweu le hemû pirsêkî taybet be dozî Kurd banghêştiyan dekat ta beşdarbin le pirse çarenusazekan û her pirsêkî dîkey taybet be kurdu berêwebirdinî nawxoyî, le gel eweşda hendêkcar ewan retiyan kirdotewe, çunke biriyariyandwe dijayetî destkewtekanî Gelî Kurd biken û berjewendiyekanî xoyan la giringtire, a bem core hêşta Serokî Herêmî Kurdistan rêz le boçunekaniyan degirêt ta Kurd le pertewazeyî dûr bi kewêtewew be yekgirtuî dakokî le mafe zewtkirawekaniman bikirêt.


Sazanî Nîştîmanî 'Iraqî û Kurdistanî
lelayen xoşiyewe P.D.Serdar yasîn serdarî ragirî kolêjî kiştukal le Zankoy Selaheddîn delêt: Bêguman Serokî Herêmî Kurdistan hemû kat rolî giringî hebû le yekgirtuî û dijî pertewazeyî û nakokî û dû berekî bu wew le seretay dest be karbunî wek Serokî Herêmî Kurdistan xemxorî hemahengî sazanî siyasî û nîştîmanî nawxoyî û 'Iraqî buwe, emeş rengîdawetewe le wedîhênanî destkewte neteweiyekanî kurdu carî wahebuwe ke biriyarêk le perleman derçuwe, be hoy ewey fraksyonekanî perleman kok nebun le serî, ewa Serokî Herêm le ber têrwanînî stiratîcî û rehendî siyasî û nawxoyî biriyarekey pesend nekirdweu geranduiyetî perleman, baştirîn nimuneş diwa biriyarî Perlemanî Kurdistan bû le ser piroje yasay Destûrî Herêmî Kurdistan û peyamêkî giringî lew bareyewe bilawkirdewe ke herêmî le qonaxêkî hestiyaru dijwarda rizgar kirdu carêkî dîke dilniyayî gerandewe bo hawilatiyan û rêgirî kird le drustbunî qeyranî siyasî ke bi bête maiyey têkçûnî doxî siyasî û aburî û komelayetî Herêmî Kurdistan û carêkî tir hemû laynekanî kokirdewe ta beyekewe biriyar le ser Mafî Çarenûsî Kurd bi den, le gel rêzgirtin le hemû part û hêze siyasiyekanî Kurdistan.


Hîuway her çiwar parçey Kurdistan
ragirî kolêjî ziman û mamostay zanko le Zankoy Selaheddîn P.Î.D.şadan Cemîl 'Ebas le layen xoyewe delêt: Serokî Herêmî Kurdistan Berêz Mes'ûd Barzanî be drêjayî mêjuwî serokayetî kirdinî le astî hîzbî û serokayetî berey Kurdistanî û Serokayetî Herêmî Kurdistan hemû kat xonewîstane bo berjewendî giştî Kurdistan û hawilatiyan xebatî kirdweu bote çetirêk hemû hawilatiyekî kurdistanî be boçunî ciyawazewe bi hesênewew be serokî xoyanî bizanin, emeş be rûnî le hemû ew tengejaney rû le 'Iraq û Kurdistan dekat be diyar dekewêt, be corêk le gel serheldanî nakokiyekan û têkçrjanî nêwan layene siyasiyekan hemû layek rû le Serok Barzanî deken ta ew kêşane çare biken, boye dekirêt bilên Serok Mes'ûd Barzanî serkirdeyekî karîgeriyekî nawçekeyew kurdî her çiwar parçe çawiyan le destî berêziyane ta alay serbexoyî helbikat.


 
chapkrdn   Share GERANEWE‌