ROJNAMEY XEBAT 2013-08-18
Şest û Hewt Sal Xebat û Qurbanî Dan Le Pnaw Azadî Gelî Kurd

Şest û hewt sal ber le emro le nêw şewezengî tarîkî û teng pê helçnînî Kurdan û nikolî kirdin le bûn û nasnamey Kurd Partî Dîmukiratî Kurdistan be Rêberayetî Raberî Rizgarî Xwazî Neteweyman Mustefa Barzanî hate bûn û xebatî siyasî û çekdarî le pênaw bergirî kirdin le maf û azadî Gelî Kurd rageyand .


Lew rojeda ke Gelî Kurd û Kurdistaniyan bê piştîwan û penage bûn Partî û Barzanî bûn be omêd û ayindey geş û pişt û penay Kurdistaniyan .


Emro le katêkda yadî şanzey Ab dekeynewe ke Kurdistan û 'Iraq û nawçeke be qonaxêkî yekcar hestiyar têper debêt û le ser astî nawçeke û duniyaî dereweş Kurd û Kurdistan xawen pêgeyekî be hêzî siyasî û aburî giringî nawçey Rojhelatî Naweraste .


Emro Kurd bote karakterêkî giringî siyasî le nawçeke û hîç pirsêkî giringî peywest be Kurd bebê rawêj û agadarî Kurd çareser nakirêt .


Ew pêge giringey Kurd le Rojhelatî Nawerast û Cîhan be destî hênawe yek dengî û hawel û wêstî nîştîmanî le tewawî hizb û layene siyasiyekanî her çwar parçey Kurdistan dexwazê û Kurdistaniyan be Omêd û hîuwayekî zorewe çawerwanin Partî Dîmukiratî Kurdistan wek hemîşe erke neteweyî û nîştîmaniyekan le esto bigirêt bo geyştin be mafe rewakanî gelekeman le her çwar parçey Kurdistan .


Şanzey Ab saliyadî Damezrandinî Partîman hawkate le gel cejnî le dayk bûnî.


Serok Mes'ûd Barzanî bem boneweyewe pîrozbayî le xoman û binemaley Ser Berzî Şehîdan û Pêşmerge Qaremanekanî Kurdistan û tewawî xelkî Kurdistan dekeyn û be omêdîn hemîşe ew yadane le keşî aram û awedanî Kurdistan bikeynewe.

 

Le yadî şanzey Ab serî rêz û newazş bo serkirdey gewre û Bawkî Ruwey Neteweyman Mustefa Barzanî û Kake Idrîsî hemîşe le yad dadenuwênîn .


Hezaran silaw bo giyanî pakî Şehîdanî Kurdistan

Silaw bo Pêşmerge Qaremanekanî herdû Şorşî Meznî Eylul û Gulanî pêşkewtinxwaz


 
chapkrdn   Share GERANEWE‌