ROJNAMEY XEBAT 2013-09-23
Komisyonî Helbijardinekan: Piroseke Be Şêweyekî Şefaf û Bê Girft Berêweçû

Raport: Friyad Mihemed
Le rojî 21î eylûl, Kurdistaniyan carêkî tir berew ruwî sinduqekanî dengdan çûn û be bê hîç kêşe û girftêk dengiyanda, be pêyî encame berayiyekanîş lîstî jimare 110î Partî Dîmukiratî Kurdistan gewretirîn serkewtinî be dest hênawew le zorbey nawçekanî pley yekemî be desthênawe, be pêyî ew encamaneş bo carêkî tir dûpat le we kirayewe ke Partî Dîmukiratî Kurdistan gewretirîn hêzî siyasiye le ser gorepanî siyasî Kurdistan.


Dûr le her core pêşlkariyek
pirosey Helbijardinî Perlemanî Kurdistan le katjmêr 7î berebeyan destî pêkird û ta katjmêr 5î êware drêjey kêşa, dengderanî Kurdistan le mawey 10 katjmêrda dengiyanda, lew piroseda be şayedî çawdêranî netewe yekgirtwekan û wilatanî diniya ke çawdêrî pirosekeyan dekird, pirosey Helbijardinî Perlemanî Kurdistan be şêweyekî azadanew dûr le her core pêşlkariyek berêweçuwe, piroseyek dûre buwe le destêwerdan û pêşlkarî û belku dengderan be azadane dengî xoyan bew layenane dawe ke mebestiyan buwe.


Netewe Yekgirtuwekan: Piroseke şefaf buwe
Corc Bostîn Cêgirî Nuwênerî Taybetî Emîndarî Giştî Netewe Yekgirtuwekan le 'Iraq le lêdwanêkî taybetda raygeyand: Erkî ewan teniya piştîwanî kirdinî karekanî Komsîonî Balay Serbexoy Helbijardinekan buwe le 'Iraq, Komsîonî Helbijardinekan be şêweyekî şefaf û serbexo erkekaniyan le Encamdanî Helbijardinî Perlemanî Kurdistan be cêgeyanduwe.


Le barey ta çend piroseyekî şefaf buwe, Corc Bostîn Cêgirî Nwênerî Taybetî Emîndarî Giştî Netewe Yekgirtuwekan le 'Iraq raygeyand: Be hemû şêwew pêwerêk piroseyekî serkewtû buwe, ta ew radeyey ke ême pêşbînîman ne dekird bem şêweyek serkewtû û bê kêşew girft bêt.


73%î dengderan beşdar bûn
lay xoyewe Serbest Mistefa Serokî Encumenî Komisiyaran leduway tewawbûnî pirosey helbijardin, gutî: Rêjey beşdarî dengderan le Helbijardinî Perlemanî Kurdistan 73% buwe, le Hewlêr 1 71% le Dihok 4 76% û le Silêmanîş 73% le dengderan dengiyandawew pêştirîş biriyarî le ser dra bû piroseke le katjmêr 5î êware kotayî pêhat.


Ziyatir le 42 hezar çawdêrî qeware siyasiyekan
Serokî Komisyonî Helbijardinekan eweşî raygeyand: Le mawey çend rojêkda encamî helbijardinekan radegeyenin û her encamêk le iêstada bête bilawbûnewe na fermîn, hawkat komelêk skalaş tomar kirawe, belam jimarekey hêşta rûn niye, komisyon têkiray skalakan seyr dekat û lêkolînewey le bareyewe dekat, paşan encamekanî be şêweyekî resmî bilaw dekatewe.


Seokî Komisyonî Balay Serbexoy Helbijardinekan ew dengoyaney retkirdewe ke basiyan lewe dekird guwaye jimarey çawdêranî qeware siyasiyekan be berarud le gel helbijardinekanî rabirdû kemtire, raygeyand: Be pêçewanewe le helbijardinî emcareda 42 hezar û 896 çawdêrî qeware siyasiyekan, 367 çawdêrî nawdewletî, 104 çawdêrî rageyandkarî nawdewletî legel hezar û 452 rageyandkar wek çawdêr, çawdêrî piroseyekeyan kirduwe.


Çawdêranî nêwdewletî pîrozbayî le gelî Kurdistan deken
çawdêranî nêwdewletî û Netewe Yekgirtuwekanîş dûpatiyan lewe kirdewe pirosey Helbijardinî Pûerlemanî Kurdistan be şêweyekî şefaf û dûr le her core pîşlkariyek berêweçû, seyd 'Ezêm Husênî Kunsulî Giştî Komarî Îslamî Êran le Herêmî Kurdistan pîrozbayî le gelî Kurdistan kird le beramber encamdanî helbijardinekew ew helbijardineşî be serkewtinî gelî Kurdistan nîşanda, hawkat dûpatîşî lewe kirdewe wek ewey xoyan le mawey çawdêrî pirosey Helbijardinî Perlemanî Kurdistan bînwiyane piroseyekî serkewtû buwe.

 
chapkrdn   Share GERANEWE‌