ROJNAMEY XEBAT 2013-09-26
Piroseke Rêk û Pêk Bû Hawpeymaniyetî Çawdêranî Nawxoyî Helbijardinî Perlemanî Kurdistan Raportî Xoyan Bilawkirdewe

Raport - Biriyar Koyî
Hawpeymaniyetî çawdêrî nawxoyî Helbijardinî Perlemanî Kurdistanî 'Iraq 2013 ke pêkhatuwe le torî newekanî aştî û rêkxirawî geşepêdanî medeniyet û dezgay simart bo mîdiya û geşepêdanî yasa ke nuwênerayetî 56 rêkxirawî komelî medenî nawxo deken û çawdêrî rojî dengdanî taybet û giştiyan kirduwe le rêgay çawdêrekaniyan û lemiyaney kongireyekî rojnamewanîda le şarî Hewlêr encamî çawdêrîkirdinekaniyan le herdû rojî helbijardin aşkira kird.


Le seretay kongirekeda Çîmen Salih Berpirsî Dezgay Simart bo geşepêdanî mîdiya û yasa beşêkî raportî hawpeymaniyetî çawdêranî nawxoyî sebaret be Helbijardinî Perlemanî Kurdistan le herdû rojî taybet û giştî pêşkeşkird û amajey bo ewe kird ke be giştî pirosey dengdan be şêwazêkî rêk û pêk berêweçuwe belam lemiyanî rêkarekaniyan hendê berbestî berçaw hatote berdemiyan û gutîşî: Hawpeymaniyetiyeke bilawey be 50 çawdêr kird le 50 wêstgey dengdan ew çawdêraneşman raportî xoyan amadekirduwe sebaret be karnekirdinî jimareyem le more elîktironiyekan ke buwe hoy dwakewtinî û alozkirdinî piroseke, herweha be karhênanî moreke be şêweyekî nadrust bote hoy le karkewtinî çendîn morî elîktironî le wêstgekanî dengdan.

 Nawbiraw ziyatir drêjey be xistineruwî nawerokî raportî hawpeymaniyetî çawdêre nawxoiyekanî helbijardin da û utî: Çawdêranî hawpeymaniyetiyeke têbînî nadrustiyan kirduwe le tomarî dengderan ke buwe hoy ewey çendîn dengder bê beş bêt le mafî dengdan, giringe amaje bo eweş bikirêt ke çendîn dengder serdanî wêstgey heleyan kirdibû, boye neyantwanî nawekaniyan bidoz newe le tomarî dengderan.


Le layen xoşiyewew her le kongire rojnamewaniyekeda ûnis hemesale le rêkxirawî geşepêdanî medeniyet ke beşdarbuwe le hawpeymaniyetiyeke beşêkî raportekey pêşkeş kird û gutî: Sereray ewey bangeşey helbijardin le mawey bê dengî qedexekirawe be yasa 48 katjmêr pêş rojî dengdan hendêk le qeware siyasiyekan berdewam bûn le bangeşey helbijardin.


Her lemiyaney kongire rojnamewaniyekeda nawbiraw be nuwênerayetî rêkxirawe beşdarbuwekanî hawpeymaniyetiyeke datayekî taybet be xoyanî aşkira kird sebaret be rêjey dengî qeware siyasiyekan le rojî dengdanî giştî be pişt bestin be bernamey PVT ke şêwazêkî bîrkariyeu amarî zanistiye.


Le layen xoşiyewe Bextiyar Namiq beşdarbuwî hawpeymaniyetî çawdêranî nawxoy helbijardinî emsalî Perlemanî Kurdistan lemiyaney kongire rojnamewaniyekeda gutî: Le rojî dengdanî giştî heşt karmend be tewawî be dwadaçûniyan kird bo pênc Kenalî Telefizyonî le katî be dwadaçûn bo ew kenalane 117 pêşêlkarî lemawey bê dengî mîdiya têbînî kira ke dabeş dekirêt be ser pênc biwarî ciya ewanîş birîtîn le:
Hebûnî helmetî helbijardin rastewxo %29
pexşî narastewxoy helbijardin %15
utar û çawpêkewtin le gel berpirsanî qeware siyasiyekan %14
rumalkirdinêkî berçawî berpirsanî qeware siyasiyekan le katî dengdan%20
rûmalkirdinêkî nêgetîvaney layenekanî dîke %22
nawbiraw utîşî: Be pişt bestin be ew zaniyariyaney serewe detwanîn bilêyîn le helsengandmanda bo ew kenalane eweye ke be tewawî pabendinebûn be rênimayiyekanî mawey bêdengî mîdiya.

 
chapkrdn   Share GERANEWE‌