ROJNAMEY XEBAT 2013-12-28
Dilşad Şehab Hacî: Qonaxekanî Danûstandin Bo Pêkhênanî Kabîney Heştemî Hikûmetî Herêm Be Başî Berêwedeçê

Xebat- Îbirahîm Fetah
Dilşad Şehab Hacî Endamî Lîjney Danûstandkarî Partî Dîmukiratî Kurdistan raydegeyenê hengawekanî Partî Dîmukiratî Kurdistan bo pêkhênanî kabîney heştemî Hikûmetî Herêmî Kurdistan be başî berêwedeçêt, hêma bo eweş dekat hêştake qonaxî û twêjekan ne geyştote astî ewey postekan yeklayî bikirênewe.


Dilşad Şehab Hacî Endanî Lîjney Danûstankarî Partî Dîmukiratî Kurdistan bo pêkhênanî kabiniyey heştemî Hikûmetî Herêmî Kurdistan le barey ewey aya pirosey pêkhênanî kabîneke bo çî dwakewtwe, raydegeyenê raste mawey 3 mange pirosey helbijardin kotayî pêhatwe, belam mawey tanelêdan û pesendkirdinî encamî helbijardinîş ke le layen dadgawe ziyatir le mangêkî xeyanduwe.


Dilşad Şehab eweşî xisterû ke detwanim bilêm ta êste asteng û girftêk, ke wek girftêk bû bêt ne hatote berdem hengawekanî pêkhênanî kabîney nuwey Hikûmetî Herêm.


Gutîşî: Be dilniyaiyewe eme qonaxêkî nuweyew gorankarî le nexşey siyasî Herêmî Kurdistan ruwîdawew le helbijardinekanî rabirdûda Partî û Yekêtî be yek lîst beşdar bûnew zorîney perlemaniyan hebwe, eme yekemcare ew dû hizbe serekiye be lîstî ciya û be yeniya beşdaryan le helbijardin kirdwe, ştêkî tazeş eweye ew sê layenaney pêştir kursyan be dest hênawe opozisyon bûn, belam emcare arezwî xoyan nîşandawe amaden beşdarî le hkûmetda biken.


DIlşad Şehab hawkat Endamî Encûmenî Nawendî Partî Dîmukiratî Kurdistanîşe, pêyîwaye renge şêwazêkî nwey Hikumranî le Herêmî Kurdistan bête arawe, boye kobûnewew kokbûnî ew hemû layenane le ser bernamew dabeşkirdinî postekan û çoniyetî beşdarî kirdin le hikûmet bê gumanî katî pêwîste.


Eweş dexaterû ta iêste karekan be asayî berêwedeçin.


Ew endamey lîjney danûstandinkarî Partî Dîmukiratî Kurdistan eweş dexaterû be pêyî yasay perleman û yasa kar pêkirawekan ta êste gewretirîn Kutley Perlemanî Kurdistan Partî Dîmukiratî Kurdistane, bew pêye Partî radespêrdrê bo pêkhênanî kabîney heştem û le naw Partî em meseleye birawetewe be wey Berêz Nêçîrvan Barzanî kandîdî Partî Dîmukiratî Kurdistane bo Serokayetî Hikûmet, ewey demînêteweş Serokayetî Perlemanî Kurdistane, be hoy ewey her dû layenî dwem û sêyemî birawe ke Bizûtinewey Goran û Yekêtî Nîştmanî Kurdistane debê ewan dawa û boçûnî xoyan lebarey şêwazî beşdarî kirdiniyan pêşkeş biken û giftugo kirawe, belam ta iêste ew meseleye yeklayî ne botewe.


Dilşad Şehab amajey beweşda ke jimarey kursiyekan be hend werdegîrê bo mamelekirdin le gel layenekan çunke eme dengî mîllete, belam le gel eweşda jimarey kursiyekan teniya pêwer nabêt, be hoy ewey barudoxî Kurdistan û ew yekirîziyey sercem layenekan serî kokin, bêguman pêwîst bewe dekat her yekeman hendêk le daxwazî û bigire le mafekanî xoşî nermî nîşan bidat bo ewey le xalêkda be yek bigeyn.


Bawerî xoşî nîşanda bewey le kobûnewekanî dahatû ew rweyete heye.



Le beşêkî dîkey qsekanîda hêmay bo ewe kird, hêşta negeyştonete ew qonaxey ke derbikewê dû hizb bo nimûne Bizûtinewey Goran û Yekêtî daway postêkî diyarîkirawiyan kird bêt, ewey min hestim pêkirdwe lay Bizûtinewey Goran ew bîrkirdineweye heye pêwîstî beşdarîkirdinî Yekêtî Nîştmanî le beşdarî kirdinî le Hikûmetî Herêm pêwîste wek hêzêkî serekî le Kurdistanda.



Ew endamey encûmenî serkirdayetî Partî raşîgeyand, ême pêştirîş eweman neşardotewe ke ew danustandinaney Partî le gel layenekanî dîke ptir le çwar çêwey sazan û amadesazî siyasîdan û qalbêkî fermî û yasayî wernegirtuwew Kak Nêçîrvanîş xoy pêştir amajey pêdawe ke ew danûstandinane be pêyî raspardey Serokayetî Herêm û Naweênanî Perleman bêt, belam ew layenaney êste giftugoyan le gel dekirê pêkhatey serekî perlemanin, bê guman ew giftugoyiyaney êsta dekirê bo eweye asankarî û amadekarî bikirê, çunke karekanî berêwebirdin sercemî wek zincîre be yekewe bestirawn, eger ew gftugoyane nekirê helbijardinî destey serokayetî pereleman renge estem bêt be asanî helbjêrdrê, le ber ewe bo ewey destey serokayetî perleman helbjêrdrê û paşan serokayetî herêm teklîf le kesêk bikirê bo pêkhênanî kabiniyey heştem debê ew amadesazîane encam bidrê, boye katêk le ser postekanî serokayetî perleman rêkdekewî le yasada wek amajem pêda teklîfkirdin bo pêkhênanî kabîney nwê le partî debê, ewe debête rêgexoşkerêk le maweyekî kurtda kabîney nwey Hikûmetî Herêm pêk bi hêndrê.

 
chapkrdn   Share GERANEWE‌