ROJNAMEY XEBAT 2010-08-02
Rêrewî Hizbe Şorişgêriyekan Le Rojhelatî Nawerast

 


 

Partî Wek Nimûneyek


Dr. nejdet Akireyî:

Peydabûnî Hizbî siyasiye wek pêdawîstiyekî mêjûy le Rojhelatî Nawerast yaxud gelanî cîhanî sêyem (Asiya, Efrîqiya, Emerîkay latînî( taybetmendî xoy heye, çunke zorbey zorî em gelane bedest çewsanewe û kuluniyalîzim û asewarekanî pşeywest bedwakewtinî siyasî û aborî û komelayetî nalanduwiyane, boye zorîney em hizbane diruşmî xebatî çekdarî û şorişgêriyan berizkirdewe bo geyîştin be amancî rizgarî niştîmanî û neteweyî, lem pênaweşda qurbaniyekî zoriyan da, le encamda le xebatekeyanda serkewtiniyan be desthêna û deselatî siyasiyan wergirt.

Nimûneyekî rûn û berçawî em babete, Partî Demukiratî Kurdistane, ke le mawey ew şest û çwar saley da xebatî coraw corî lem biwarewe kirduwe berêberayetî Barzanî Nemr, Partî lew kate ta êsta ke cîhan berew cût cemserî çû, belam hîç yekêk lem dû cemserane le ber berjewendiyekanî stiratîjî nêwdewletî aborî û siyasî û cugirafî palpiştiyan le kêşey Kurd nedekird, boye le barudoxêkî sextda em hizbe hate kayewe be nefesêkî şorişgîrî û serkirdayetî şorişgêrî kird be mebestî gorînî waqî'êkî siyasî tal, gelêkî parçe parçe kiraw ke ptir le 40 milyon kes û ruberêkî cugirafî firwanî heye û xawen samanî siruştî corawcore ke giringtirîniyan newte, herweha keşwhewayekî le barî heye û xawen şuwênêkî nayabe ke bedilî cîhan hejimar dekirêt, belam em gel û niştîmane buwe qurbanî cugirafiyay siyasî, em hizbe şorişgêre her lew katewe ta weku êstake be bê uçan be xebatî (Siyasî, Çekdarî, Dîplomasî) berdewam buwe û rojêk le rojan pişuwî tenanet cengaweranîşî wernegirtwe,

Hoy serekî emeş bo rêberayetî Barzanî Nemir û xuwêndinewey em mirove bo rastiyekanî mêjû, cugirafiya, supa, aborî, komelnasî, peywendiye nêw dewletiyekan, peywendiye herêmiyekan, peywendî le gel gelanî hawjîn le gel gelî Kurd, Ereb, Turk, Faris, pêkhatey taybetî netewey, aynî gelî Kurdistan Turkman, Kild û Aşûr boye Partî xoy be nuwênerî hemwan dezanê le rwangey bergirî kirdin le maferewayekaniyanewe..

Partî wek hizbêkî demukiratxwaz dijbe prensîpekanî takirewey û totalîtarî û diktatoriyet xebatî kirdwe,tenanet le xudî jiyanî nawxoy hizbî da le keşwhewayekî demukirasî prensîpekanî karî hizbî peyru kirawe û le konferans û kongirekanî da parastinî şer'iyetî hizbî kirawe.

Partî le xebatî xoyda dû core xebatî kirdwe xebatî niştîmanî û demukiratî bo Iraq, xebatî neteweyî Kurd bo Kurdistan, cigelemeş le astî parçekanî dîkey Kurdistan da Partî xoy wek xawen neteweyekî çewsawe nasandwe û karî kirdwe.

Boye rêkxistinekanî Partî le beşekanî dîkey Kurdistan geşey sendwe û beşdarî xebatî netewayetiyan kirduwe.

Xuwêndinewey Partî bo hawkêşekanî nêwdewletî û Herêmî û nawxoy le astî berpirsiyetî neteweyî û niştîmanî buwe û hewlî çareserkirdinî kêşekanî bemîkanîzmî dîplomasî û şorişgêrî dawe.

Peywendî Partî le gel hizbe siyasiyekanî nawxo û derew le serbinemay bereyî û xebatî hawbeş û têk geyştin le yektirî buwe.

Le şîkirdinewey komelayetî û aborî bo çîn û tuwêjekanî Kurdistan Partî le ser binemay têwrî zanist em babetey xuwêndotewe, boye bawerêkî taybetî hebuwe bo: Kirêkaran, cotiyaran, kasibkaran, qutabiyan, afretan, lawan, fermanberan.

Lem rwangeyeweş Partî em hemû çîn û tuwêjaney girtotewe û le kêşekan û çoniyetî çareserkirdinî xawen progiramêkî firelayenî siyasî û komelayetî û aborî buwe. Partî wek hizbêkî şorişgêrî bawerî be mafî xoçarenûsîn hebuwe û xebatî bo kirduwe, be taybet mafî gelî Kurd û gelanî nawçekeş le nêw xudî Partî da raw boçûnî ciya hebwe û rêziyan lê gîrawe û prensîpî rexne û rexne le xogirtin peyrewkirawe, belam dijî siyasetî teketul buwe çunke em teketule kuşindeye, herboye be yek helwêstî rûberuwî botewe.

Partî xawen ezmûne le meydanî xebatî çekdarî û hunerî çek û ceng û serbazî bawerî bewe hebuwe ke ceng dwa penaye.

Le biwarî hukumranî siyasî medenî da Partî xawen ezmûnêkî çak buwe, çi lew nawçaney ke rizgarkirabûn le katî şoriş da, yaxud lew mawaney şer westa yaxud paş raperînî 1991ke be pêwerî şer'iyey yasayî û demukiratî deselatî siyasî berêwe debat le Kurdistanî Iraq da Partî wek qutabixaneyekî neteweyî sedan kadirî û dilsozî pêşkeş kirdwe le meydanekanî siyasî, komelayetî, kiltûrî tenanet herêmî û nêw dewletîş da.

Ew roley Partî le qeyranekan nwanduwiyetî twanîwiyetî be berjewendî amancekan em core qeyrane berêwebibat û çareseriyan bo bidozêtewe be taybetî le ruwî siyasiyewe belgeş paş Rêkkewtinname Şûmekey Cezayir 1975 û çoniyetî helgîrsanî Şorişî Gulanî le salî 1976, herweha berdewamî xebatî newekanî le nêw rêzekanî Partî nihênî berdewamî em hizbe şorişgêriye nihêniyekî dîkeş lêhatuwî serkirdayetî mêjûy em hizbeye bo nimûne rolî şorişgêrî û siyasî Şehîdî Hemîşe Zîndû Idrîs Barzanî herweha jîrî û dîplomasiyetî şorişgêrî Serok Mes'ûd Barzanî û hevalekanî le serkirdayetî em hizbe da. Encamekanî helbijardine demukirasiyekanî paş raperîn 1991 yek le duway yekda û le biwarî ciyaciya da belgey xawen ezmûn şarezayî û bawerî gelî Kurd bem hizbe şorişgêriye.

Le seretay salanî heftakanî sedey rabirdû rojnamey Pravda Zimanhalî Partî Komonîstî Soviyetî amajey be rolî Partî Demukiratî Kurdistan kird be amajekirdin bewey em hizbe be xebat polayîn kira.

Nihêniyekî dîkey serkewtinî Partî têgeyşt le gorankariyekanî cîhan herêmî, nêwxoyî komelayetî siyasî aborî kultûrî û dwaneke witiniyetî le rêrewî em pêşkewtine da.

Partî le xebatî pêwçanî xoy sedeha şehîdî serkirdey siyasî serbazî dawe, boye le xuwêndinewey Partî wişekanî Pêşmerge, şehîd manay taybetî xoy heye, le heman katda qurbaniyanî tawanekanî rijêmekanî Iraq hîsabî taybetiyan heye le edebiyat û helsukewtî Partî da.

Partî hemîşe xawen gutarêkî şorişgêrî waqî'î buwe be mîlletekey hîç rêbazî dîmaguk û çewaşekarî be karnehêwe herdem be rastgoyî le gel mîllet mameley kirduwe, emeş nihênî serkewtinekanî ewe.

Partî xawenî bîruboçûnêkî taybet û waqî'î buwe bo çareserkirdinî kêşe siyasiyekanî aborî û komelayetiyekan.

Tenanet detwanîn bilêyîn le biwarî têgeyştin le asayşî neteweyî, Partî le gel boçûnî hawçerx buwe lem babete ke birîtiye le bernameyekî geşepêdanî siyasî, aborî, komelayetî û karkirdin bo ptewkirdinî binemakanî em asayşe ke birîtiye le :

Hêzî dîplomasiyet aborî, boye cêyî şanaziye ke Partî şanazî be şorişgêriyetî xoy bikat û tenanet hêmakanî Partî rêberayetî êstay Gelî Kurd biken be pêçewaney hemû hizbe şorişgêriyekanî rojhelatî nawerast Partî wek nimûne mayewe û berdewamî xebatî xoy dekat, lem rwangeyewe kongirey 13eyemînî Partî dête kayewe bo berdewamî nefesî şorişgêrî be şêwazî siyasî guncaw be mebestî geyştin be amancî neteweyî û Niştîmanî Demukiratî.

 

 

 

 

 

 
chapkrdn   Share GERANEWE‌