ROJNAMEY XEBAT 2014-01-21
Dîdarekanî Sernûserî Xebat Le Holenda


Sasan Deruwêş- Holenda
Selam 'Ebidulla Sernûserî Rojnamey Xebat le Başûrî Kurdistan le geştêkî dû hefteyîda û le frokexaney Sxîpolî Şarî Emstirdam le layen herdû Rojnamenûsî Xebat Sasan Derwêş û Azad Leşkirî pêşwaziyekî germî lêkira, mebestîş le serdanekey bo Holenda be encam geyandinî çend kar û çalakiyekî roşnbîrî û ptewkirdinî ew peywendiye bû ke demêke le nêwan Rojnamenûsanî Holendî û Kurdistan heye le rêgey rêkxirawî Onfayl û xistinerwî hendêk pirojey roşnbîrî bo dahatwî Nûseranî Kurdistan û Holenda, lew rwangeyeşewe Rojnamekanî Holenda û dezga roşnbîrî û kultûrî û mozexanew ktêbixaney beserkirdewe, sereray emaneş çendîn dîdarî le gel kesayetî siyasî û roşnbîrî Holendî û beşêk le rewendî Kurd encam da, herweha serdanî endamanî lîjney nawçey Holenday Partî Dîmukiratî Kurdistan le Şarî Emstirdam kird û paşan dîdarêkî taybetîşî le gel Şêrzad Yûnis Rojbeyanî kird derbarey peywendiyekan û le rewşî penaberanî bê welam û derkirawîş qisewbas kira, dwatirîş Xatû Savan xanî le heman rêkxiraw bînî û çendîn pirs û basî le gel tawtwê kird.


Rêkxirawî Onfayl.


Seretayek bo hengawnanî çalakiyekan le Baregay Serekî Onfayl Sendîkay Rojnamenûsanî taybet be penaberanî biyanî le Şarî Emstirdam le layen An Martîn Van Dêrrandîn Berpirsî Onfayl û Bekir Leşkirî pêşwaziyekî germ le Selam 'Ebidulla Sernûserî Rojnamey Xebat û şandî yawerî kira ke pêkhatbûn le Sasan Derwêş Rojnamenûs û 'Ebidulqehar Hewlêrî u Wênegir.


Lew dîdareda zor betêru teselî bas le tundutol kirdinî pirdî nêwan Nûseranî Kurdistan û Holenda kira û hendê tewerî giringî emroy karî rojnamenûsî begiştî kira.


Seretaş le layen Martîn bexêrhatinî mîwananî kirdu be Kurdî gutî supas bo hatintan.


Herweha basêkî çiru puxtî derbarey drustbûnî Rêkxirawî Onfayl û karkirdinî berdewamî taku êstay kird.


Dwatirîş hate ser baskirdinî hawkarî kirdinî Rojnamenûsanî Kurdistan û basîşî le çoniyetî berêweçûnî xulî Rojnamenûsanî Xebat kird ke salî rabirdû mangî yanze lêrebûn û birwanameyan wergirt, diyare emeş bo Kurdistan karêkî nuwê bêt le sûdwergirtinî ezmûnî Rojnamenûsanî Holenda, gutîşî fêrî zorşt bûn û hawkat êmeş sûdmend buwîn lewan, ême ew rastiye ezanîn ke Rojnamenûsanî Kurdistan ta êstaş be şêweyekî klasîkî berdewamn, ke lewewpêş êmeş bew qonaxeda têperîuwîn, hîwadarm Gelî Kurdîş lew qonaxe xoy derbaz bikat, min êsta serqalî karkirdinim bo hatinî sê rojnamenûsî tirî Rojnamey Xebat ke le mangî adar debêt bêne êre bo xulêk û meşq pêkirdiniyan, hîwadarm bi twanim baştir le xulî pêşû pirogiramêkî çir û pir amadebikem, min le duway geranewey rojnamenûsan le xulekeyan, dawam lêkirdin hendê babet binûsn û le rojnamekeyanda bilawî bikenewe, ew dawayeşm le berewe bû ke bi zanim ta çend em xuleyan be giring zanîwe û çiyan le gel xoyan le Holenda bo Kurdistan û rojnameke û cemawerekeyan birdotewe, min pêm xoşe çon Sasan Derwêş û Vînos Fayeq peywendiyekî başiyan le gel rojnamenûsanî xoyan û êreda heye, be heman şêweş hez ekem rojnamenûsanî xulekaniman ke dêne êre û degerênewe ew peywendiye nepiçrin û berdewam le peywendî kirdinda bin.


Herweha hîwaxwazm Rojnamenûsanî Holendîş biçine Baregay Xebat û êweş mîwandarîan biken û le nizîkewe ezmûnî xotaniyan nîşan biden.


Le barey pirojey yadkirdinewey Rojnamey Xebatîş le Holenda eme karêkî pîrozew debêt êwe ewe bi zanin ke Holenda rêzî le Rojnamey Xebat û partekey na, boye karî bo biken bo ewey pêkewe ew yade bikeynewe, min lêrewe hîçm nema bîlêm, êstaş demewêt gwêbîstî tan bim.. paşan Selam 'Ebidulla supasî hewl û mandûbûnî Martînî kird bo ew hawkarîaney ke pêşkeşî Rojnamenûsanî Xebatî kirdwe le ezmûnî rojnamenûsî û meşq û rahênaniyan û le hewlekanî ke ta êsta berdewame bo em peywendiye û peymanîşî pêda ke be hemû şêweyek kar bo serxistinî bikat û hanî rojnamenûsanî xulekanîş bidat ke bas le çoniyetî karekaniyan le Holenda biken.


Basêkî çrupir le barey Rojnamey Xebat
dwatir Selam 'Ebidulla hate ser baskirdinî mêjwiyekî çrupirî derçûnî yekem jimarey Rojnamey Xebat û qonaxe ciyawazekanî bilawkirdinewey û berdewamî ta êstaw çoniyetî karkirdinî Xebat û dabeşkirdinî babetekan be ser laperekan û bilawkirdinewe û helbijardinî babetekanî roj û wergirtinî hewalekan le rêgey torêkî tokmey peyamnêraniyanewe cige le wergirtinî hewal le Ajansî Enadol ke girêbestêkiyan le nêwandaye û biwarî ziyatirîş rexsawe bo afretan û gencan bo nûsîn û bilawkirdinewey çalakiyekaniyan û geyandinî peyamekaniyan şan beşanî beşekanî tir, ke lem duwayiyeda gorankariyekî gewreman le dîzayn û çoniyetî dabeşkirdinî babetekanda kirdwe û bem hengaweş Xebat pêşkewtinêkî berçawî be xoyewe bînîwe û hewlîş dedeyn tîrajî rojnamekeş berz bikeynewe, herweha le hewlî eweş dayn çapêkî dereweşman hebêt.


Le kotayîda Selam 'Ebidulla ferşêkî cwanî kurdewarî ke û wêney Kiçêkî Kurd bû le gel berhemêkî çapkirawî xoy pêşkeşî mandûbûn û xoşewîstî Martîn kird bo Rojnamey Xebat û Kurdistan.


Baregay Serekî Mîdiyaî Holendî û Rojnamewanî NRC
hawkat heman roj, Selam 'Ebidulla Beyawerî Martîn Berpirsî Onfayl û Bekir Leşkirî û Sasan Derwêş û 'Ebidulqehar Hewlêrî serdanî Baregay Mîdiyaî Holendî û Rojnamewanî NRC le Şarî Emstirdam kirdu hans ke yekêke le sernûserekanî ew dezgaye pêşwaziyekî germî lêkirdin û gutî ême pêştir serbexo nebuwîn û dûr buwîn le xelk, belam le duway azad bûnim le hendêk berbestî abûrî û girêbest, twanîman bêyîne nêw xelk û le nêw cergey Şarî Emstirdam ew biniyatmanina êsta tiyaîdayn biniyatmanina, ke hemuwî le şûşeye taku hîç ştêk şarawe nebêt, êsta xoştan becwantirîn rîstorant têperîn ke xoy le dû xalda debînêtewe, yekem abûriyekî baş û piştgîr debêt boman, hem waman lê kirduwe ke nûseran û xelk pêkewe yektir bibînin û le ser germaw germî rûdawî roj qise biken, cge le rîklamî rojanew manganey Luks, le ber ewey rojnamekey ême xelkî dewlemend deyxuwêninewe, êmeş giringî bew babetane edeyn ke ewan xwaziyarîn le gel geşesendinî soşiyal mîdiya û girêdanî beynternêtewe, ême hengawî tirman nawe bo paşkoyekî taybet begencan ke xoşiyan berêwey deben derdekeyn.


Cige le rojnameke rojane be kaxez bilawdebêtewe, le gel emaneşda piştman beabûnemênt bestuwe ke le rêgey Înternêt Onlayn seyrî rojnameke deken, ke bemeş budceyekî başman dest dekewêt û mûçey karmendanimanî pê dabîn dekeyn, ême 203 karmendî hemîşeyîman heye cige le girêbest ke be parçe karî berdewamman bo deken û hîç ştêk şaraweniye lem baregaye û debînî le jûre şûşekaniyanewe çon kardeken, dwatir Selam 'Ebidullaş supasî em derfetey kirdu hîuway xwast peywendiyekî tundutoltir hebêt le nêwaniyanda ke kemî zaniyarî û pêşkewtinekanî Kurdistan debînrê le rojnamekeyanda, herweha gutî ême detwanîn ew ruwe geşey ke iêsta heye le Başûrî Kurdistan û hemû diniya çawî le sere botan binêrîn û bilawî bikenewe, le kotayîşda herdûla cextiyan le ser ew peywendiye kirdewew biriyariyan da ziyatir geşey pê biden le berjewendî Kurdistan û Holenda.

 
chapkrdn   Share GERANEWE‌