ROJNAMEY XEBAT 2010-08-03
Karêk Bo Heltekandinî Eqliyetî Şerxwazî.

Kerîm Qadir:
Rageyandinî Goran û tak takey helsurawanî ew rewte heltoqîwe le perşubilawkirdinewey guman, dilerawkê û na omêdî le naw komelgay Kurdistan berdewamin be amancî toqandinî komelga û bê nirx kirdin û be dembadanî serkewtin û pêşkewtinekan, belam ewane bê agan lewey komelgay Kurdistan qibûlî hîç diyardeyekî namo nakat û amade niye ew jiyane seqamgîrey heyetî destberdarî bêt, be her nirxêk le serî bikewê.

Na hezanî tebayî.

Ew xelke dû riwane (Newşêrwan û Bandekey) mergî xoyan le aştî û tebayî û pêşkewtin dedoznewe. Her boye hemîşe be duway kelênêk degerên ajawey lê çê biken, dwatir le rêgey ew amrazaney bo em bareyan saz û amadekirduwe xoyan be firyad res nîşanbiden. Ewete makîney î'ilamî xoyan be gerxistuwe, ke guwaye metirsî le ser jiyanî rojnamenûsan da heye, bê ewey pênasey rojnamenûs diyar biken. Ew gumrayane demêk xerîkî nanewey fîtinebûn le naw role sitemdîdekanî nawçe ciyaciyakanî Kurdistan bo ewey guman dirust biken le ser ew yekirîziyey emro heye, ke serçawey destkewtekane, bewey guwaye deselat be yek çaw seyrî Kurdistan nakat, belam ke le layen cemawer eweyan bo ne çuwe seru le gel waqî'da têkî nekirdewe, kewtine nanewey dilerawkê bo ewey hawilatiyanî Kurdistan çeşe lew azadiye neken, ke heye û hest be asûdeyî neken.

Heltekandinî Eqliyetî Şerxwazan..

Be arastey bemedenî kirdinî komelga û le nawbirdinî kultûrî tundutîjî Herêmî Kurdistan hengawî başî nawe û keşêkî xulqanduwe ke takî em wilate serqalî dahênan û balabûnî wilatekey bêt, ke be hoy dagîrkarî pêştir lêyî bêbeş bû, belam le gel ew hewl û hengawaneş da ta êsta Eqliyetî şerxwazî bûnî mawe û le rêgey na omêdkirdinewe dexwazin le biçûktirîn kêşe da agir le hemû ew destkewtane berbiden, ke heye. Boye le pênaw hengawî be medenî kirdin û le nawbirdinî peyrewanî tundutîjî, pêwîste dezgakanî Kurdistan rêgey qanûnî bigrineber bo ewey le layek ber le hengawekanî ew Eqliyete şerxwazane bigrin ke deyewê hemû ruwe geşekan çilkin bikat, le layekî dîkewe ew Eqliyete be yekcarekî le naw komelgay Kurdistan le binubotkewe heltekênin ke sebebikarî zorêk lew xuwênen ke be naheq lem wilate rijawe.

Nazînêkî bê binema..

Zor car sudfe rol degêrê û renge le satewextêk da be hukmî hokargelêk barudoxêk bo taqim û desteyek bixulqênê ke xoy gewre bête berçaw, belam hemû karêk ke le sûdfewe hatbêt zû depukêtewe û dirêjey nabê, ew 25 kursiyey Bizûtinewey Goran le helbijardinî em xuley Perlemanî Kurdistan be destîhêna, be desthênanêkî lem core bû ke amajem pêdawe, çunke le helbijardinî Encûmenî Nuwêneranî Iraq da ke le mangî adarî emsal da be rêweçû, encameke rêk pêçewanewey mangî temûz bû, wate tenha dengî ewaney bedesthêna ke mergî xoyan le tebayî dedoznewe be amancî dirêjedan be Eqliyetekeyanewe, boye ewey heyane be xowe nazînêkî katiye.

çMitmaney Cemawer..

Hîç katêk Partî îradey xoy be ser komelgay Kurdistan nesepanduwe, be pêçewanewe partî xawenî yekemîn bîrokey helbijardine le Kurdistan. Be manayekî dîke ewe partî niye xoy be hizbî qayd pênase dekat, belku cemawere mitmane be partî dedat ke raberayetî bikat, çunke. Mêjuwekey bo hemwan le berçawe û le layen kesanêkîş raberayetî dekirê û îdare dedrê ke hemîşe berjewendî neteweyî le seruwî hemû berjewendiyekan danawe û amadeye le pênaw netewe da giyan bext bikat û msaweme le ser mesele çarenûs sazekan da nekat.

 

 

 

 
chapkrdn   Share GERANEWE‌