ROJNAMEY XEBAT 2014-02-10
Nêçîrvan Barzanî Bo Rûdaw: Seqamgîrî Şarî Slêmanî Hêlî Sûrî Êmeye


Rûdaw-Hewlêr: Nêçîrvan Barzanî Serokî Hikumetî Herêmî Kurdistan, le welamî pirsiyarêkî torî mîdiyayî rûdawda sebaret be barudoxî Şarî Slêmanî, duway ew pişêwiye siyasiyey be hoy doxî nêwxoyî yekêtî lew şareda drustbuwe, raygeyand ême asayşî hemû layek û seqamgîrî Slêmanî be hêlî sûr dadenêyîn, parastinî asayşî ew şare, erkî êmeye weku Hikumet.


Rûdaw: Êwe çon derwanine rewşî Şarî Slêmanî, ke hendê xelkî ew şare hest be dilerawkê deken le ber ew pişêwiyey be hoy barudoxî nêwxoyî yekêtiyewe drustbuwe.

Êwe wek Hikumet detwanin çi dilniyayiyek biden?


Nêçîrvan Barzanî: Ême le dewletêkî medenîda dejîn, boyeş barudoxî nêwxoyî hîzbêk nabê bi bête hoy hereşe bo ser karî siyasî hîç siyasetmedar û hîç layenêkî siyasî û hawwilatiyan.


Herweha ême zor be raşkawane delêyîn, hîç girtin û beser dagirtinêk le derewey yasa û be hokarî siyasî, rêgepêdraw niye û rêgeşî pênadeyin.

Parastinî barî Aramî Slêmanî bo hemû Xelkî Slêmanî û parastinî seqamgîrî jiyanî hawilatiyan, parastinî jiyan û azadî karî siyasî hemû siyasetmedaran lew şare û şarekanî dîkeda, erkî Hikumetî Herêmî Kurdistane, ke be pêyî hemû yasakanî birway be azadî karî siyasiye.


Bawer dekeyn hemû layenekanîş derk bew berpirsiyarêtiye deken û be tewawî pabendî ew erkeyanin.


Têkdanî seqamgîrî Şarî Slêmanî hêlî sûre, belam xelkî şarî xoşewîstî Slêmanî dlniyadekeynewe ke barudoxeke arame û hîç hewlêkî bew şêweyeş niye.

 
chapkrdn   Share GERANEWE‌