ROJNAMEY XEBAT 2014-04-28
Çinar Se'id:Xelkêkî Zor Peywendî Be Partiyewe Deken,Belam Namanewêt Bîkeyne Kerestey Helbijardin


Endamî Serkirdayetî Partî Dîmukiratî Kurdistan,Çinar Se'id 'Ebidulla delêt, Partî le pley yekem û birawe debêt le helbijardinekan eweş dexate rû ke xelkêkî zor peywendî be partiyewe deken,belam nayanewêt bîkene kerestey helbijardin.


Endamî Serkirdayetî Partî Dîmukiratî Kurdistan,Çinar Se'id 'Ebidulla le lêdwanêkda bo KDP.info le barey hokarî peywendîkirdinî xelk be Partî Dîmukiratî Kurdistan û ziyadibûnî cemaweriyewe delêt‮:Yekêk le hokarekan bo ewe degerêtewe ke Xelkî Kurdistan duway ewey ke ezmûnî hukmranî Partî Dîmukiratî Kurdistanî le êstada bînîwe,sereray ew mêjuwe dewlemend û pakey ke le pêşûtirda le şorşekanî Gulan û Eylûl tomarî kirduwe,lem roda debînîn ke xelkî be hoşiyayiyewe seyrî ew ezmûne dekat û berawrdî dekat le gel twanay layene siyasiyekanî tir,boye hest deken Partî be rastî ew layene siyasiyeye ke detwanê cêgay mtmaney ewan bê.


Gutîşî‮:Xelkanêk û cemawer û hewadar û layangirî layene siyasiyekanî tirîş natwanin çawpoşî lew rastiye biken,ke Partî Dîmukiratî Kurdistan le mawey hukmranî xoy be taybetî lew nawçe cugirafiyaiyaney ke nifûs û karîgerî be hêztir buwe,awedanî û bujanewey kertekanî xizmetguzarî be giştî û emniyet û asayş û pêgey Partî le meseley peywendî nêwdewletî û dîplomasî,peywendî herêmayetî,ew heluwêste neteweyiyaney Serok Barzanî weku Serokî Partî Dîmukiratî Kurdistan herdem heybuwe û heyetî,tehedakirdinî ewlayenaney ke biyanewê pêşêlî mafekanî ew mîllete biken û rawestan le berdem ew doxaney ke sextin,renge hemû kesêk bergey negirê,emane hemuwî bûnete hokarî ewey ke xelkî mitmaney be Partî Dîmukiratî Kurdistan be hêztir bêt.


Çinar Se'id deşlêt:Xelk be duway ewewen ziyatir le Partî nzîk bibnewe çunke pêyan û waye ayndey Herêmî Kurdistan le ser şanî Partî Dîmukiratî Kurdistane û deyanewê şerîk bin le drustkirdinî ew mêjuwe pirşngdarey ke Partî le ayndeda bo Xelkî Kurdistanî desteber dekat.


Gutîşî:Le êstada xelkanêkî zor‮ ‬rû le siyaset û bername û kandîdanî Partîn,belam ême namanewî bîkeyne kerestey bangeşey helbjradin û ew xelke îbiraz bikeyn,eweş taze niye,ewe çend salêke ew cmucole debînrêt û xelkî dêne naw partiyewe,belam Partî kemtir wîstuwiyetî em meselane der bixat,belam be başî dezanîn ke xelkêk be qena'etewe biriyar biden xebatî xoyan le naw patî drêje pê biden.


Çinar Se'id gutîşî,Partî natwanê dergay xoy le ser ew xelkane dabixat ke xwastî hatine nêw rîzekanî Partî heye.

 
chapkrdn   Share GERANEWE‌