ROJNAMEY XEBAT 2014-05-03
Kemal Kerkûkî: Partî Wek Hemîşe Pêşenge

Endamî Mektebî Siyasî û serperştiyarî helmetî bangeşey helbijardinî badînanî Partî Dîmukiratî Kurdistan, delêt, "Partî Dîmukiratî Kurdistan nek teniya le Dihok û Neynewa rêjey dengekanî zor berze, le Kerkûk û Slêmanîş ziyadî kirduwe û le Hewlêrîş wek hemîşe pêşenge."

Endamî Mektebî Siyasî û serperştiyarî helmetî bangeşey helbijardinî badînanî Partî Dîmukiratî Kurdistan, D. Kemal Kerkûkî le lêdwanêkda bo KDP.infogutî: "Lem helbijardine ke le snûrî Dihok û Neynewa serperştî helmetî helbijardiniman kird, zor zor be xelkî badînan le parêzgay Dihok û Neynewa serberzîn û supas guzariyanîn, çunke be hîmetêkî berz beşdarî helbijardinekaniyan kird û rêjeyekî başiyan tomar kird û mitmaney xoyan da be lîstî xoyan, Lîstî Partî Dîmukiratî Kurdistan ke ew serkewtine berçawey tomar kird.

Cêgay dest xoşiye, ême supas û destxoşî xomaniyan pê radegeyenîn û temeninay jiyanêkî bextewer û dwarojêkî geş û aramiyan bo dekeyn le sayey dengekanî xoyan, bo nuwênerekanî Partî, bewe ziyatir dilgerm û serberzîn be piştîwanî ew xelke dilsozaney deng û mitmaney xoyan bew şêweye be lîstî xoyan Lîstî Partî Dîmukiratî Kurdistan da."

Derbarey encame seretayiyekanî dengdanîş Kerkûkî gutî: "Ême çawerwanî encamî helbijardinekan dekeyn, belam lewe dilniyaîn be rêjeyekî yekcar baş le pêşewey gişt layenekaneweyn û berawd be helbijardinekanî rabirdû dengî Partî lem helbijardineş zor ziyadî kirduwe, belam pêman başe komisyon be fermî raybigeyenê, ême le êstawe mujde be Xelkî Kurdistan edeyn ke le le snûrî herdû Parêzgay Dihok û neynewa be gişt qeza û nahiyekaniyanewe, Partî Dîmukiratî Kurdistan rêjeyekî berçawî be dest hênawe û le pêşewey gişt layenekaneweye, xelkî badînanî serberzîş îspatiyan kird ke be başî dengiyan be Partî dawe û Partî Dîmukiratî Kurdistanîş nek teniya le Dihok û neynewa le Kerkûk û Slêmanîş ziyadî kirduwe û le Hewlêrîş wek hemîşe pêşenge."

Serperştiyarî helmetî bangeşey helbijardinî Badînan gutîşî: "Be nawî xuşk û birayanim le Lêjney Serperştî Helmetî Bangeşey Helbijardin, supasî yeke yekey danştûanî Dihok û Neynewa le gişt qeza û nehiyekan û supasî Berpirsî Liqe serberzekaniman û kargîrî Liq û Berpirsî nawçekan û kadîr û endam û layangir û hewadaraniman ekeyn ke çalakane be karî xoyan hestan.

 
chapkrdn   Share GERANEWE‌