ROJNAMEY XEBAT 2014-05-27
Ebidulla Mehmud Geşbîne Be Birdinewey Naznawî Camî Konîfa

'Ebidulla Mehmud rahênerî helbijardey Kurdistan le Topî Pê raygeyand tîpekey ta satî berêkewtin bo Suwêd le meşq û amadekarî berdewam debêt û geşbînî xoşî pêşanda ke tîpekey bi bête Palewanî Camî Konîfa.

Helbijardey Kurdistan beşdarî le yekem palewaniyetî camî Konîfa dekat, ke le Suwêd le seretay mangî dahatû be beşdarî 12 helbijardey herêmekan berêwedeçêt.

Helbijardey Kurdistan nzîkey dû hefteye kobuwetewe û rojane meşq û rahênan encamdedat be mebestî xoamadekirdinêkî baş bo palewaniyetiyeke, ta êstaş 3 yarî dostaney kirduwe, dû yarî le gel Yaney Mûsil kirduwe, yekemiyan be bê gol yeksanbû, duwemîşiyan be 1-3 gol dora, paşan be 2-1 gol le Yaney Slêmanî birdewe.

'Ebidulla Mehmud Rahênerî Helbijardey Kurdistan be Rûdawî Werzşî rageyand ke ta satî berêkewtiniyan berew Suwêd, le meşq û rahênan û Yarî Dostane berdewambidebin "Amancman eweye tîpeke be baştirîn şêwe amadebikeyn" Herweha gutî: "Demanewêt zortirîn yarî amadekarî encam bideyn, belam katekey guncaw niye û le katî êstada tîpî be hêz niye yarî le gelda bikeyin".

 
chapkrdn   Share GERANEWE‌