ROJNAMEY XEBAT 2014-06-01
Helbijardey Kurdistan Berew Wilatî Suwêd Berêkewt

Helbijardey Kurdistan le Topî Pê beşdarî le palewaniyetî Konîfa dekat bo helbijardey herêmekan, ke le rojanî 1 ta 8-6-2014 le Şarî Ostersin le Suwêd berêwedeçêt û 12 Helbijarde têyîda pişkdarin.

Bo em mebesteş emro Çwarşemme berew Wilatî Suwêd berêkewt.

Serokî Yekêtî Topî Pêyî Kurdistan raygeyand Helbijardey Kurdistan nuwênerayetî hemû Kurdêk û hemû Kurdistanyan dekat û amajey beweş da Yekêtî Topî Pê berpirsiyariyetiyekî gewrey le estodaye.

Sefîn Kanebî le gel Serkar 'Elî Xan Cêgirî Serok û Selam Husên Skirtêrî Yekêtî Topî Pê û Dilşad Salih Serokî Lîjney Pêşbirkêyekan, êwarey duwênê le merasîmî berêkirdinî şandî Helbijardey Kurdistanda pêşwazyan le şandeke kird.

Sefîn Kanebî le uteyekda le berdem şandeke û jimareyek le mêdiyakan gutî: "Hewldedeyn û amancmane le dergay Helbijardey Kurdistanewe, hêşta Kurd be diniya binasênîn, Helbijardey Kurdistanîş nuwênerayetî hemû Kurdêk û Kurdistanîan dekat le her şuwênêkî ew cîhane bin.

Gutîşî: "Debêt be hîway birdinewey naznaweke beşdarî palewaniyetî Konîfa bikeyn, birdinewey naznaweke zor girînge, helbijardekanî dîkey beşdarîş be hêzin û be çawî palewanî seyrî Helbijardey Kurdistan deken.

 
chapkrdn   Share GERANEWE‌