ROJNAMEY XEBAT 2010-08-15
Ebdulrehman Zêbarî: Komelêk keys ke pêştir karman le serkirduwe be jenosayd nasrawin

Dîmane : Firyad Mihemed

Rejîmî le nawçuwî be'es le mawey pitir le 35 salî hikumranî da le Iraq komelêk tawanî gewrew dij be mirovayetî beramber be gelanî Iraq kird, lem kuştar geyaney encam dawe Kurd wek neteweyek le Iraq pişkî şêrî berkewt, be corêk coreha rêwşuwênî girteber bo le nawbirdin û bigire nehêştinî nasnamey netewekey, ew rêwşuwênane xoy le kîmyabarankirdin û bê ser û şuwên û zênde be çal û eşkencedan û deyan tawanî dîkey dij Kurd encam dawe, belam le paş rûxanî rejîm le salî 2003 ewe, Dadgay Balay Tawanekan le Iraq damezra, le gel damezrandinî ew dadgaye Kurd wek netewe le Iraq ke deyan tawanî dij be mirovayetî le dijî encamdirawe jimareyek keysî kirdewe, nasrawtirîn keysîş, keysî kîmyabarankirdinî Helebcey şehîdan û bêseruşuwênkirdinî heşt hezar Barzanî û çendîn tawanî dîke, beşêk le keysekan le berjewendî Kurd kotayî pêhatuwew ewanî dîkeş le jêr lêkolînewedan, ewey pêwîste lêreda amajey pêbidem eweye tîmî parêzeranî Kurd bo ew keysaney ke ta êsta le dadgay balay tawanekanî Iraq kirawetewe be hestêkî neteweyî û nîştimanî wek serbazêkî ûn dakokiyan le mafekanî netewekeyan kirduwe, le dîmaneyeda parêzer Ebdulrehman Zêbarî ke parêzerî jimareyek keysî giringî peywest be netewekey kirduwe, amaje bew hewl û koşşane dedat ke bo ewey keysaney karî le ser kirduwe be jenosayd binasrê û tawanbaran be sizay yasayî xoyan bigen, hawkat tîşk dexate ser ew gîr û giriftaney rûberuwiyan debêtewe.

Sê keysî giring

Le seretada le barey ew keysaney karî le ser kirduwe, parêzer Ebdulrehman Zêbarî raygeyand: yekem danîştin le ser keysî enfal berêweçû, duway 60 danîştin le rojî 2007/6/24 biryareke kotayî hat, ke komelêk sza be ser jimareyek tawanbaran sepa, le keysî paktawî nejadî ke le rojî 2009/4/8 yekem danîştin berêweçû, duway 40 danîştin kotayî be keyseke hat, her weha le rojî 2008/9/9 yekem danîştin le barey keysî serkut kirdinî raperînî beharî salî 1991 berêweçuwe û ta êsta 35 danîştin encam dirawew karkirdin le keyseke berdewame.

Nebûnî bacî taybet be çûne jûrewe

Tîmî parêzeranî Kurd le bergirî kirdin dûçarî komelêk kêşe û girift botewe, belam sûrbûnî parêzeranî Kurd hemîşe le xobûrdwane dakokiyan le mafî netewekaniyan kirduwe, le salî 2005 ewe ta êsta ke karman le keysekan dekeyn bacî çûne jûreman bo nêw nawçey sewziman nekirawe, ta êsta û bo mawey pênc sal le eşkence dayîn, emeş karîgerî be ser xêrayî berêweçûnî karekaniman le ser keysekan bikeyn, boye pêwîste çareserî ew kêşeye bikirêt, serbarî eweş beş be halî xom pêmxoş buwe kar leser ew keysane bikem ke keysî neteweyîn.

Nebûnî hemahengî le layen nuwênerayetî Hikûmetî Herêmî Kurdistanewe

Be raşkawî amaje bo ewe dekem ke nuwênerayetî Hikûmetî Herêmî Kurdistan be rûnî û raşkawî be êmeyan rageyanduwe ke nuwênerayetî Hikûmetî Herêm le şarî Bexda hîç peywendiyekman bew keysane niye, nuwênerayetî Hikûmetî Herêm deken belam qisekaniyan zor namoye, ewan nuwênerayetî Hikûmetî Herêm be giştî deken tenya Wezaretî Karubarî Şehîdan û Enfalkirawan naken, be taybet le êstada kar le nojenkirdinewey Hotel Reşîd dekirêt be êmeyan rageyanduwe debêt şuwênêk bo xoman bidozînewe, belam ta êsta nazanîn le kuwê bixewîn.

Ta çend kar bo jenosaydkirdinî keysekanî peywest be Kurd kirawe

Lem bareyewe parêzer Ebdulrehman Zêbarî gutî: Bêguman komelêk keys ke pêştir karman le ser kirduwe be jenosayd nasrawe, bo nimune keysekanî enfalkirdinî xelkî Kurdistan û kîmyabarankirdinî Helebcey şehîdan, le êstada keysî Barzaniyekan ke êsta le qonaxî lêkolînewedaye be jenosayd tomet arastekirawe renge be jenosayd binasrê, her wek keysî Kurde feyliyekan be jenosayd tomet araste kirawew pêşbînî dekirêt ew keyseş be jenosayd kotayî bêt, belam keysî paktawî nejadî arastey dadga kirawe xoy debêt le kotayî be nawî paktawî nejadî kotayî pê bêt.

Ew keysaney ta êsta karî leser kirawe

Le berdewamî qisekanîda Zêbarî gutî: ta êsta jimareyekî berçaw le dosye le dadgay balay tawanekanî Iraq kirawetewe, bo nimune keysekanî, enfalkirdinî xelkî Kurdistan, paktawî nejadî, kîmyabarankirdinî Helebcey şehîdan, serkut kirdinî raperînî beharî salî 1991 bêseruşuwên kirdinî Barzaniyekan, Kurde feyliyekan, keysî Kanî Aşqan, Zîwe, Qeladizê, keysî gundî Sureye le qezay Zaxo, bêguman dekirêt duway tewawkirdinî ew keysane kar le ser keysekanî dîkeş ke ta êsta mawe bikirêt, duway ewey qonaxî lêkolînewe tewaw debêt ew kat Wezaretî Karubarî Şehîdan û Enfalkirawan parêzer bo keyseke destnîşan dekat, belam le qonaxî lêkolînewe bayexî kem be dawake dedat eme be hele dezanim û be pêwîstî dezanim parêzer le qonaxî lêkolînewe dest nîşan bikirêt ca eger yek parêzerîş bêt, pêmwaye lêkolînewe binaxey dadgaye, leber ewey eger binyateke be jenosayd amadekira encamî baştirî lêdekewêtewe.

 
chapkrdn   Share GERANEWE‌