ROJNAMEY XEBAT 2014-06-20
Hêzî Pêşmerge Le Xalî Bergirî Dayew Pêşrewî Nekirduwe

Raport 'Elî Banîşarî
Hêzekanî Pêşmergey Kurdistan lew nawçanen ke snûrî nawçe Kurdistaniyekanî derewey îdarey Herêmin,be utey Berpirsanî Wezaretî Pêşmerge Hêzekanî Pêşmerge pêşrewiyan nekirduwe,belku lew şuwênanen ke Supay 'Iraqî be cêyî hêştûn,Berêz Mes'ûd Barzanî,Serokî Herêmî Kurdistan le peyamêkîda ke13î em mange bilawkirayewe,daway kird Hêzekanî Pêşmergew Asayiş be wiryayiyewe snûrekanî Kurdistan û serumalî xelk û nawçe û dezga giştiyekan bi parêzin û‮ ‬rêge be hîç serpêçî û snûr bezandinêk neden.

Le peyamekey Berêz Serokî Herêmda hatbû (Hêzî Pêşmergey Kurdistan çuwe ew nawçaney ke Supay 'Iraq lêyan kişawetewew bo pirkirdinewey ew boşayiye ke be hoy kişanewey supayî 'Iraqewe drust buwe).

Serokî Lîjney Pêşmergeş le Perlemanî Kurdistan delêt:(Hêzekanî Pêşmergey Kurdistan le xalî bergirîdan û naçne pêşewe).

Be boçûnî zorbey siyasiyekanî Kurd,eger Hêzî Pêşmergey Kurdistan ew boşayiye pirnekirdayetewe ewa Hêzekanî Da'iş hewlî eweyan deda betewawî ew nawçane kontirol biken ke Supayî 'Iraqî be cêyî hêştûn.

Berpirsî Encûmenî Serkirdayetî Partî le Kerkûk-Germiyan delêtHêzî Pêşmerge hêzêkî resmiye û heqî xoyetî ew nawçane biparêzêt ke êsta le‮ ‬ruwî emniyewe nalebarin).

Selah Delo,Berpirsî Encûmenî Serkirdayetî Partî le Kerkûk-Germiyan be rojnamey (Xebat î) ut (Pêştir Hêzekanî Pêşmergew Supay 'Iraq û Hêzekanî Emrîka Parêzgay Kerkûkiyan deparast,belam êsta Hêzî Pêşmerge deyparêzêt,çunke rêkewtin le nêwan ew sê hêzeda kirawe û êstaş ne Hêzekanî Emrîka û ne Supay 'Iraq le nawçekeda nemawn,boye Hêzî Pêşmerge lew nawçe na lebare emniyane hêzêkî resmiye).

Berpirsî Encûmenî Serkirdayetî Partî le Kerkûk-Germiyan utîşî (Xelk xawen ezmunêkî başe û bîniyetî ke çon pêştir Pêşmerge parêzgarî lew nawçane kirduwe,boye xelk mtmaney be Hêzî Pêşmergeye,Pêşmergeş rastgo û dest pak û hêzêkî tokmeye,le her şuwênêk bêt ew şuwêne arame).

Be hoy pêkdan le nêwan Da'iş û Hêzekanî Pêşmergey Kurdistan ta êsta çend Pêşmerge Şehîd bûn û çendîn Pêşmergeş Birîndarbûn,be utey Berpirsanî Pêşmergeş êsta Pêşmerge le ruwî çek û xwardin û pêdawîstî pzîşkiyewe girftiyan niye.

Cebar yawer,utebêjî fermî Fermandey Giştî Hêzekanî Parstinî Herêmî Kurdistan ber Rojnamey (Xebat î) ut (Hêzekanî Pêşmergey Kurdistan ew boşayiyaney pirkirdwetewe ke Supay 'Iraqî be cêyî hêştuwe û hîç kat pêşrewî nekirduwe).

Utebêjî Fermî Fermandey Giştî Hêzekanî Parstinî Herêmî Kurdistan delêt:(Hêzî Pêşmergey Kurdistan çuwe erkî nîştîmanî xoy cê be cê bikat,boye boşayiyekanî Supay 'Iraqî pirkirdewe,çunke ew nawçane bûbûne hereşe bo ser Asayişî Herêmî Kurdistan).

Cebar Yawer utîşî (Hêzekanî Pêşmerge taybetin be sîstemî bergirî le Herêmî Kurdistan,be pêyî birgey 5î madey121î destûrîş Pêşmerge erkekanî xoy cê be cê dekat eweyş yasayiye).

14î em mange Lîjney Karûbarî Pêşmerge û Şehîdan û Qurbaniyanî Cînosayd le Perlemanî Kurdistan serdanî meydaniyan bo Kerkûk û Dûzxurmatû mefrqî Slêman Beg kird ke baregakanî Hêzî Pêşmergey Kurdistanî lêbû.

Serokî ew lîjneyeş le ser pêdawîstekanî Hêzekanî Pêşmerge lew nawçane be hoy emnî netewayetiyewe zaniyarî nadrkênêt.

Arî Hersîn,Serokî Lîjney Karûbarî Pêşmerge û Şehîdan û Qurbaniyanî Cînosayd delêt:(ew raportaney le ser Pêşmerge lew nawçane nûsîwmane peywendî be emnî netewayetiyewe heye,boye natwanîn basî bikeyn).

Belam ewey be Rojnamey (Xebat) ut (Ta ew katey pêwîst bikat Hêzekanî Pêşmerge lew nawçane bo parastinî serumalî hawwilatiyan demêninewe ).
Utîşî (Hêzekanî Pêşmerge erkiyan parastinî snurekanî Kurdistan û serumalî xelkiye) ,nawbiraw deşlêt:(Hawwilatiyan razîn Pêşmerge lew şuwênane bimênêtewe ke êsta têdan û birwayan be Hêzekanî Pêşmerge heye),herweha gutîşî (Hêzî Pêşmerge lew şuwênaney ke pêwîst dekat têda bêt ziyatir naçête pêşewe).

 
chapkrdn   Share GERANEWE‌