ROJNAMEY XEBAT 2014-06-27
Alîn Sirûdêk Pêşkeş Be Pêşmerge Dekat

Ber le maweyek Xanime Goranîbêjî Rojaway Kurdistan Alîn, be serdanêkî çend roje hate Kurdistan bo encamdanî çend karêkî hunerî, lewane tomar kirdinî dû klîp ke yekêkyan goraniyek bû be Zarawey Soranî û Srûdêk Nîştîmanî ke pêşkeşî Pêşmerge giyan le ser destekanî Kurdistan dekat lew bareyewe Alîn le lêdwanêkîda utî: Maweyeke kar û amadekarîm kirduwe bo çend berhemêkî goranî û çend pirojeyekî nuwey hunerî , le êstada klîpêkim amadekirduwe ke srûdêkî Nîştîmaniye û ziyatir arastey gencan û newey nuwey Kurdistan kirawe , srûdeke be nawî (Çiya Befr û Domane) ke le awaz û têkstî Hunermendî Gewre Şivan Perwere û duway ewey le Kurdistan be şêwey klîp tomarm kird le Derhênanî Şoreşvan Sidîq, biriyar uwaye le nzîktirîn derfetda le kenale kurdiyekan bilawbikirîtewe.


Alîn herweha delê: Her takêkî Kurd le her şuwênêk bêt pêwîst piştgîrî û piştîwanî le Pêşmergekanî Kurdistan bikat, çunke be xebat û mandûbûnî Pêşmerge bû em azadiyey emro le aradaye be dest hatuwe, ewan le serdemêk xebat û berxudaniyan dijî dagîrkeranî wilat dekird ke dujmin be Kîmiyabaran û Enfal û Wêran kirdin û Xapor kirdinî şar û Gundekan xerîkî srînewey naw û nasnamey Kurd bû, êstaş be heman şêwe debînîn le berekanî cengî dijî tîror û tîrorîstan westawe bo parastinî snûrekanî Kurdistan û giyan û seru malî hawwilatiyan, boye minîş wek hunermendêk be erkî xomî dezanim ke be goraniyek piştîwanî xom bo Pêşmerge dûpat bikemewe, herweha amadem şan be şanî Pêşmerge le berekanî ceng bergirî le Xakî Pîrozî Kurdistan bikem.

 
chapkrdn   Share GERANEWE‌