ROJNAMEY XEBAT 2014-06-27
Nêçîrvan Barzanî Bo Kenalî NBC News

Xebat-Arî Mamşeyî:
Nêçîrvan Barzanî Serokî Hikûmetî Herêmî Kurdistan le dîmaneyekî televzyonîda dawa le Nûrî Malîkî Serok Wezîranî Hikûmetî Fîdralî 'Iraq dekat ke destberdarî postekey bêt.

Le dîmaneyekda le gel Kenalî NBC News î Emerîkî,Nêçîrvan Barzanî amajey bo çend çareserêkî doxeke kird.

Barudoxî êstay 'Iraq zor aloze.

Be ray min,nabêt çî tir wek Serok Wezîran bimênêtewe,eger 'Iraq carêkîtir seqamgîrî dewêtewe û deyewêt ser le nuwê pirosey siyasî dest pê bikatewe,be hebûnî ew weku Serok Wezîran,ewe doxeke ziyatir aloztir debêt.

Sebaret be boçûn û xuwêndinewey ew bo dahatuwî 'Iraq,Nêçîrvan Barzanî gutî:Pêwîste waqî'î bîn.

'Iraq wilatêkî dest kirde.

Le 'Iraqda Sûnine û Şî'e û Kurd heye.

Pêwîste hawkêşeyek bi dozrêtewe bo çonêtî pêkewejiyan.

Baştirîn hawkêşeş bo 'Iraq birîtiye le fîdralîzm,hebûnî Sê Herêmî Fîdralî.

Wa bizanim ewe baştirîn çaresere bo 'Iraq.

Herçî derbarey destêwerdanî Emerîka û nardinî jimareyekî kemî hêzî serbazî bo 'Iraq,Nêçîrvan Barzanî pêyî waye ew biriyarey Emerîka hengawêgî zor giringe û ziyatir gutî:Belam,çareserî kêşey 'Iraq serbazî niye,belku wilateke pêwîstî be çareserî serbazî heye le yek katda.

Pêm waye nardinî ew 300 Rawêjkare Emerîkiye karêkî başe,belam bes niye.

Boçûnî ême eweye ke hem çareserî serbazî hebêt,belam hawkat çareserî siyasîşî le gelda bêt.

Herweha pêyî wabû ke ewey le ser Emerîkaye ke wicûdêkî siyasî ziyatir bixate ger lem doxey êsta.

Le barey froştinî newtî Herêmî Kurdistanîşewe,Serokî Hikûmetî Herêmî Kurdistan amajey beweda ke ewey Herêmî Kurdistan kirduwiyetî karêkî yasayî û destûriye,herweha hokarî nardine derewekeşî xisterû:Ewe ziyatir le 6 Mange Serok Wezîran Malîkî budcey êmey birîwe bebê hokar,her boye biriyarmanda ke natwanîn bew şêweye berdewam bîn û hetahetaye çawerê bikeyn.

Ewe bû biriyarmanda newtî xoman bifroşîn.

Nêçîrvan Barzanî Hêzekanî Da'işîş be hereşeyekî bê dû dilî bo ser Herêmî Kurdistan dana û raygeyand ke ewan Rêkxirawêkî Tîrorîstîn ke êsta Herêmî Kurdistan snûrêkî 1000 Kîlometirî le gel em rêkxiraweda heye.

Le ser ew babete gutî:Ême lew bareyewe nîgeranîn û hemû ştêk dekeyn bo parastinî herêmekeman.

Herweha basî lewekird ke weku serkirdayetî û Asayişî Herêmî Kurdistan ewan pêşbînî be dîhatinî ew rûdawaneyan kird le 'Iraq û le Mûsil be taybetî.

Ême hewlimanda le gel Serok Wezîran Malîkî û dawaman lêyan kird operasyonêkî hawbeş encam bideyn ber le 6 Mang,belam ewey retkirdewe û gutî barudoxeke başe û hîç kêşeyek niye û hemû ştêk le jêr kontiroldaye.

Basî leweş kird ke ew zaniyarîyaneyan le gel Emerîkiyekanda bas kirduwe ke ewan le beramberda gutuwiyane fşar bixene ser 'Iraq.

Le kotayîşda le welamî pirsiyarêk le barey ewey eger çawî be Serok Wezîranî 'Iraq bikewêt çî pê delêt,Nêçîrvan Barzanî le welamda gutî:Eger zor direng nebêt,pêyî delêm em barudoxe pêwîstî be çareserî siyasî heye.

Hemû layenekan,wata Sûnine û Şî'e û Kurd,le ruwî siyasiyewe beşdarî pêbike û rêgayek bidozewe bo çareserkirdinî em kêşeye le 'Iraq.

Em kêşeye be rêgey serbaziyewe çareser nakirêt.

Take çareser birîtiye le çareserî siyasî.

 
chapkrdn   Share GERANEWE‌