ROJNAMEY XEBAT 2014-07-03
Gutare Hereşeamêzekey (Malîkî) Behayekî Niye…Rîfrandom Mafêkî Destûriye

D.Muhemmed Baziyanî delêt, "Gutare hereşeamêzekey (Malîkî) behayekî niye û teniya bo berzkirdinewey wirey leşkerekî xoyetî, eger na dewletêk nemawe be nawî 'Iraq û parçe parçe buwe.

" (Mu-eyid Teyîb)-îş cext dekatewe, destûr delêt, eger yekparçeyî 'Iraq neparêzra, her neteweyek mafî heye biriyar le ser çarenûsî xoy bidat.

Deşlêt "le êstada 'Iraqî yekgirtû nemawe û Herêmî Kurdistanîş mafî xoyetî biriyar le ser çarenûsî xoy bidat."



Serokwezîranî 'Iraq (Nûrî Malîkî) le gutarî heftaney xoyda, bas lewe dekat maddey 140 mawe û maddeyekî destûriye û taweku êsta kotayî pê nehatuwe û pêwîste be pêyî destûr cê be cê bikirêt.

Deşlêt, Herêmî Kurdistan mafî rîfrandomî niye, çunke mafî çarenûs le destûrda niye, le beramberda gutebêjî Lîstî Hawpeymanî Kurdistanî le xulî pêşuwî Perlemanî 'Iraq delêt, "Be pêyî destûr maddey 140 cê be cê kirawe û Herêmî Kurdistanîş le ber ewey 'Iraq be yekgirtuwî nemawe, mafî xoyetî biriyar le çarenûsî xoy bidat."

Gutebêjî Lîstî Hawpeymanî Kurdistanî le xulî pêşuwî Perlemanî 'Iraq ( Mu-eyid Teyîb ), be KDP.infoy rageyand: "Çûnî Hêzî Pêşmerge bo nawçe Kurdistaniyekanî derewey Herêm bo xakî xoyan buwe, belam ême çawerwan buwîn be pêyî maddey 140-î destûrî 'Iraq cê be cê bikirêt, belam diyare Bexda niyetî cê be cêkirdinî ew maddeyey niye, boye mafî êmeye destûr cê be cê bikeyn û pêwîstî be Hikûmetî nawend niye."

( Teyîb) gutîşî: "Ewey Herêmî Kurdistan basî lê dekat maddey 140 cê be cê kirawe û êsta pêwîstî be cê be cêkirdin niye û hîç serpêçiyekî destûrî niye û ewey (Malîkî) deylêt rast niye, belku Herêm destûrî cê be cê kirduwe, çunke eger niyetî cê be cêkirdiniyan hebuwaye, bo 10 sale cê be cêyîan nedekird."

Eweşî rûn kirdewe, "Pêwîst bû le mawey şeş mangda maddey 140 cê be cê kirabuwaye, belam 10 sal têperî û hêşta cê be cê nekirawe, boye mafî Herêmî Kurdistane le êstada ew maddeye cê be cê bikat."

Sebaret be rîfrandomîş (Teyîb) gutî, "Ew rîfrandomey biriyare encam bidrêt, mafêkî reway Gelî Kurde û le jêr serperştî nêwdewletîda encam dedrêt û Hikûmetî 'Iraqîş detwanê beşdarî bikat."

Ew gutîşî: "Be pêyî destûr pêwîste yekparçeyî 'Iraq bi parêzrêt û eger neparêzra ew kat her neteweyek mafî heye biriyar le ser çarenûsî xoy bidat, boye le êstada 'Iraqî yekgirtû nemawe û Herêmî Kurdistanîş mafî xoyetî biriyar le ser çarenûsî xoy bidat, eweş le rêgey xelkî xoyewe, boye ne dijî destûre û ne dijî ew mafaneye ke netewe yekgirtuwekan dawiyete hemû netewekan."

Lay xoşiyewe berpirsî senterî huda bo lêkolênewey stiratîjî (D.Muhemmed Baziyanî) be KDP.info rageyand: "Ew gutare hereşeamêzey (Nûrî Malîkî) hîç behayekî niye û teniya bo berzkirdinewey urey leşkerekî xoyetî, eger na dewletêk nemawe be nawî 'êraq û parçe parçe buwe."

( Baziyanî) gutîşî: "Supay 'Iraq nemawe û carêkî dîkeyş Suninekan razî nabin Şî'e hukmiyan bikat.

Suninekanîş razîn Herêm bi bête dewletêkî serbexo û ew nawçane bigerênewe ser Herêmî Kurdistan, nek (Malîkî) hukmiyan bikat."

 
chapkrdn   Share GERANEWE‌