ROJNAMEY XEBAT 2014-07-04
Kardo Ew Şetirenczane Kurdey Ke Girandmasterêkî Okiranî Neytwanî Lêyî Bibatewe


Kardo Ako Muhemed yekîke le Şetrenczane diyarekan le ser astî Kurdistan û 'Iraq,tenanet le çend beşdariyekî nêwdewletîşda ast û encamî baş buwe,ke dwatirîniyan le Palewanêtî Mawpoliska le Polenda twanî le gel Şetirenczanêkî helgirî girand master beramberbêt,em Şetirenczane le pal ewey yarîş dekat le heman katîş wek rahênerêk erkî rahênan le yaney Şetirencî Xanzad be cê degeyenêt.

Dîmane:Hawar Murtkeyî
Kardo Ako le dayikbuwî salî 1980 î Arî Hewlêre,le seretay minaliyewe hezî beyarî Şetirenc kirduwe û le temenî hewt salîşiyewe xerîkî em yariyeye,le yekem beşdarîkirdinî le salî 1995 twanî bi bête Palewanî Lawanî Hewlêr,ke le Koy 5 Yarîda twanî her 5 Xal ko bikatewe,le salî 2010 baştirîn yarîzanî bê polîn le Palewaniyetî Fecrî Nêwdewletî ke le Wilatî Êran encam dra,Kardo Ako le Koy 11 Yarî twanî 7 Xal ko bikatewe û lew palewanêtiyeda buwe Yarîzanî Polînkiraw,Kardo Ako Şetirenczanî Yaney Xanzadew le heman katîşda le lîjney rêkxistinî palewanêtiyekanî derewey heman yane xizmet dekat û maweyekîşe weku rahênerî taze pêgeyiştwanî Yaney Xanzad dest be karbuwe.

Le salî 2012 le Palewaniyetî Olombpiyadî Parêzgakan le Bexda twanî bi bête Palewanî Olompiyad be ko kirnewey 5,5 le Koy 6 Yarî ke Hewlêr weku tîm têyîda buwe palewan,her le heman sal û le yekem Fîstîvalî Nêwdewletî Kurdistan beşdarî kird û twanî pley noyem le ser astî giştî û pley çwarem le ser astî Kurdistan be dest bênêt be kokirdinewey 5?5 Xal le 9 yarîda,belam le salî dwatir û le duwem Fîstîvalî Nêwdewletî Kurdistan emcare twanî pley yekem le ser astî Kurdistan be dest bihênêt ewîş duway ko kirdinewey 6 xal le koy 9 yarîda.

Kardo Ako sebaret be beşdarîkirdinî le palewanêtî em duwayiyey le Polenda gutî:Emsal le Palewanêyetî Mawpulska ke le Wilatî Poluniya encam dra le gel Girandmasterî Okiranî Fadîm Şîşîkîn ke xawen Polînî 2477 bû twanîm beramber bim le gelîda.

 
chapkrdn   Share GERANEWE‌