ROJNAMEY XEBAT 2014-07-10
Masî û Pişîle" Beşdarî Le Fîstîvalî Fîlmî Karlovî Varî Çîk Dekat


Fîlmî Sînemayî "Masî û Pişîle" le derhênanî sînemakarî Kurd Şehram Mukirî, le Fîstîvalî Fîlmî Karlovî Varî Çîk nimayş dekirêt.

Em fîlme le berhemhênanî Sipêhir Seyfî û berhemî kompaniyay "Êran Nwîn Fîlm" le nuwêtirîn beşdarî nêwneteweyî xoyda wek teniya nuwênerî sînemay Êran le beşî "Asokan"î 49 Yemîn xulî Fîstîvalî Nêwdewletî Fîlmî Karlovî Varî le nimayş dekirêt.

Fîstîvalî Fîlmî Karlovî Varî girîngtirîn Fîstîvalî Ewrûpay Nawendî û Rojhelatî Ewrûpaye û yekêke le girîngtirîn Fîstîvalekanî Sînemay Diniya ke xulî 49 yemîn rojî 4 Temmuz/ Yolyo 2014 le Şarî Karlovî Varî destî pêkirduwe û ta rojî 12 em mange be nimayşî komelêk fîlm le sînemakaranî wilatanî cîhan drêjey debêt.

Em fîstîvale çendîn beşî pêşbirkêyî serekî, le wane: pêşbirkêyî "le rojawawe û bo rojhelat", pêşbirkêyî "Fêrrom", pêşbirkêyî "Fîlme Dîkomêntariyekan" û herweha beşekanî "Asokan", "Derewey Pêşbirkêyî", "Corêk Rwanîn" u "Beşî Taybet"î le xogirtuwe.

Fîlmî Sînemayî " Masî û Pişîle" le drêjey beşdarî le Fîstîvale Cîhaniyekanda le rojanî 18 ta 28 Huzeyran/ Yonyo 2014, le 68 emîn xulî Fîstîvalî Nêwdewletî Fîlmî Êdînborg le Wilatî Iskutlenda nimayş kira.
Em fîlme le duwayîn beşdarî nêwneteweyî xoyda le rojanî 17 ta 21 Huzeyran/ Yonyo 2014, le beşî pêşbirkêyî fîlme bilndekanî yekemîn xulî Fîstîvalî Nêwdewletî Fîlmî Bêld BFF le Wilatî Slovîniya nimayşkira û le layen endamanî lêjney dadweranewe xelatî taybet û herweha le layen bîneranewe xelatî

Baştirîn Fîlmî Pêbexşra.

PNA

 
chapkrdn   Share GERANEWE‌