ROJNAMEY XEBAT 2014-07-13
Mesrûr Barzanî: Kurdistan Le De Salî Rabirdûda Barmtey Hikûmet û Sîstemêkî Faşîl Buwe


Rawêjkarî Encûmenî Asayîşî Herêmî Kurdistan ( Mesrûr Barzanî ) le dîmaneyekî taybetda le gel Rojnamey "Vî Cî"-î Noruwêjî, doxî êstay 'Iraq û mersiyekanî girûpî tîrorîstî Da'iş bo ser Komelgey Nêwdewletî û Herêmî Kurdistan, xistuwete ber basewe.

( Mesrûr Barzanî ) bêgumane le wey ke, Kurdistan le de salî rabirdûda barmtey hikûmet û sîstemêkî faşîl le 'Iraq buwe, peresendinekanî êstayş pêwîstî be bernamey nuwê heye, çunke emro ew 'Iraqe nuweye heman ew xake niye, ke pêş 9î Huzeyran hebû.

Bawerîşî waye ke, êsta 'Iraq le her katêk ziyatir dabeş buwe, boye sûrbûn le ser heman stirakturî siyasî teniya naseqamgîrî û fewzay nuwêtir berhem dehênê.

Deqî Dîmaneke:

*Aya zaniyarîtan derbarey çekdaranî biyanî le naw Da'iş heye, ke le 'Iraq şer deken le Nerwîjewe hatbin ya le barey çekdaranî biyaniyewe ke le Wilatanî Skendinaviya weku Suwêd û Danîmarkewe hatbin?

( Mesrûr Barzanî ) : Çekdaranî biyanî le naw Da'iş da hen, sereta bo şerkirdin hatine sûriya, êstaş zorbeyan hatûnete 'Iraq. derbarey bûnî hawwilatiyanî Noruwêjî le naw Da'iş da zaniyarî diyarîkirawman niye, çunke zorbeyan nasnamey xoyan gorîwe, le gel eweşda amaje heye, ke hendêkiyan le Wilatanî Skendinaviyawe hatûn.

*Aya zaniyarî ya mezendeyektan le barey jimarey piyawanî Noruwêjî heye, ke le naw Da'iş le 'Iraq şer deken?
Aya Çekdarî Mêyîneyan Têdaye?

( Mesrûr Barzanî ): Zehmete mezendey jimarey ewane bikeyt, ke êsta le 'Iraqdan, belam zaniyariyekaniman amaje bewe deken, ke sedan çekdarî biyanî peywendyan be Da'işewe kirduwe û be şêweyekî serekî le Ewrûpawe hatûn.

Raportekanî bem duwayiye, ke le layen girûpeke bilaw kirawnetewe rastewxo hereşe le Asayîşî Paytextî Wilatanî Ewrûpa dekat.

* Hokarî serekî ew doxe metirsiyey emro le 'Iraq deybînîn, çiye?

( Mesrûr Barzanî ) : Jimareyek hokar bûnetewe hoy drustbûnî ew barudoxe şêwaw û bê serûbere le 'Iraqda.

Yekêk le hokare serekiyekan pabendinebûnî hikûmete be destûr û rêkkewtinekanî hawbeşî le deselat, eme û berdewamî feramoşkirdinî layene siyasiyekan û çirbûnewey destelat le destî yek kes serencam hikûmetêkî tayîfî lê kewtewe.

Le rastîda 'Iraq dewletêkî faşîle, gendelî, fewza û nebûnî pêdawîstiye bineretiyekan, bûnî milyonan aware le nawewe û le derewey wilat le seruwî mezendeye.

Belam Hikûmetî 'Iraq le birî bangeşekirdin bo yekgirtuwî û kirdinewey lapereyekî nuwê û çareserkirdinî kemûkuriyekan, dergay xobexşînî bo şerkirdin dijî Da'iş kirdewe, le encamda milişiyaî nuwê drust bûn û le şeqamekanî Bexda desurênewe.

Emeş serwerî yasay lawaz kird û buwe hoy xuwênriştin û bê serûberî ziyatir.

Eme ew 'Iraqe niye, ke ême le salî 2003 da razîbuwîn bewey bibîne beşêkî.

* Aya êwe pêşbînî ewetan dekird Da'iş bew xêrayiye le 'Iraq pêşrewî dekat wek ewey girûpeke kirdî ?

( Mesrûr Barzanî ) : Ême çend mangêk pêştir Hikûmetî 'Iraqman lebarey têkçûnî barudox le naw Mûsil û dewrûberî û çalakiyekanî Da'iş le nawçekeda agadar kirdewe, belam bedaxewe guwey le hoşdarî û agadarkirdinekaniman negirt, şok û darûxan û teslîmbûnî Supay 'Iraq rolêkî gewreyan bînî le pêşrewî xêray Da'iş da.

* Da'iş ta çend hereşe û metirsî le ser asayîşî Kurdistan heye ?

( Mesrûr Barzanî ) : Girînge cext lewe bikeynewe, ke Da'iş teniya hereşe niye bo ser Kurdistan, belku hereşeye bo tewawî Komelgey Nêwdewletî be Noruwêjeweş.

Da'iş supa û pare û torêkî heye bo hejandinî paytextekanî Ewrûpa, be te-ikîd serkewtinî Da'iş le 'Iraq karîgerî le Komelgey Nêwdewletî dekat.

Emro be hoy bêtwanayî supa û hêzekanî asayîşî 'Iraq, snûrêkî hawbeşman be drêjayî 1000 kîlometir le gel dewletêkî tîrostî heye, ke têkdanî encam dawe.

Cêgîrkirdinî Pêşmergeş bo parastinî snûrekan û bergirîkirdine le Kurdistanda.

* Le dîmaneyekda le gel Frans 24 da bast lewe kird, ke Kurdistan dewletêkî dîfaktoye, aya dekirê be kurtî eweman bo rûn bikenewe, ke Kurdistan le çîda le 'Iraq cudaye ?

( Mesrûr Barzanî ) : Kurdistan durgeyekî seqamgîre le naw deriyaiyekî naseqamgîr û fewzada.

Ême asayîşêkî berçawman bo hawwilatiyaniman dabîn kirduwe, uwêray ajawey Sûriya û teqînewe û hêrşî rojaney 'Iraq û êstayş bûnî dewletêkî nuwê, ke le layen girûpêkî tîrorîstiyewe hikumran dekirê, emane hemuwî le ser snûrekanimandan.

Le ruwî geşey abûriyewe le seruwî 'Iraqîn, û wêray abiloqey darayî, ke le layen Hikûmetî 'Iraqiyewe be ser Herêm û gelekemanda sepêndrawe, belam be hemû pêwerekan dahatî hawwilatiyan û astî bjêwî le Kurdistan le çaw 'Iraq berztire.

'Iraq yekêke le gendeltirîn û naseqamgîrtirîn wilat, Kurdistanîş bacî bûn be beşêk le 'Iraq dedat.

Êsta ême dîmukirasîêkî geşesendû piraktîze dekeyn, le ser binemay lêktêgeyştin û lêburdeyîda seqamgîrî siyasîman heye, nek tolesendinewe û paktawkirdinî yektir.

Leweş girîngtir ême le dakokîkirdin le kultûrî dewlemendî lêburdeyî û pêkewejiyan, ke çendîn sedeye heye, berdewam debîn.

Ême le Kurdistan çawman le ayindeyekî pirşngdartire.

* Wek wilatêkî serwer û serbexo Kurdistan key didanpêdananî nêwdewletî be dest dehênê ?

( Mesrûr Barzanî ) : Umêdewrarm Komelgey Nêwdewletî wek wilatêkî serbexo didan be Kurdistan da binê, ewkatey Gelî Kurd biriyarî le rîfrandomî nîştmanî dahatû da.

* Aya, eger Hikûmetî Kurdistan didanpêdananî nêwdewletî be dest hêna, şerkirdinî dijî Da'iş asantir debê?

( Mesrûr Barzanî ) : Bêguman, Kurdistan le de salî rabirdûda barimtey hikûmet û sîstemêkî faşîl le 'Iraq buwe, peresendinekanî êstaş pêwîstî be bernamey nuwê heye, çunke emro ew 'Iraqe nuweye heman ew xake niye, ke pêş 9î Huzeyran hebû.

Êsta 'Iraq le her katêk ziyatir dabeş buwe, boye sûrbûn le ser heman sitrakturî siyasî tenha naseqamgîrî û fewzay nuwêtir berhem dehênê.

Pêwîste Serkirdekanî 'Iraq û Komelgey Nêwdewletî dan beweda binên, ke ew pirojeyey paş 2003 bo damezrandinî 'Iraqêkî Fîdral û hawbeş hebû, feşelî hênawe.

Le rastîda em wilate le wetey be nuwê damezrawe seqamgîrî bexowe ne bînîuwe.

Kurdistan pabend niye şerî girûpêkî tîrorîstî nêwdewletî bikat, eger encamî kotayî drêjedan bê be waqî'halî 'Iraq.

Herweha natwanrê be bê piştîwaniyekî piraktîkî dawa le ême bikirê şerî girûpêk bikeyn, ke be çekî û wêranker çekdare ( Le layen Komelgey Nêwdewletiyewe be 'Iraq dirabû ).

 
chapkrdn   Share GERANEWE‌