ROJNAMEY XEBAT 2014-07-21
Hemû Pêkhatekanî Kerkûk deyanewêt bigerênewe ser Herêmî Kurdistan

Diyar Botanî
Madey 140 î destûrî 'Iraqî ke taybete be nawçe dabirawekan û hîway Gelî Kurd bû bo geraneweyan bo ser Herêmî Kurdistan,taku êsta be fermî cê be cê nekirabû.

Belam aya geranewey Kerkûk bo ser Herêmî Kurdistan le çwarçêwey milmilanêyîekanî siyasî çî egeênêt bo Kurdistan?

We aya başûrî 'Iraq çî be ser dêt ?

Debêt Hikumetî Herêmî Kurdistan çi rolêkî hebêt lem kateda?

Aya abûrî Kurdistan be çi layek ebat.

Maddey 140 birgey frewanî egirêtexo,emeş be asayî kirdinewey em nawçane bû ( Altgbî' ) ,dwatir amarî giştî em nawçane bû ( elihsa elsukanî ).

Le kotayda rîfrandomêkî serekî bo em nawçane bû (ihsa) ,herweha dwatirîn kat bo cê be cê kirdinî em madeye 31/7/2007 bû.

Belam be daxewe le ber milmilanêyî siyasî le 'Iraqda em madeye cê be cêkirdinî zor estem bû.

Boye ne Perlemanî 'Iraqî û ne deselatdaranî derewey 'Iraqîş neyan twanî em madeye weku xoy cê be cê biken.

Tenanet nuserekanî Ewrupaş‮ ‬zur be qursî basî em milmilanêyeken ke le nawewey Kerkûk heye le nêwan tayfekanî 'Iraq herwek Kurd û 'Ereb û Mesîhî û Turkman.

Belam emro ebînîn em nawçane xudî xoyan hez eken bigerênewe ser xakî Kurdistan,herweha newek bikewne jêr destî tîrorstî Da'iş.

Eger Pêşmergey Kurdistan neçûbane em nawçane ewa destî tîrorî Da'iş be ser em nawçane debû,dwatir haletî em nawçane şîkariyekî tirî debû,Kurdekanî 'Iraq be heqêkî xoyan ezanin dest be ser em nawçane dabigrin,çunke derfetêkî awa narexsêt bo cê be cêkirdinî madeyekî destûrî le 'Iraqda we Serokî Herêmî Kurdistanîş basî Kerkûk ekat ke le gel Wezîrî Derewey Berîtanî Wilyem Hîg elê:Madey 140 kotayî pêhat û be hîç şêweyek basî nakeyn.

Kerkûk wek sûmbulêk seyrdekirêt le layen kutle siyasiyekanî 'Iraq û Kurdîş be dil û Qudisî Kurdistan wesfî eken,Turkmanekanîş bê şik weku wilayetêkî 'Usmanî têyî erwanin û 'Erebîş be heman şêwe wek Qudisî 'Iraq seyrî deken.

Kerkûk wek sermayekî neteweyî û newtî way lê ekat kêşeke qultirbêt ke be corêk nasnamey em şare bişêwênêt,we heweha bas le ser newtî Kerkûk basêkî tire ke hendêk car têkele be nasnamey em şare ekirêt be şêweyek ke ne nasrêtewe,we bas le ser te'rîbikirdinîşî wek ewe waye ke nekirabêt le serdemî Rijêmî Be's.

Belam nawçe dabirawekan bes Kerkûk niye,belku ziyatire le Kerkûk û hendêk car bes Kerkûk weku nawçe dareawekan temaşa ekirêt.

Belam ta çend Hikumetî Herêmî Kurdistan sûre le ser Kurdistaniyetî Kerkûk ?

Çunke Hikumetî Dewletî Qanûn elê ke bas kirdin le ser Kerkûk kotayî pê nehatuwe û maddey 140 be hîç şêweyek kotayî pê nehatuwe.

Eger em nawçane betewawî kotayî pêhat be geraneweyan bo ser Xakî Kurdistan,aya dewletbûnî Kurdistan çî be serdêt?

Aya palpiştî Dewletî Îsrayl bo Kurdistan ta çend dilsozaneye bo drust bûnî Dewletêkî Kurdî ?

Çunke xoşhaliye emro Kurdekan ebînin palpiştî Serokî Wezîranî Îsrayl amaje be Dewletî Kurdî edadt le Rojhelatî Nawerast wek dewletî miyanrew bo drustbûnî be dewlet.

Keçî le hendêk nawçe 'Erebiyekanîş em babete zor esteme ke Kurd xewnî pêwe bibînin.

Eger bêtu ême basî Dewletêkî Kurdî bikeyn ebêt basî abûriyekî Kurdîş bikeyn ke zorbey kalakanî xudî xoy berhem bihênê,wata asayişî xurak û jêr xanêkî be hêzîşî hebêt.

Le berewey her katêk tûşî qeyranêk bêt tuşî girft debêt,herweha debêt basî destelatêkî be hêz bikeyn lem nawçeye.

Aya deselatdarekanî siyasî Kurdî ta çend hekîmane û be hêzane etwanin helsewkewt biken bo em babetane le ser meseley newt û deselat û abûrî Kurdistan,întîmay hawwilatiyan bo xakî Kurdistan ?

Le gel em hemû babetaneş Kurd basî girftêkî dadperwerane ekat le konewe taku emro ke ewîş drustbûnî Dewletêkî Dîmukirasî û Serbexoy Kurdiye û giranewey nawçe dabirawekane bo ser xakî Kurdistan.

Emeş mafî hemû gelêke ke xawenî keltûr û ziman û xakî xoyan bin ke weku hemû gelêkî duniya be serbexoy bijêyîn.

 
chapkrdn   Share GERANEWE‌