ROJNAMEY XEBAT 2014-08-05
Serok Barzanî Le Gel Pêşmerge Qaremanekan Le Deverî Germiyan

Be Nawî Xway Gewre û Mîhreban

Birayanî xoşewîstim zor zor supastan dekem bo em pêşwaziye germe,herweha êm xoşe rêgam biden pîrozbayî cejntan lê bikem,her çende êwey xoşewîst dûr bûn le naw mal û mindaltan lem cejneda,belam watan kird gelêk be serbestî û azadî cejnî xoyan biken,herweha êwey Pêşmergey qareman emin û Asayişêktan berqirar kirduwe le Kurdistan ke milyonêk û 200 hezar kesî xelkî 'Iraq ruwiyan le Kurdistan kirduwew le penayek degerên bo xoyan ew penayeyan le Kurdistan dozîwetewe,eme serweriyekî yekcar gewreyew eme be dest û bazuwî êwe hatotedî,hatuwîn bo ewey supasî pê payantan bikeyn bo qaremanêtîtan û bo xoragirîtan,ême zor çak agadarîn çi qurbanîtan dawew çi zehmetiyektan kêşawe lem maweyedaw le pêştirîş,belam lem maweyeda dezanîn fşarêkî zorîştan le ser buwe belam ser berzane westawin wek kêwekanî Kurdistan netanhêştuwe dujmn hîç zeferêk bew nawçane bibat ke êste le jêr destî Pêşmerge daye,bedaxewe komelêk le bira azîzekaniman le destdawew şehîd bûn û zorîşiyan birîndar bûn,cêgey şehîdekaniman înşalla be heştî birîne û temeninay şifay dekeyn bo birîndarekaniman.

Birayan:Êwe mêjuwiyek drust deken û ayindeye geleketan biniyad denên,erkî êwe zor zor pîrozew qursîşe,belam hîç mustehîlêk niye beramber be îradey Pêşmerge,renge hêşta xelkanêk hebin nezanin Pêşmerge yanî çî,Pêşmergayetî yanî çî,her çende nawî xoy be xoyewe diyare,yanî Pêşmerg dekewê bo ewey jiyan bo xelkî tir dabîn bikat,bo mîlletî xoy,nawî êwe nawêkî pîroze,nawêkî şîrînew erkî êweş erkêkî pîroze,emro bo hemûlayek derkewt,bo dost û dujmn ke hebûnî Pêşmerge wate hebûnî Kurdistan,eger Pêşmerge nebêt Kurdistan dekewête destî dujmnan,boye erk leme pîroztir çi heye ke Pêşmerge be giyanî xoy Kurdistan bi parêzê,min umêdewarim hemû xelkî Kurdistan,Hikûmetî Herêm û hemû layek baştir têbigen û bi zanin ke qedir û qîmetî Pêşmerge çende,êste kesanêk hen le Bexda gleyî deken delên Pêşmerge hatûn şuwêniyan dagîr kirduwew debê çolî biken,debê yekêk her ew pirsiyareyan lê bikat eger Pêşmerge ew şuwênane çol bikat êwe detwanin ew şuwênane bi parêzin,bo netan parast,Pêşmerge hîç şuwênêkî dagîr nekirduwe,belku Pêşmerge xelk û wilatî parastuwe lewey nekewête destî tîrorstan û dujminan û na hezan,ewane deyanewê rastiyekan bi şêwênin,belam be dilniyaiyewe ême be hemû layek delêyîn ke ême pêman xoşe peywendiyekî dostane û birayaneman hebêt le gel hemû pêkhatekanî 'Iraq,we Pêşmerge çon giyanî Kurd deparêzê,bem şêweye giyanî 'Ereb û Turkman û Mesîhî û hemû layek deparêzê,belam heqîqetêkî tir heye debê le berçaw bêt,ewîş sed sale Kurd hewl dedat bo ewey 'Iraqêkî dîmukirat biniyad binrê,her le Şorşî Eylûlî Meznewew druşmî şorş rûn bû ke dîmukiratî bo 'Iraq û otonomî bo Kurdistan lem serdemeda,duway salî 1991 Gelî Kurdistan ewperî rewştî berzî nîşanda û le katêkda dû feyleqî supay 'Iraqî kewtine dest cemawer û Pêşmergey Kurdistan,iyek serbazî 'Iraqî ne sukayetiyan pê kira û ne kujran û ne qiseyekî naxoşî pêgutira,keçî her ew dû feyleqe bûn Kurdistaniyan û wêran kirdu Enfal û Kîmiyabaran kird bû,leme rewştî berztir çî debêt.

Le duway rûxanî rijêm le salî 2003 ‮ ‬dîsan Kurd hemû hewlêkî da bo ewey 'Iraqêkî taze biniyad binrê le ser binemay dîmukiratî û fîdralî û ferhengî pêgewejiyan lem wilate pêrew bikirê,be daxewe be drêjayî ew hemû maweye û ew hemû hewle zorane encamekey debînîn ke layenekanî dîke be hîç şêweyek amade nîn pêkewe bjîn û amade nîn yekparçeyî 'Iraq bi parêzrê,ca bo gleyî le ême deken,ême le ser dû pirs kar dekeyn û ta ew rojey heyn le gel Bexda hewl dedeyn çareserî ew kêşane bikeyn ke le gel Bexda hemane,belam le heman katda le ser pirsî stiratîjî xoman berdewam debîn ke Gelî Kurdistan biriyar le çarenûsî xoy bidat û katî ewe hatuwe îtir Kurd biriyar le çarenûsî xoy bidat,herweha kesîş nabêt ne gleyîman lê bikat û bexoşîş demanewê le gel hemû layek qise bikeyn û diyalog bikeyn,çunke ême natwanîn heta hetayê çawerêyî çarenûsêkî na diyar bikeyn,ême natwanîn le wey kirdman ziyatir bîkeyn bo yekparçeyî xakî 'Iraq û serî negirt,le ber ewe ême naçarîn bîr le çarenûsî mîlletî xoman bikeynewew eger piştwanîn yarmetî layenekanî dîke bideyn be ser çaw deykeyn.

Sebaret be êwey xoşewîst min be dilniyayewe pêtan delêm ême şew û roj xerîkîn bo ewey barudoxî êwe le hemû rûêkewe baş bikeyn,ew barudoxe tazeye rêgey xoş kird bo ewey hemû layek piştgîrî û piştîwanî ewe biken ke barudoxî Pêşmerge baştir bikirê le ruwî jiyan û çek û hemû ruwekanî dîke,deştwanim dilniyatan bikemewe înşalla le maweyekî kurtda çekî zor baştirtan dexeyne ber dest,iêste xerîkîn le gel biraderan bo ewey hendêk ştî pêşkewtû bikewête destî Pêşmerge,Pêşmerge be wire û îradey xoy le hemû çekêk be hêze,belam debê çekî pêşkewtûşî le ber dest da bêt bitwanê bew îrade polaynewe serî dujmin pan bikatewe,min dilniyam êwey qareman ke tank û frokew be sedan toptan têkişkanduwe,çend tîrorîstêk natwanin rabikene ser perdey Pêşmerge,teniya tkay mn le êwe birayanî xoşewîst eweye uriyayî hebêt,hîç katêk dujmin be destî kem negirn,hemîşe dujmnî xotan wa hîsab biken ke dujminêkî be hêze bo ewey bitwanin têkiyan bişkênin,bo ewey amade bin eger na min dilniyam Pêşmerge ne hîsab bo ew tîrorîstane dekat ne hîsabîşiyan bo dekat,belam ême debêt xoman amade bîn û hêşta rêgakeman dûrew renge hereşe zor bin û belam debê xoman bo hemû hereşeyek amade bikeyn û xoşman amade dekeyn înşalla.
Min le kotayîda be erkî dezanim slaw bo giyanî sercem şehîdanî Kurd û Kurdistan binêrîn be taybetî ew şehîdaney ew şeraney duwayî,sebaret be ême eme şerî çarenûs saze,leber ewe tikatan lêdekem xoragir bin û xoragirbin çunke ew baxey ke hezaran şehîd be xuwênî xoyan awiyan da êste xerîke berhemekey pêdegatê û êste ew qonaxeye berhemekey bixoyn,le ber ewe debê hemwan xoragir bîn û le beramber eweş debêt barudoxî Pêşmerge baştir bibêt û herweha hîway çakbuneweş bo bira Pêşmergekaniman dexwazîn,zor zor supasiyan dekeyn û her be serkewtuwî û serfirazî bitanbînim.

t Kurdistan dekew

 
chapkrdn   Share GERANEWE‌