ROJNAMEY XEBAT 2014-09-09
Hêlî Lev Kenediyekan Sersam Dekat


Kiçe Hunermendî Kurd Hêlî Lev be cilî Pêşmerge beşdarî Fêstîvalî Nêwdewletî Fîlmî Torêntoy kird le Wilatî Keneda, ke buwe hoy sersamî beşdarbwanî fêstîvaleke.

Fîlmî Sînemayî "Merdan" ke le Derhênanî Betîn Qubadiye, le Fêstîvalî Nêwdewletî Fîlmî Torênto nimayşkira, ke Hêlî Lev rolî serekî lem fîlme da debînêt.

Duway nimayşkirdinî fîlmeke Hêlî Lev le ser stêyîç û guteyekî pêşkeşkird, Hêlî gutî :"Zorbetan depirsin em ciley min çîbe le bermkirduwe, boye min lêrewe demewêt bilêm eme cilî Pêşmergey Kurdistane ke buwete sîmbûlî neteweyek ke hemîşe bo azadî qurbanî zorî dawe".

"Fîlmî Merdan" salî 2013 le Herêmî Kurdistan berhemhatuwe û çîrokî fîlmeke bas le efserêk dekat ke le mindalî da çîrokêkî naxoşî bo dête pêş û debête mirovêkî dûrxiraw, teniya û dûreperêz, fîlmeke le Çiyakanî Kurdistan û çend şuwênêkî dîke û wêney gîrawew Hêlî Levîş rolî serekî têda debînêt, yekemîn kiçe kurdîşe beşdarî lem fêstîvale da bikat.

Fêstîvalî Nêwdewletî Fîlmî Torênto ke yekêke le fêstîvale giring û pile yekekanî sînemay cîhan, lem xûleyda be nimayşî 300 Fîlm le Fîlmsazanî ziyatir le 60 Wilatî Cîhan beşdardebin û rojî 6 em mange destîpêkirduwe û taweku 14î mangîş le şarî Torêntoy Wilatî Keneda berdewam debêt.

Rûdaw

 
chapkrdn   Share GERANEWE‌