ROJNAMEY XEBAT 2014-09-09
Dihok..Gwastinewey Awarekanî Nîştecêyî Qutabixanekan Destîpêkirduwe


Raport/Xebat:
Duway ewey le çend rojî rabirdû Wezîrî Perwerdey Hikûmetî Herêmî Kurdistan raygeyand rojî 10 î Mangî Eylûl pirosey xuwêndinî Werzî 2014-2015 le sertaserî Herêmî Kurdistan dest pê dekat,belam be hoy bûnî jimareyekî zorî awarekanî Qezay Şengal le qutabixanekanî snûrî Parêzgay Dihok,dest pê kirdinî xuwêndin le beşêkî ew parêzgaye bo maweyekî kem dwadekewê.

Hkûmetî Herêm nûsîngeyekî kirdewe
D.Nûrî 'Usman ke Berpirsî Nusîngey Taybet be Awarekanî Şengale,raygeyand:Hikûmetî Herêm hemû hewlêk dedat bo ewey pirosey xuwêndin le Werzî Nuwêda le Parêzgay Dihok le maweyekî zûda wek nawçekanî dîkey Kurdistan dest pê bikat,êstekeş be şêweyekî kirdenî dest bew cê be cê kirdinî hewlekan kirawe.

Gwastinewey awarekanî nîşecêyî qutabixane destî pêkird
ew berpirsî Hikûmetî Herêmî Kurdistan raşîgeyand:Çend rojêke le her yek le snûrî Qezakanî Berdereş,Akirê û Şêxan û Amêdî dest be gwastinewey awarekanî nîştecêyî qutabixanekan kirawin û beşêk le qutabixanekanîş êste çol kirawin û sercem awarekanîş lew kemp û şuwênane nîştecê dekirên ke boyan amade kirawe,çunke pêwîste ew qutabixanane le maweyekî zûda çol bikirên bo ewey pirosey xuwêndin lew nawçaneş dest pê bikatewe.

Deyan Kemp biniyad denrên le barey drustkirdinî deyan kempîş le snûrî şarekanî herêm,D.Nûrî 'Usman utî,Ême çawerwanî Hikûmetî 'Iraq nakeyn,belku xoman dest be drustkirdinî dekeyn û eger hawkariyekanî ewanîş geyşt be dilniyaiyewe karekanî drustkirdinî ew kempane zû tewaw debin,jimarekanî kempekanîş peywest debin bew rêjey bûnî awarekan le her nawçeyek lew nawçaney lêyî nîştecê kirawin û sercem pêwîstiyekaniyan bo dabîn dekirê ta bitwanin têyîda guzer biken.

Çareserî kêşey awarekan dekirên
Her weha raşîgeyand,bangewazêk arastey kompaniyakanî nawexo û biyanî kirawew le mawey dû rojî dahatû le layen Parêzgay Dihokewe oferekan radegeyenrê bo drustkirdinî deyan kemp,wek pêştir basim kird mebestmane zû ew kempane biniyadibnêyîn û çareserî kêşekanî awarekan bikeyin.

Hewlekan berdewame bo dest pê kirdinewey xuwêndin le wadey xoyda

Her peywest bem pirsewe 'Ebid ûsif Berêweberî Giştî Perwerdey Dihok raygeyand: 646 Qutabixaney snûrî Dihok awarey têyîda nîştecê kirawin,ewe jimareyekî zorew le êstada le hewlî berdewam dayin bo ewey çareserî ew kêşeye bikeyn û bitwanîn awarekan bo şuwênêkî tir bigwazînewe ke le beşêk le qezakan piroseke destî pê kirduwe,hewlekan bew arasteye bitwanîn pirosey xuwêndin eger dwaş bikewê bo maweyekî kem bê,yanîş ew qutabixananey ke jimareyekî kemî awarey têyîda dest be dewam têyîda bi kirêtewe,çawerwan dekirê le maweyekî nizîk da le Dihokîş xuwêndin dest pê bikatewe.

Le duway rûdawekanî 10 î Huzîran û paşan hêrşkirdine ser snûrî Şengar û dewrûberî,be sedan hezar le Kurdanî Êzîdî awarey snûrî şarekanî Herêmî Kurdistan bûn,teniya le Parêzgay Dihok be sedan hezarayan le qutabixanekan nîştecê kirawin ta ewkatey şuwênêk bo nîştecê bûniyan dedozrêtewe.

 
chapkrdn   Share GERANEWE‌