ROJNAMEY XEBAT 2014-09-17
Hîç Kat Ewe Lebîr Nakem Ke Beşdarî Fîstîvalî Nêwdewletî Şetirencî Kurdistanim Kird


Dîmane:Hawar Murtkeyî
Egerçî Inxtol ENKHTUUL ALTAN-ULZII le temenî 9 saliyewe destî beyarî Şetirenc kirduwe, keçî ew pêyî û waye zor dreng destî pêkirduwe, ew delêt:Êsta hest dekem ke le zor ruwewe min dreng destIm pêkird, êsta debînim hawrêkanim le temenî zor zuwewe destiyan pêkirduwe ke le nêwan 5 ta 6 salîdabûne, tenanet hawrêm heye temenî 4 salan buwe Yarî Şetirencî kirduwe.

Rîzbendî xom le afretanî jêr 20 salî be pêyî pêwerkanî Yekîtî Şetirencî Nêwdewletî jimarem ( 30 ) e lem mange da,yekemîn beşdarî kirdinî em şetirenczane mengoliye le palewanêt yekî nawxoy lawan buwe ke le paytextî wilatekey berêweçû, le astî afretanî xwar temen 11 sal twanî Pley Sêyem be dest bihênêt, ew delêt:Yekemîn beşdarî nêwdewletîşî le Fîstîvalî Nêwdewletî bo riyatiyan bû le Şetirenc Buryatan ke twanîm le ser astî xwar 11 salî da Pley Yekemî Fîstîval be dest bihênim, ew palewanêtiye le Ulan-Ude berîweçû ke herêmêke le nawçey Yekîtî Şetirencî Rûsî û herêmîke hawşêwey Herêmî Kurdistan,dwatir ew kçe şetirenczane gutî:Baştirîn deskewtm ewebuwe ke le hemû Palewanêtiye Nêwdewletiyekanî Şetirenc birdinewem hebuwe, ke emeş giringe bo her Şetirenczanêk, bo nimune:Palewanêtî Lawanî Cîhanî 2011 le astî xwar 18 salanî afretan, ke zor zehmet bû lew palewanêtiye da rkaberî be hêzekanî Şetirenc bikeyt, Palewanêtî Cîhan bo qutabixanekan le salî 2010 le astî xwar 17 sal, palewanêtî lawanî asiya û 2011 û 2012 î heman palewanêtî, eme cige le mondiyalekan.

Xatû Altanî Şetirenczan le barey Şetirenc le hizrî xoyewe gutî:Şetirenc bo mêşk zor giringe, ke yarmetîdere bo dewlemendkirdî zaxawî mêşk, Şetirenc pêçewaney werzşekanî tir hîç metirsiyekî niye, Şetirencîş be tenha werzş niye, belku Şetirenc huner e û zaniste, Şetirencîş bo min zor mana degeyenêt, hemû temenî mindalîm be Şetirenc be ser bird, belam wek minalanî tir le gel xuwênim têkel nebû.

Sebaret be Fîstîvalî Nêwdewletî Şetirencî Kurdistanîş ke salane le Hewlêr rêk dexirêt gutî:Le fîstîvalî rabirdû beşdarîm kird, berastî fîstîvalêk bû ke zor bayexî pêdrabû hem le ruwî rêkxistin û mîwandariyewe ta degate beşdarbûan, eme bo min zor xoş bû, min hîç kat ew beşdariye le bîr nakem, Kurdistan herêmêkî zor serinc rakêşe, hîwadarm le dahatûda bibête wilatêkî serbexo, min ewe dezanim ke Kurdistan nawçeyekî zor arame, pêş ewey bême Kurdistan zor detirsam, ewîş be hoy teqînewew kuştin ke rojane le hewal û mîdiyakan demanbîst, belam ke hatme Kurdistan ew maweyey le wî mamewe pêçewane kewtewe û ştekan wa derneçû, Kurdistan zor ciyawaz bû le gel Bexda.

Le wlamî ew pirsiyarey ke aya amadey carêkî dîke bêyewe Kurdistan?

Ew gutî:Eger fîstîvaleke carêkî tir berêwe biçêtewe û herweha dawetm biken, ewa be xoşhaliyewe beşdarî dekem û carêkî tir dêmewe Kurdistan.

Ew kiçe Mengoliye le zorbey palewanêtiyekan da kamîray be destiyeweye, le beramber emeda getî:Min le pal Werzşî Şetirenc, karî rageyandinîş dekem ewîş le biwarî Şetirencewe, le palewanêtî lawanî cîhan 2013 ke le Şarî 'Eyn berêweçû, min befermî le gel stafî rageyandinî ew palewanêtiye da karim kird, pêm û waye em karem zor asankarîm pê debexşê le wey ke yarî Şetirenc dekem û hest dekem zor murtahim le rageyandinîş.

Le dwa qisey da gutî:Hîway xêr bo Gelî Kurd dexwazim, her weha pêşkewtinî Şetirenc le Kurdistan, lew serdanem bo Kurdistan ewem bo derkewt ke Şetirenczanî betwanay lêye û her weha kesanêkîş hen hez deken xizmet be Şetirenc biken le Kurdistan, her weha supas botoş ke bayex be Şetirenc dedey le Kurdistan.

 
chapkrdn   Share GERANEWE‌