ROJNAMEY XEBAT 2014-09-30
Nuwêtirîn Fîlmî Behmen Qubadî Le Napolî Nimayş Kira

Nuwêtirîn Fîlmî Sînemakarî Kurd Behmen Qubadî, le Fîstîvalî Nêwdewletî Fîlmî Vînîsiya le Napolî be nawnîşanî "Sînemay Pêşkewtû" le Wilatî Îtaliya nimayşkira.

Fîlmî "Hendêk car çaw le serê bike" Nuwêtirîn Berhemî Qubadî le çwarçêwey komele fîlmî "Çend uteyek le gel xudakan" Le berhemhênanî Alêks Garsiya, Gîlêrmo Arêga û be awazdanerî muzîkzanî Berîtanî Pîter Gabirêl, be nuwênerayetî Herêmî Kurdistan le miyaney Fîstîvalî Nêwdewletî Fîlmî "Vînîsiya le Napolî" be nawnîşanî "Sînemay Pêşkewtû" le şarî Napolî le Wilatî Îtaliya nimayşkira.

Fîstîvaleke be hawkarî Fîstîvalî Nêwdewletî Fîlmî Vînîsiya, Wezaretî Keltûrî Îtaliya û beşî ferhengî Sînemay Napolî, le rojanî 22 ta 28 Eylûl/ Septemberî 2014 le şarî Napolî le Wilatî Îtaliya berêweçû.

Fîlmî "Hendêk car çaw le serê bike" le yekemîn beşdarî nêwdewletî xoy be amadebûnî Qubadî, rojî 30 Ab/ Ogost 2014 le beşî serekî derewey pêşbirkêyî le miyaney 71 emîn xulî Fîstîvalî Nêwdewletî Fîlmî Vînîsiya le Wilatî Îtaliya çuwe ser perdey sînemakan û le layen rexnegiranî sînema, rojnamenûsan, peyamnêran û bîneranî amadebû le fîstîval, pêşwazî lêkira û wekû baştirîn fîlmî em komele fîlme helbjêrdra û le govare girînge sînemayiyekan da, le wane: Holyûd Rîportêr û pozêtîv le bareyewe nûsrawe.

 
chapkrdn   Share GERANEWE‌