ROJNAMEY XEBAT 2014-10-24
Serokî Lîjney Karûbarî Pêşmerge Le Perlemanî Kurdistan

Arî Hersîn,Serokî Lîjney Karûbarî Pêşmerge û Şehîdan û Qurbaniyanî Cînosayd û Zîndaniyanî Siyasî le Perlemanî Kurdistan delêt:Êsta Da'iş wekû rabirdû hêzî nemawe.

Deşlêt:Pêştirîş Serok Barzanî le ser ewe sûr buwe ke hawkarî Kobanê bikirêt.

Arî Hersîn lem giftugoye da le gel Rojnamey(Xebat) le ser çend pirsêkî peywest be Pêşmerge de duwêt.

Giftugoy:'Elî Banîşarî
pêwîste be dem Pêşmergewe biçîn
Serokî Lîjney Karûbarî Pêşmerge û Şehîdan û Qurbaniyanî Cînosayd û Zîndaniyanî Siyasî le Perlemanî Kurdistan le barey êstay doxî Pêşmerge le berekanî ceng û jiyanî Pêşmerge le katî baran da delêt:Pêwîste Pêşmerge le baran bi parêzîn,ew rêgayaney deçnewe naw rebiyekanî Pêşmerge û şuwênî manewey Pêşmerge çew rêj bikirên,çunke zorî glî sûr lew nawçane û waykirduwe le gel barînî baranêkî kem da hemû bibêt be qur û be estem hatûçoy têda bikirêt.

Arî Hersîn deşlêt:Bûnî qurêkî zor lew nawçaney Pêşmergey lêye girftî drust kirduwe,hêşta negeyştuînete werzî sermayş,belam pêwîste le êstawe pêdawîstiyekanî Pêşmerge bo werzî serma dabîn bikirêt.

Le ser ew bire pareyey rojane bo berekanî ceng dijî Da'iş serf dekirêt,Serokî Lîjney Karûbarî Pêşmerge le Perlemanî Kurdistan gutî:Ta êsta be tewawî ew bire pareye diyar niye ke bo berekanî ceng dabîn dekirêt,her kat Wezîrî Pêşmerge mîwandarî kira detwanîn bireke bilêyîn.

Serok Barzanî sûr buwe leser nardinî çek bo Kobanê
Arî Hersîn,le barey nardinî çek bo şarî Kobanê û hawkarîkirdinî Kurdanî Rojawa delêt:Pêştirîş Serok Barzanî le ser ewe sûr buwe ke debêt hawkarî Kobanê bikirêt,Herêmî Kurdistan çek û dermanî geyandote şarî Kobanê,ewey bo Kobanê û Pêşmerge kirawe Serok kirduwiyetî û zor kat le ser xet buwe bo ewey ew hawkariyane bigen.

Serokî Lîjney Pêşmerge le Perlemanî Kurdistan gutîşî:Amadesaziyekî zorî dîbilomasî kirawe ta kar geyşte ser ewey çek binêrdrêt Kubanê.
Le ser ziyadkirdinî muçey Hêzekanî Pêşmergey Kurdistan,Arî Hersîn delêt:Le 22-7 î em salewe Perlemanî Kurdistan 21 xalî le ser Hêzekanî Pêşmerge derkirduwe,Berêz Serokî Herêmî Kurdistan wajoy le ser ew 21 xale kirduwe,le nawerokî ew 21 xale da bas le hawtakirdinî muçey Pêşmerge,weku hêzekanî nawxo û asayiş kirawe,lew katewe Berêz Barzanî wajoy le ser kirduwe ziyadkirdinî muçey Hêzekanî Pêşmerge kirduwe boyan hejimar dekirêt.

Gutîşî:Belam leber qeyranî darayî Herêmî Kurdistan le waneye ziyadkirdineke dwabikewêt,Hikumet Qerzdarî Pêşmerge debêt,dwatir qerebuwî Hêzekanî Pêşmerge dekirêtewe.

Da'iş weku caran hêzî nemawe
Arî Hersîn Delêt:Zorbey ew çekaney geyştote dest Hêzekanî Pêşmerge,tecrubeman le serî heye,bo çeke nuweyekanîş hendêk le efser û Pêşmerge nêrdrawin bo‮ ‬rahênan le ser ew çekane.

Serokî Lîjney Karûbarî Pêşmerge û Şehîdan û Qurbaniyanî Cînosayd û Zîndaniyanî Siyasî le Perlemanî Kurdistan le ser serdanîkirdinî berekanî ceng gutî:Wekû Lîjney Karûbarî Pêşmerge berdewam serdanî berekanî ceng dekeyn û raportî xoman denusîn û le kem û kurtiyekanî Hêzekanî Pêşmerge dekolînewe.

Arî Hersîn deşlêt:Êsta Da'iş weku caran nemawetewe û hêzî nemawe.

Serokî Lîjney Karûbarî Pêşmerge û Şehîdan û Qurbaniyanî Cînosayd û Zîndaniyanî Siyasî le Perlemanî Kurdistan le ser bergiriyekanî Hêzî Pêşmergey Kurdistan û parastinî Xakî Kurdistan û têrwanînî ewan le ser ew pirse delêt:Ew bergiriyey Hêzekanî Pêşmerge deykat le Celewlawe ta Xaneqîn cêgey rêz û supase.

Le kotayî giftugokeyda le gel Rojnamey (Xebat) Arî Hersîn dawaykird Wezaretî Pêşmerge û Fermandey Zêrevanî û Bergirî Friyakewtin agayan le jiyanî Pêşmerge bêt le berekanî ceng û lem katî barane da pêdawîstiyekaniyan bo dabîn biken.

 
chapkrdn   Share GERANEWE‌