ROJNAMEY XEBAT 2014-10-24
Kurd Le Her Şuwênêk Bêt Pêwîste Hawkarî Bikirêt Peywendî Dîbilomasiyetî Herêm û Waykird Çek Bigate Kobanê

Raport:'Elî Banîşarî
Duwênê le Hewlêrî Paytextewe bo palpiştîkirdinî Kobanê û Rojaway Kurdistan çek û teqemenî wekû hawkariyekanî Herêmî Kurdistan le rêgey froke Emrîkiyekanewe geyşte şarî Kobanê.

Em hewley Herêmî Kurdistan le ser astî nawxo û dereweş dengdanewey hebû.

Le Mîdiya Kurdî û 'Erebiyekan çendîn lêkdanewey be duway xoyda hêna,hawnîştmaniyan be hawkariyekan bo Kobanê dilxoş bûn.

Rojnamey(Xebat)lem raporte da bîrwray mamostayanî zanko û endamanî Perlemanî Kurdistan û layene siyasiyekan dexate rû.

Dîbilomasiyetî Herêm serkewtû buwe
Ferhan Cewher,Endamî Perlemanî Kurdistan delêt:Hawkariyekanî Herêmî Kurdistan bo Kobanê le xakî herêmewe nîşaney eweye hewle dîbilomasiyekanî Serokayetî Herêmî Kurdistan serkewtû buwe,pêwîste hawkariyekanîş bo Kobanê berdewam bin:Ew endamey Perlemanî Kurdistan be Rojnamey(Xebat)î gut:Hawkariyekan bo Kobanê hengawêkî giringî û mêjuwî bû,buwe cêgey dilxoşî bo hemû Mîletî Kurd.

Duwênê Serokayetî Herêmî Kurdistan supasî Wilayete Yekgirtuwekanî Emrîkay kird bo geyandinî çek û teqemenî le rêgey asmanewe bo Kobanê.

Le beyaninamekey Serokayetî Herêmî Kurdistan da hatuwe:Em hawkarîane bo eweye ew qaremananî Kobanê bergirî deken ta bitwanin sud le çek û hawkariyekan werbigrin.

Selah Delo,Endamî Mektebî Siyasî Partî le ser hawkariyekanî Herêm bo Kurdanî Rojawa delêt:Ême weku neteweyek pêwîste hawkarî yektir bikeyn,emro Kobanê le naxoştirîn doxdaye,rojane çendîn şehîd û birîndar deden,pêwîste mîletî ême pêşwazî le awarekanî Kubanê biken,hewl bidrêt le ruwî sebaziyewe hawkarî bikirên,eme karêkî giringe û nabêt ême lew ruwewe îhmal bîn:Ew Endamey Mektebî Siyasî Partî be Rojnamey (Xebat)î gut:Ewey bo Kobanê kirawe le cêgey xoyetî û pêwîste xelkîş piştgîrî bikat.

Êstaş bo geyandinî hawkariyekan dreng niye
Aware Husên,çawdêrî siyasî û mamostay zankoy Helebce delêt:Geyandinî hawkarî bo Kobanê hengawêkî zor giringe be taybet bo Başûrî Kurdistan pêgey Herêm le ser astî nêwdewletî be hêztir dekat.

Ew mamostaiyey zankoy Helebce be Rojnamey (Xebat)î gut:Be pêyî madey 51î Neteweye Yekgirtuwekan em hawkariye rêgey pêdrawe,hawkariyekeş hewluwêstêkî cwan bû bo Herêmî Kurdistan,eme karêke cêgey nirxande,pêwîst bû hawkariyekan zûtir bikiraye,belam pêştir hawkariyekan rêgey pênededra,êstaş dreng niye bo hawkariyekan.

'Ebidulla Hacî Mehmûd,Kargêrî Mektebî Siyasî Hîzbî Sosiyalîst delêt:Gelî Kurdistan wekû neteweyekin,belam be hoy rêkewtinamekanî pêştirewe dabeşkirawin her yekew êsta le şuwênêkn,emeş û waykirduwe Gelî Kurd neytwanîuwe be mafe rewakanî xoy bigat:Ew kargêrî Mektebî Siyasî Hîzbî Sosiyalîst be Rojnamey (Xebat)î gut:Ême weku erkêkî nîştmanî heqî xoman piştgîrî le birakanî xoman bikeyn le her şuwênêk bêt:
Pêwîste hawkariyekan bo Kobanê berdewam bin
Ferhan Cewher delê:Pêwîste le gel hawpeymanan berdewam bîn bo geyandinî hawkariyekan,ewey heye delalete lewey hawpeymanan û Gelî Kurd û Pêşmerge û Şervanan le her şuwênêk bin be hêzî serekî dadenrên û bo şerî tîror deken.

Aware Husên delêt:Kurd beramber be Da'iş şerî kirdwe,şerî dijî tîror selmandî Kurdistan çend pêgey behêze.

Ew çawdêre siyasiye deşlêt‮:Herêmî Kurdistan le salî 1991 weku nîmçe dewletêk mameley le gel da dekirêt ciyawaztir le herême fîdraliyekanî tirî duniya.

'Ebidulla Hacî Mehmûd her weha le barey Kobanê û şerî Da'işewe deşlêt:Ême be resmî rû be ruwî tîror buwînetewe û dijayetiyetî ser sextman dekirêt beramber be pirosey siyasî Kurdistan,birakaniman çwar dewriyan gîrawe her pêdawîstiyekeyan buwêt û be ême bikirêt pêwîste hawkariyan bîn,heqî xoyane weku erkêkî neteweiyey piştgîr û piştîwanî Kobanê bikeyn.

Ew kargêrey mektebî siyasî Hîzbî Sosiyalîst gutîşî:Hawkariyekan bo Kobanê be erkêkî pîroz dezanim,be asanî em dergane bo Herêmî Kurdistan nekirawinetewe,hewlêkî siyasî dîbilomasî zorî têda serfkirawe:Be bo çûnî 'Ebidulla Hacî Mehmûd Serokî Herêmî Kurdistan layenêkî giringî ew hewle siyasiye dîbilomasiye ke êsta bûnî heye û le pêgey Kurda bedî dekirêt.
????????
Erê bes niye…?!!

Le mawey rabirdûda Serkirdayetî Herêmî Kurdistan be hoy ew îdare xerapey bo çaresernekirdinî kêşekan xulqandibûnî,serzeniştî zorî Malîkî kird…

Hawkat le naw şeqamî Kurdîşda Malîkî û hawşêwekanî be endaziyarî xulqandinî gîrugirftekan be naçîze le qelem dedran,tenanet be drêjayî ew çend sale Malîkî hukmranî rehay dekird,hîç hengawêkîşî bo çareserî hîç kam le kêşekanî Herêmî Kurdistan nehawîşt û roj be roj lût berzî û bêmnetî û piştguwêxstinî zortirîşî nîşan deda,ta xirûrî siyasî Malîkî geyşte pêkewenanî fermandeiyekî taybetî serbazî û bi zwandinî hêzî serbazî rû le snûrî Herêmî Kurdistan,beweş newestaw biriyardan le ser birînî budcey salî 2013 bê ewey xwastekanî Herêmî Kurdistan le berçaw bigirêt û be hendiyan werbigirêt...

Duway hatinî rêkxirawî tîrorstî Da'işîş bo Mûsil û dewrûberî îdî Serkirdayetî Kurd be giştî xerîkî şîkirdinewew lêkdanewey helûmercekan û rewtî rûdawekan û aqarî geşekirdiniyan bûn bo reftarkirdin le gel egerekanî helûmerceke da,dwatir ke tîrorîş pelî kêşaye snûrî Herêmî Kurdistan û hawlatiyanî Kurd kewtine ber eger hereşey tîrorstanî Da'işewe,îdî be yek îradew heluwêst,be tegbîrî hawbeş û be berpirsiyarî hawbeş û taradeyekîş pêkewe biriyardan û helwîst wergirtin:Nexşerêgey derbazbûnî gelekeman lem kêşeye da gîraye beru be hawbeşî Emrîka û dostanî Gelî Kurd,gurzî kuşinde le tîrorstan weşêndra,eger çî lêrew lewê dengî naşaz debîstira,belam le stiratîj hemû yek rehend û goşe nîgaw heluwêst bûn.

Sruştî cugrafî Herêmî Kurdistanîş wadexwazê lem nawçeyeda Turkiyau Êran û hendê wilatanî 'Erebî bo jiyan û geşekirdin û bo pêşeweçûnî Herêmî Kurdistan le ruwî siyasî,abûrî,bayexî gewreyan hebêt,be endazeyek pêwîst bû peywendîan le gel rêkxirêt.

Hawkêşe siyasiyekanîş bew hoyewe de buwaye lojîkiyanew hekîmane mameley le gel da bikirê,boye şeqamî Kurdî hemîşe le helbezu dabez dabuwe,eger çî êsta doxî siyasî û tenanet abûrî Kurdistan le ser astî cîhan new'iye û mîdiyakanî cîhanîş ewendey stayşî Herêmî Kurdistan û Serkirdayetî Siyasî Kurd deken,ewende napirjêne ser 'Iraqewe,ke hemîşe le nacêgîrî siyasî û emnîdaye,boye ewey emro bote dîfakto ew dengoyaneye,yaxud bilên ewey qisewbasî Xelkî Kurdistan û çawdêre siyasiyekane,ew hewalaneye kenîgeranî lê ekewêtewe,ke guwaye Hikumetî Bexda yek heluwêst biriyariyan lemeseley budcew henardekirdinî newt Pêşmerge nawçekanî madey 140 ke le destûrîş nexşerêgey çareserî bo danrawe û feramoşkirdinî teqelakanî Kurd da niyew yan rastir bilên wek pêwîst hengawî nehawêştwe,keçî Serkirdayetî Kurd û hizbe serekiyekanî be yek birwau têgeyştin,ruwiyan le Bexda kirdewew wezîrekanîş suwêndiyan xward bo pêkhênanî hikumet û gorînî rewtî rûdawekan be omêdî çareser kirdinî kêşew gîrûgirftekan,bê guman rizgarbûn lew guşare berdewamaney hemîşe wek sînaryo dûbare debinewe,be yradeyekî be hêz û yekgirtuwî xelkî Kurdistan û hêzekanî ebêt,be corêk ke hikumetekey Heyder 'Ebadî naçar bêt beroşnî û diyarîkiraw şerîkayetî le saman û deselat da be rêkewtinêkî nêwdewletî bi selmênê û ew halete bibête dîfakto û selmênraw,newek mîzacî siyasî em hewzeye yan ew merce'iyete.

 
chapkrdn   Share GERANEWE‌