ROJNAMEY XEBAT 2014-11-05
Perlemanî Kurdistan Bedwadaçûn Bo Pişkî Kurd Le Budcey 'Iraq Dekat

Xebat:Zanko Muhemed
Wabiriyare emro Sêşemme Perlemanî Kurdistan le ser pişkî Herêmî Kurdistan le budcey 'Iraq kodebêtewew her yeke le Wezîrî Darayî û Wezîrî Samane Sruştiyekanîş amadey danîştinekey Perleman bin.

Le layekî dîke perlemantarêkî hawpeymanî Hêze 'Iraqiyekan bas lewedekat çend serkirdeyekî Hawpeymanî Nîştmanî Şî'ekan dijî ewen bebê rêkkewtin le gel Kurd budcey 'Iraq têperênrêt.

Kobûnewey Perlemanî Kurdistan
Sebaret be lêkolînewekanî Perlemanî Kurdistan bo beşe budcey Herêmî Kurdistan le Hikûmetî Bexda,Dilşad Şe'ban endamî Lêjney Darayî Perlemanî Kurdistan raygeyand,be mebestî tawtuwêkirdinî pişkî Herêmî Kurdistan le budcey salî 2014 î 'Iraq,emro Sêşemme katjmêr 11 î pêşnîwero Perlemanî Kurdistan kodebêtewew her yekeş le Wezîrî Darayî û Wezîrî Samane Srûştiyekanîş bewpêyey endamî wefdî danûstankarî herêm amadey danîştinekey perleman debin.

Raşîgeyand,her dû lêjney darayî û samane srûştiyekan raportêkî hawbeşiyan le ser pişkî Herêm le budcey 'Iraq amade kirdwe û raportekeş çendîn pêşniyaz û rasparde bo wefdî danûstankarî Herêm le xo degirêt ke biriyare le dahatuwiyekî nzîk da serdanî Bexda bikat.

Rûnîşîkirdwe,le raportekeda cext le ser le seda 17 î beşe budcey Herêmî Kurdistan û kemkirdinewey budcey siyadî 'Iraq kirawetewe û dawaşkirawe wefdî danûstankarî Kurd pêdagirî bikat le ser gorîn û ladanî hendêk le birge û madekanî piroje yasay budcey 2014 î 'Iraq.

Budce bebê Kurd tênaperênrê
Le layekî dîke perlemantarêkî hawpeymanî hêze 'Iraqiyekan bas lewedekat çend serkirdeyekî Hawpeymanî Nîştmanî Şî'ekan dijî ewen bebê rêkkewtin le gel Kurd budcey 'Iraq têperênrêt.

Lew bareyewe nahîde daynî perlemantarî hawpeymanî hêze 'Iraqiyekan raygeyand:Çend serkirdeyekî Hawpeymanî Nîştmanî be pasawî qultir nebûnewey kêşekanî nêwan Hewlêr û Bexda dijî ewen be bê rezamendî Kurd budce têperênrêt.

Ew perlemantare Suneye hêmay bo eweşkird,ke pêwîste hawşêwey salî 2012 budce be zorîne têperênrêt,hêmay bo eweş kird ke 'Iraq teniya wilatêke ke têyî da abûrî be siyasetewe bestirawetewe,eweşî be karesat nawbird.

'Iraq qerzar debê
Le lay xoyewe endamêkî pêşuwî perlemanî 'Iraq delêt:Terxankirdinî mîzaniyeyekî gewre bo supaw Leşkirî 'Iraq,le çend salêkî tirda 'Iraq dexate jêr qerzêkî zorewe,hawşêwey Hikûmetî Be's.

Lew bareyewe Şiwan Muhemed,endamî pêşuwî Perlemanî 'Iraq,raygeyand:Barî abûrî 'Iraq le roçûndaye,parey xelkî 'Iraq le Bankî Merkezî 'Iraqî diyarnemawe,ke dewtirêt 11 ta 27 Milyar Dolare,emeş kêşeyek drust dekat bo budcey 'Iraqî,le layekî tirîşewe,helkişan û dakişanî newt le bazarekan da karîgerî debêt le ser dahatî 'Iraq.

Amajey beweşda:Ew kêşeyey ke êsta heye,Hikûmetî 'Iraq û sercem layenekan dexate berdem ewey budceyekî gewre bo supaw Leşkirî 'Iraq terxan biken.

Ew perlemantare,gutîşî:Eger budcey 'Iraq bew şêweye birwat,le sê ta çwar salî dahatûda Hikûmetî 'Iraq hawşêwey Hikûmetî Be's dekewête jêr barî qerz û sudî qerzewe.

Dwakewtinî Budce
Lîstî Dewletî Yasa ke le layen Nûrî Malîkiyewe serokayetî dekirêt,dawa le Hikûmetekey 'Ebadî dekat,ew rastiye bo gelî 'Iraq rûbikatewe ke peywendiyan be dwakewtinî budcewe heye.

Lew bareyewe 'Elî Subhî Malîkî Perlemantarî Dewletî Yasa le Encûmenî Nuwêneranî 'Iraq le beyaninameyek da delêt:Pêwîste hikumet nhênî dwakewtinî budce bo gelî 'Iraq aşkirabikat û pêşiyan bilêt boçî ta êsta neyantwanîwe budce rewaney perleman biken.

'Elî Subhî Malîkî Perlemantarî Dewletî Yasa raşîdegeyenêt:Debê Hikûmetî 'Iraq nhênî bûnî 80 Milyar Dolar kurthênan le budcey giştî salî 2014 aşkirabikat‮.

Malîkî le beyaninamekey da deşlêt:Budcey giştî salî 2014?

Rû be ruwî kuthênanêkî êcgar gewre biwetewe û,pêwîste hikûmet hokare rasteqînekanî bo xelk aşkirabikat ke bote hoy ewey ta êsta rewaney perleman nekirawe.

Teikîdîşdekatewe hikûmet le twanay da niye budce rewaney perleman bikat,xo eger bîtwaniyaiye ew kare bikat,ewa budceyeyekî denarde perleman ke pêwîst be pesendkirdinîş nekat,çunke perlemantaran qebarey parey yedeg le xezêney giştî dewlet da dezanin.

Ew perlemantarey Dewletî Yasa amajey beweşkirduwe kurthênan le budcey giştî 2014 geyştwete 80 Milyar Dolar û qebarey ew pare nextîneyey le bazarekanîş da alugorî pêdekirêt degate 40 Milyar Dolar û birî parey yedegîş le Bankî Nawendî 3 Miliyar û 76 Milyon Dolare.

 
chapkrdn   Share GERANEWE‌