ROJNAMEY XEBAT 2014-12-12
Xesrew Goran,Serokî Lîstî Partî Le Encûmenî Nuwêneranî 'Iraq Bo Xebat

Giftugoy:'Elî Banîşarî
Serokî Lîstî Partî Dîmukiratî Kurdistan le Encûmenî Nuwêneranî 'Iraq delêt (Ta êsta diyar niye Nûrî Malîkî,Serok Wezîranî pêşûtirî 'Iraq çend parey beheder dawe).

Xesrew Goran deşlêt (Ewan wekû Lîstî Partî le Encûmenî Nuwêneranî 'Iraq hîç kêşeyekiyan le gel Lîstî Dewletî Yasa niye).

Serokî Lîstî Partî le Encûmenî Nuwêneranî 'Iraq lem giftugoyeda le gel Rojnamey Xebat le ser rêkewtinî nêwan Herêm û Bexda û rolî wilatanî derewe le rêkewtineke û ciyawazî kabînekey Malîkî û 'Ebadî û damezrandinî fermanberan ( û komelêk pirsî tirî taybet be Herêm û Bexda deduwêt.

Xesrew Goran le barey ew bire parey Nûrî Malîkî,Serok Wezîranî pêşûtirî 'Iraq behederî dawe delêt:(Ta êsta birî tewawî ew pareyeman la niye,ta bizanîn Nûrî Malîkî çend parey beheder dawe).

Serokî Lîstî Partî Dîmukiratî Kurdistan le Encûmenî Nuwêneranî 'Iraq le ser ew dengoyaney ke Nûrî Malîkî dadgay dekirêt le ser behederî danî pare le katî helbijardinekan û serfkirdinî pareyekî zor bo ew girûpaney rû be ruwî Da'iş bûnetewe delêt: (Ta êsta perleman le pişûdaye).

Nawbiraw zanyarî le ser dadgaykirdinî Nûrî Malîkî nexisterû.

Xesrew Goran le ser peywendiyekanî Lîstî Partî le Encûmenî Nuwêneranî 'Iraq le gel Lîstî Dewletî Yasa le êsta da gutî ( Hîç kêşeyekman le gel Dewletî Yasa niye,le herdûla komelêk perlemntarî nuwê hatûn,ême le gel kes kêşeman le nêw Perlemanî 'Iraq niye,belam dijî siyasetekanî malîkî buwîn le rabirdûda ewe dijayetîkirdineş be aşkira bû).

Her weha Serokî Lîstî Partî le Perlemanî 'Iraq le barey rêkewtinekey nêwan Herêm û Bexdawe delêt: (Ewey kirawe rêkewtinî kotayî niye,çunke komelêk kêşey tir le nêwan Herêm û Bexda heye,belam le ser melefî abûrî rêkewtin kirawe) .

Xesrew Goran le ser ciyawazî kabînekey Nûrî Malîkî û kabînekey êsta Heyder 'Ebadî delêt: (Ciyawazî heye,Malîkî Malîkî bû,'Ebadîş 'Ebadiye).

Herweha Serokî Lîstî Partî Dîmukiratî Kurdistan le Encûmenî Nuwêneranî 'Iraq deşlêt: (Barû doxeke zor gorawe,êsta doxêkî tir heye ewîş şerî dijî rêkxirawî tîrorîstî Da'işe,êsta girftî abûrî le 'Iraq da hatuwete pêşewe,newtî 'Iraq wekû xemlinraw nafroşrêt,eweş girfte) .

Xesrew Goran le ser doxî abûrî 'Iraqîş ziyatirî gut (Êsta doxî abûrî 'Iraq xirape,çûnke newt zor dabezîwe û 'Iraq le şerî tîrordaye,weku çon Kurdistanîş lew şeredaye).

Çendîn sale Hikumetî Nawendî 'Iraq mafekanî Hêzî Pêşmergey Kurdistan nadat,Herêmî Kurdistan le pişkî xoy mûçe û pêdawîstiyekanî Pêşmerge dabîn dekat,tenanet 'Iraq yek parçe çek bo Kurdistan nenarduwe,le hemankat da Pêşmerge ziyatir le Sûpay 'Iraq twanî rû be ruwî tîror bêtewe û kemtirîn xak berawd be Sûpay 'Iraq bidat be dest Da'işewe,eme uwaykird Pêşmerge le ser astî derewe binasrêt û wekû hêzêkî nîştîmanî betwana seyr bikirêt,ser encam 'Iraq razî buwe parey Pêşmerge bidat lew bareyewe Xesrew Goran delêt: (Dabînkirdinî mûçey Pêşmerge û pêdawîstekanî le layen Bexdawe destpêkêkî başe,çunke pêştir ew babete feramoşkirabû).

Serokî Lîsî Partî le Encûmenî Nuwêneranî 'Iraq her le ser rêkewtinekey nêwan Herêm û Bexda le ser newt û bûdce deşlêt: (Rêkewtineke destkewtêkî başe) .

Emrîka û Êran û Turkiya çi rolêkiyan le rêkewtinî nêwan Herêm û Bexda hebuwe?
Bas lewe dekirêt Emrîka rolî hebuwe le rêkewtinî nêwan Herêm û Bexda?
Xesrew Goran (Emrîka rolî lew rêkewtine da nebuwe).

Ey Êran û Turkiya çi rolêkiyan hebuwe?

Serokî Lîstî Partî Dîmukiratî Kurdistan le Encûmenî Nuwêneranî 'Iraq (Êran û Turkiyaîş rolyan nebuwe,ewey min bizanim hîç layenêkî derekî rolî lew rêkewtine da nebuwe,belkû rêkewtinêkî 'Iraqî buwe û layenî 'Iraqî em rêkewtineyan kirduwe).

Ey eger rêkewtin nekiraye çî debû?
Xesrew Goran (Eger rêkewtin nekiraye le waneye wilatanî dereweş bihatinayete nawewe bo ewey Herêm û Bexda rêk bikewin. (Ewey êsta ciyawaztir le mûçe û şerî dijî Da'iş bas dekirêt damezrandinî fermanberanî le Kurdistan û 'Iraq,wa biriyare bo salî 2015 'Iraq 108 Hezar kes le wezarete ciyawazekanî Hikumetî 'Iraqî dabmezrên,tenanet çend endamêkî Encûmenî Nuwêneranî 'Iraq le ser pişkî Kurd le ser ew rêje damezrandine le rêgey mîdiyaî bînraw û xuwênraw,torî komelayetî feysbukewe rexney tundiyan le Hikumetî 'Iraqî girtuwe.

Degutirêt Herêm pişkî lew rêje damezrandine heye û rêjekeş keme?
Serokî Lîstî Partî Dîmukiratî Kurdistan le Encûmenî Nuwêneranî 'Iraq (Damezrandinî Fermanberanî Herêmî Kurdistan û Bexda ciyawaze,ewey bo Kurdistan dabmezrêt debêt le ser pişkî 17% bêt,tenha bo ew şuwênane nebêt ke ser be Hikumetî 'Iraqiye bo nimûne pasewanî snûr ewe debêt leser pişkî Hikumetî 'Iraqî bêt le waneye ew rêjeye wekû bas dekirêt bo ew mebeste bêt) .

 
chapkrdn   Share GERANEWE‌