ROJNAMEY XEBAT 2015-01-08
Nirxî Newt Her Dadebezêt


Nirxî Newtî Emrîka bo yekemîn car lewetey salî 2009 we bo xwaruwî 50 Dolar bo her bermîlêk dabezî.

Malperî "Bî Bî Sî" bilawî kirdewe nirxî newtî xawî birêntîş duway 6% dabezîn, geyşte 53 Dolar.

Nirxî newtî herdû corî birênt û Emrîka ke be newtî Rojaway Teksasîş nasrawin le mawey 6 mangî rabirdû nîw hênde dabezûn.

We berhêneran delên zorbûnî birî berhemhênanî newt û têrbûnî bazar lem berheme, le dahatûda hêndey tir nirxî newt dadebezênêt.

Berhemhênanî newt le mawey çend salî rabirdû da duway ew şorşey le teknolojyay derhênanî newt le Emrîka le naxî berdekan hate kayewe, hokar bû bo ewey birî berhemhênanî newt le cîhan zor bêt.

Hawkat le gel geşey berhemhênanî newt, abûrî û pîşesazî cîhan paşekişey kird.

Le layekî tirewe hêştinewey berhemhênanî newt le astî xoyda le layen opêkewe hêndey tir weberhêneranî nîgeran kirduwe.

Duwênê Sêşem her bermîlêk newtî opêk le xwaruwî 52 Dolar froşrawe.

 
chapkrdn   Share GERANEWE‌