ROJNAMEY XEBAT 2015-01-08
Girûpêkî Islamî 11 Kesiyan Le Parîs Kuşt

Be hoy teqqekirdin le baregay Kovarî Çarlî Îbidoy Karîkatêrî le Parîs, 12 kes giyaniyan le dest da û 10î dîkeş birîndarbûn.

Be pêyî gutey çend gewahîderêk, hêrşeke le layen dû yan sê kesî demamkdraw be çekî kilaşînkof encamdrawe û hêrşberekan le katî hêrşeke hawariyan kirduwe, "Toley Pêxembertan lêdekeynewe".

Polîsî Ferensa raygeyand, le nêw kujrawekan rojnamewan û polîs hen û 5 le birîndarekanîş le barêkî tendrustî xirap dan.

Ajansî Frans Pirês bilawîkirdewe “Dû piyaw, ke çekî corî kilaşînkofiyan pêbuwe, le se'at 11:30: xulek xoyan kirduwe be ofîsî Rojnamey Çarlî Îbido, le çwariyanî jimare 11 le nawerastî Parîs, ber le be cêhêştinî şuwênî encamdanî tawanekiş, teqe kewtuwete nîwan polîs û hêrşkerekan”.

Franswa Holanda, Serokî Ferensa le berdem baregay govarekewe raygeyand “Ew kirdeweye kirdeweyekî wehşîgeraneye”. dûpatîşî kirdewe “ke bêguman ewe hêrşêkî tîroriye”.

Belênîşîda ke tometbaran destgîr dekirên û Ferensaş rêkariye emniyekanî tûndutoltir dekatewe, be hoy destgîrnekirdinî encamderanî tawanekeş, Ferensa amadebaşî tewaw rageyand.

 
chapkrdn   Share GERANEWE‌