ROJNAMEY XEBAT 2015-01-22
Guftarî Gewre, Reftarî Biçûk

D. Çnar Se'id 'Ebidulla

* Zorîney part, bizûtinewe û girûpe siyasiyekanî herçwar beşî Kurdistan, wek çon lenaw peyrew û pirogiramekaniyan da rengî dawetewe, qisey serzar û bin zariyan xebatkirdine le pênaw (Maf û azadiyekan, û serwerî xakî Kurdistan ) û misogerkirdinî gişt amance netewaiyekanî em gele .

Ewan helgirî ew gutare gewranen, keçî be hoy teskbînî siyasî, ya berjewendîxwazî, yaxûd dest le piştdanî neyaranî em mîllete, jimareyek lew hizbane û hendêkcar kesanêkî naw e nawendane, reftarî ewende biçûk û nizm encam deden, ke nek her lew rêbaz û amance serekiyey xoyan la deden ke bangêşeyan bo kirduwe, belkû her dijîşî dewestinewe .

* Le Êsta da Kurdistan bote çeqî şerêkî sextî nêwan rêkxirawî tîrorîstî le gel cîhanda .

Corî têrwanîn û mameley wilatanîş le gel em rewşey herêm bedû şêweye .

Bewmanaiyey ke hendêk lew wilatane be zilhêzekanîşewe, le pênaw parastinî berjewendiyekaniyan piştîwanî le seqamgîrî û parastinî Herêmî Kurdistan deken, keçî beşêkî dîkeyan bo paraêzgarî le berjewendiye taybetekaniyan, be pêçewanewe kar bo nacêgîrî û têkdanî ezmûnî herêm deken .

Ew rastiye amajeye bewey ke emroke zorîney wilatanî herêmî û diniya, be baş ya xirap çawiyan le ser Kurdistane .

Keçî be daxewe êmey layen û parte siyasiyekanî Kurdistan, le birî ewey ziyatir le her katêkî tir ruwî serncman le ser pirse nîştîmaniyekaniman bêt, û be amancêkî roşen û yekgirtû le xemî çarenûsî em wilat û mîllete da bîn, weha be yektiriyewe serqalîn û milman le bermlî yektirî nawe, xerîke bebê ewey hest bikeyn belarê da debirêyîn .

Deba lew sate hestiyareda bo çend satêkîş bêt hemû layek westanêk be xoman bikeyn, û lehengawekanî rabirdû, û reftarekanî êstaman birwanîn, û pirsiyarî ewe lexoman bikeyn axo demanewêt ew wilate berew kuwê berîn?.


*Kurdistan be qonaxî le daykbûnêkî taze têper debêt .

*Bo pêşwazî kirdin lew rûdawe tazeye, hebûnî siyasetêkî dîplomasî be hêz û karame le gel wilatan û dostan bes niye, belku peyrewkirdinî siyasetêkî tendrust û berêwebirdinêkî serkewtû le ser astî nawexo, mercî le dayikbûnî ew qonaxeye .

* eweş be dlsozî û tebayî û yek gûtarî û yekxistinî stiratîjî neteweyî gişt layene siyasiyekanî Kurdistan, le çwarçêwey damezrawe şer'î û fermiyekanî Kurdistan dête dî.

Hawler.in

 
chapkrdn   Share GERANEWE‌