ROJNAMEY XEBAT 2015-01-26
Kurd û Rûs

Selam 'Ebidulla
Peywendî Kurd û Rûs,mêjuwiyekî taradeyek konî heye.

Em peywendîane degerênewe bo sedekanî hejde û nozde ke Impiratoriyetî Rûsiya deywîst kurdekan le cengî nêwan xoy û Êran û Dewletî 'Usmanîda bêlayen bikat.

Le encamî em şeraneş jimareyekî zor le Kurdî Musulman û Êzdî ruwiyan kirde Rûsiya û lewê nîştecê kiran.

Be pêyî amarî salî 1896 î zayînî 99 Hezar Kurd le nêw Impiratûriyetî Rûsiya jiyaniyan birdote ser.

Peywendî nêwan Kurd û Rûsekan ziyatir le katî cengî cîhanî duwemda aşkira bûn ke rûsekan ewkate hatine nêw Êran û piştîwanî xoyan bo herdû Komarî Mehabad û Azerbaycan rageyand.

Egerçî em piştîwaniye zorî nexayand û le encamî rêkkewtinêk le gel (Qewam Elseltene )ke serokwezîranî Êran bû be guşarî wilateyekgirtuwekanî Emrîka,Rûsekan waziyan le piştîwanî Komarî Mehabad hêna û encamekeşî diyare lay hemûan.

Ême lêreda tenha nabê gleyî le Rûsekan bikeyn ke bo lew piştgîrî û piştîwaniye berdewam nebûn,le rastî da hemû wilatêk le siyaset da bo berjewendî wilatekey xoy degerê wewe dekate karî serekî xoy nek berjewendî xelk û netewey tir.

Be herhal paş şkstî Komarî Mehabad,Rûsekan pêşwazyan le Barzanî Nemir kird ke be xoy û hemû Pêşmergekaniyewe ruwiyan kirdibuwe wilatekeyan ke ew kate wek Yekîêtî Soviyet denasra.

Hewanewey Barzanî Nemir û hevalanî bo mawey 12 sal seretay peywendiyekî nuwê bû le gel Gelî Kurd da ke lem ewdwa le piştîwanî Şorşî Eylûlda rengî dayewe.

Egerçî peywendiyekanî nêwan Kurd û Rûs be hewrazunşêwda têperbûn belam hemîşe hewldrawe bo baştirkirdinî peywendiyekan.

Le duway heresî Yekêtî Soviyet û pêkhênanî dewletî Rûsiya herdûla le Herêmî Kurdistan û Rûsiya hewliyandawe ke peywendiyekaniyan asayî bikenewe ke emro geyştote astî gorînewey şandekaniyan le astêkî zor balada.

Serdanî Serok Mes'ûd Barzanî bo Rûsiya be lutkey em peywendîane dadenrê herwek kiranewey kunsulgerî Rûsiya le Hewlêr.

Hatinî dwa şandî Rûsiya bo Herêmî Kurdistan û bînînî heriyek le Serok Barzanî û Serokwezîranî Herêmî Kurdistan ke be raspardey taybetî Serokî Rûsiya,hatbûne herêm,manaw bayexî xoy heye.

Bo Gelî Kurd le Başûrî Kurdistan em peywendîane be taybet le gel Rûsekan bayexêkî zorî heye û pêwîste ziyatir perey pêbidrêt,be taybetî ke heluwêstî Emrîka helbez û dabez beranberman zor bexoyewe debînêt.

 
chapkrdn   Share GERANEWE‌