ROJNAMEY XEBAT 2015-01-31
Dîsan Le Barey Kantonewe


Celal Debax
Lem duwayiyeda em babete bayexêkî zorî pêdra,çi le kenalekanî telefîzyon û utar û pexşî radyokan û yan le nusînî rojnamew govarekandaw,be şêweyekî frawanîş le tore komelayetiyekanda.

Bayexî em babete be taybetî lew ewedêt ke layenêkî çekdarî bakur bo harîkarî û yarmetî û beşdarî le şerî dijî têrorîstanî Da'işda hatbûne Herêm û be taybetî bo bezandinî ew hêze têrorîste le Şengal ke le gel Pêşmergekanî Başûrî Kurdistan da beşdarî biken û em heluwêsteş şayistey pêzanînî Herêm û Gelî Kurdistan bû.

Belam be daxewe destiyanwerda le karûbarî nawxoy Herêm û,her le yekem rojî geyştiniyanewe hewliyan da layengîrî jimareyek le birayanî Kurdî Êzdî bo hîzbekey xoyan destbixen!..

Duway ewe le14‭/‬1‭/‬2015da kobûneweyekiyan le çiyay Şengal rêkxist û be gutey xoyan 200 kes bexoyan û ew jimarekemey Êzdiyekanewe beşdarî bûn û nawiyan na (Kongire"û,bê ewey guwêbidene berêweberayetî qezay Şengal û bûnî encumen û qaymqamî Şengal û Hikumetî Herêm,encumenêkiyan pêkhênaw guwaye) Kanton bo Şengal,le ser şêwazî Kantonekanî Kurdistanî xorawa pêkdehênin!..

Eme le katêkda ke be hezaran le biraw xuşkan û mindalanî Êzdî le layen tawankaranî Da'işewe frêndraw û bedîlgîrawin û,çarenusiyan nadiyarew deyan hezariyan awarew penahendebûn û be sedaniyan destbeçek le berekanî şerda decengin û,hêşta qezay Şengal be tewawî azadinekirawe,barudoxêkî wa nalebar dexulqêndrêt ke le rastîda destêwerdane le karubarî nawxoy Herêmî Kurdistan.

Aşkiraye nuserî em kurte utare le çend utarî dîkeda em babetew‮ ‬babetî Kongirey Neteweyî Kurdistanim baskirdwe û êstaş katî eweye cextbikemewe ke rûdawekan selmandiyan ke helûmercî kongireke le aradaniye û,eweşm baskirdibû ke egerçî niyazî bestinî Kongirey Neteweyî mebestêkî pîroze,belam debê hêzekanî herbeşêkî Kurdistan û paşan hemû beşekanî Kurdistan le nawxoyanda tebabin û ew helûmerce ciyawazane le berçaw bigirn ke behoy likandinî Kurdistan be çwardewletewe drustbuwew,naşbê be hîçi biyanwiyek destbixirête karûbarî nawxoy yektirewe.

Raste Kurdistanî gewre nîştîmanî Gelanî Kurdî herçwar parçekeye,belam rizgarkirdinî herbeşêk lepêş hemû hêzêkda erkî gelî ewbeşew hizb û hêzekanêtî û gel û hizb û hêzekanî herbeşêk harîkarî û yarmetîdan û piştgîrî beşekanî dîkeyan le estoye nek destêwerdan uştîwa.

Belam hendê lem birayaney bakur û xorhelat le destêwerdanîşiyan têperand bo bedinawkirdin û şêwandinî rastiyekan û plarweşandin ledijî Berêz Serokî Herêmî Kurdistan û serkirdekanî dîkey Herêm û herkesêk temaşay rageyandinekaniyan bikat beaşkira emey bo derdekewêt,ke emeş karêkî ziyanbexşe bo tewawî bzavî rizgarîxwazî gelekeman.

Lekatêkda pêşmergekanî başûrî Kurdistan be zor şêwaz yarmetî gel wezb û hêzekanî xorhelatiyan dawew,jimareyekî baş û be Hêzî êşmergeyan be çekî modêrnewe bo harîkarî Şervananî Kobanê narduwe ta nawçeke azad bikirêt,eme uwêray coreha harîkarî ke renge lêreda cêgay gutin nebin.

Ba lêreda çend pirsiyarêk lew biraderanew le hendê roşnbîrî lay xoman bikeyn,lewaney ke hendêkiyan rageyandinekaniyan pirkirduwe le (Pesndkirdinî Kanton) ! û gewrekirdin û aşkirakirdinî kemûkurî û natewawiyekanî Herêm û laqrtê û bilawkirdinewey rastî û narastî le dijî serkirdekanî Pêşmergew em Herêmî Kurdistane ke le rastîda (awbirdine bo aşî têrorîstanî da'ş).

-Pêşmergey Herêm bexuwênî xoyan cengawin bo azadkirdinî Kobanê,aya xoyan û hizbekaniyan destiyan le karûbarî Kobanê werdawe?

-Aya hewliyandawe şêwe berêwebirdinêk be ser Kobanêda bisepênin?

-Aya em hel û merce giraney xelkî Kobanêyan kirdote molet bo kobunewe le geliyandaw destxistinî layengîrîan bo hizbêk û handaniyan le dijî xwastekaniyan?

Ba serncêkî xêrayî bideyn û bizanîn kanton çiyew bo çî le gel berjewendî hîçi şar û nawçeyekî Herêmî Kurdistanda naguncê.

Kanton dewletolkeyekî serbexoye,snûr û rageyandin û supay xoy heye.

Degerêtewe bo salanî 1750 û paşan 1848 ke wilatî Swîsra be pêyî hel û mercî ewkatey xoy duletêkî fîdraliye û 26 Kantonî heye (Alay Dewletî Fîdralî Swîsra) koy kirdunetewe.

Em‮ ‬biraderaney Bakurî Kurdistan Alay Kurdistanîşiyan befermî nenasîwe!!

-Çon debê lasayiyekî mîkanîkî em ezmune mêjuiye bikirêtewe ke hîçi hawbeşiyekî le gel ezmunî Kurdistanda niye.

Kurdistan û betaybetî Başûrî Kurdistan berew damezrandinî dewletî serbexo deçê,le ser binemay biriyardanî mafî çarenus.

Tirkey raste,lebirî hewldan bo serbexoyî û yekêtî neteweyî,çend şaru qezay Kurdistan bikirêne (Kanton)?!!..
Deba ew biraderaney leser ew baweren,çend kantonêk le bakurî Kurdistan pêkbênin ke gewretirîn beşî Kurdistane le ruwî pantayî xak û serjmêrî danîştwanewe.

Le kotayîda delêyîn:Berjewendî Bizavî Rizgarîxwazî Gelî Kurdistan wadexwazêt,Herêmî Kurdistan û ezmunekey û destkewtekanî biparêzrên û,yekêtî rîzekanî gel û hzb û hêze netewew nîştîmanperwerekanî,gewrew piçukiyan,ptewbikirêt û gutarî yekgirtwiyan bihênrêtedî û,supay Pêşmergey Herêm yekbixirêt û,herwek çon berêz Serokî Herêm û zorbey hîzbekanî Kurdistan cextiyan le serkirdewew,serkewtine meznekey Kobanê cêgîrbikirêt û Da'işî têrorîst û tawankarî nêwdewletî be tewawî bi bezêndrêt û têkbişkêndrêt ta hîçi destdrêjkarêk pirkêşî Pelamardanî Kurdistan nekat serkewtin û serfrazî gelekeman bêtedî.

 
chapkrdn   Share GERANEWE‌