ROJNAMEY XEBAT 2015-02-01
Le Yadî Şehîdanî 1 î Şubatda

Le Yadî Şehîdanî 1 î Şubatda

Selam 'Ebidulla
Yazde sal lem ewber,le rojêkî wek emroda,tîrorîstan tawanêkî gewreyan dijî baregay Liqî(2)î Partî Dîmukiratî Kurdistan û melbendî(3)î Yekêtî Nîştmanî Kurdistan le Hewlêr encamda ke têyîda(101)kes şehîd bûn ke le nêwiyanda çendîn serkirdey qalbuwî xebat û têkoşan û Pêşmergey şaxî têda bû.

Em tawane qêzewne ke le rojî cejnî qurbanî salî 2004 kira,nimûney tirsnokî û frsetperstî û bê wîjdanî tîrorîstan derdexat ke sûdiyan lew roje wergirt bo encamdanî tawanekeyan.

Tîrorîstan û wayan dezanî bew kareyan detwanin pirosey geşekirdin û berewpêşçûn û biniyatinanewey Kurdistan dwadexen,çunke be hizrî reş û dwakewtuwî xoyan û bîrî gendeliyan lew biruwayeda bûn ke be le destdanî polêk xebatgêr,serapay herêm deşêwênin û be amancî glawiyan degen.

Belam be pêçewaney ew hizre hemeciyewe,Herêm

-Raste komelêk xebatgêrî le destda

-Belam roj le duway roj berew pêşewe çû ta geyştote em astey emroy ke hemû tîrorîstanî cîhan pêkewe xerîkî hêrşin bo ser Kurdistan û Kurdistanîş her berew pêşewe hengaw denê bo biniyatinanî komelgeyekî dîmukirat û azad û mirovdost û serbexo.

Emro ke tîrorîstan le hemû kun û qujbinî cîhanewe hatûnete ser Kurdistan,debê bizanin ke seretay kotayan le Kurdistanewe destpêdekat û lêrewe ew hêze reşe berew serenuwêlkî mêjû hengaw denêt ke seretakanî ew têkişkan û darmane rojane le meydanekanî cengda,derdekewê.

Tîrorîstanî emro,hîç ciyawaziyekiyan le tîrorîstanî pêşû niye,tenha ewe nebê ke eman deyanewê drindeyî xoyan ziyatir derbixen û bêrewştîan bo cîhan biselmênin.

Ewe niye jn û mindal û pîr defrênin,ewe niye serî dîl debirn û be şanaziyewe le şaşekanî telefzyonda nîşanî deden,ke nazanin bew kare bedrewştaneyan hêndey tir cîhanî azad û dîmukirat le xoyan û bîrî gendeliyan ziyatir ture deken,ke emro tîrorîstan be çawî xoyan debînin ke çon le asmanewe rojane agirbaran dekirên û le ser zewîş Pêşmerge sedan kelakiyan lê be cê dêlêt.

Eme yekemîncar niye le mêjûda,dujminanî Kurd hewlî le nawbirdinî em gele kolneder û qurbanîdere deden,belam le hemû hewlekaniyanda,her ewan be serşorî paşekişeyan le xakî pîrozî Kurdistan kirduwe û be dorawî serî xoyan helgirtuwe,ke em Da'işaneş çarenûsiyan ger lewan reştir nebêt ewa çaktir nabêt.

Ewey giringe lem kotayiyeda bîlêm eweye ke debê gelekeman çend huşiyar bêt beranber Da'işanî aşkira‮ ‬,ke emro le berekanî ceng,şerêkî tirsnokaneman le gel deken.

Debê hênd agaman le Da'işe nûstuwekan û kargekanî pêgeyandinî caşe da'ş bêt û nehêlîn emane wek Mela Şwan,melay mizgewtî (daretû) rolî tabûrî pêncem bigêrin.

Hezaran slaw bo giyanî şehîdanî(1)î Şubat û şehîdanî emroy berekanî ceng dijî Da'iş,nefret le tîror û tîrorîstan û hizrî rizîwiyan.

 
chapkrdn   Share GERANEWE‌