ROJNAMEY XEBAT 2015-10-12
Eme Xopîşandan Niye

Selam 'Ebdulla
Raste leseretada, mamostayan û mûçexoran benawî xopîşandan û derxstinî narezayî hatine serşeqam û daway mafî xoyan betaybetî mûçekaniyan dekird, egerçî ewe tenha mamosta nebû ke mûçey wernedegirt belkû têkira mûçexoranî herêmî kurdistan bûn.

Belam urde urde arasteke gordra û xelkanî tirî betaybetî mêrmndalî bê ezmûn têweglêndra û kiraye ajawe û fewza û şer û berdhawîştin û tenanet pelamarî 'emûdî karebaş dedra û emaneş hemuwî le şaşey tîviyekanewe be aşkira debînran ke îdî hîç gumanêkî nedehêştewe ke ewey dekirê xopîşandan niye û gêreşêwêniye.

Paşan lemeş ziyatir pereysend û druşmî mûçe û xizmetguzarî û çaksazîş nema û dawa buwe daway siyasî û mindal pir be geruwî deyqîrand û daway gorînî sîstemî siyasî û daway wa qebey dekird ke guman niye kesiyan seriyan lê dernedekird.

Emeş tadehat le layen xelkanêkewe ke diyare ser be çi layenêkn û piştîwanî û haniyan dedra û ta geyşte ew radeyey pelamarî baregay hêzêkî siyasî xawen mêjû û xebat û qurbanî biden û baregakaniyan bsûtênin ke lew hewleşda le terefî pelamarderanewe çendîn mêrmndal kujra û birîndar bûn û hendêkîşiyan lenêw xudî agirî bareganda ke be fîtî xoyan girî têberdrabû sûtan, ke giyan ledestdanî ew mindalane rastewxo dekewête estoy handeraniyan ke(sû istîfade)yan le kem ezmûnî û kem temenî ew mindalane, bo mebestî xoyan kird û ew kesaneyan kirde qurbanî xwaste siyasiyekaniyan ke neyandetwanî be mêtodî siyasî aştîxwazane bedîbhênin.

Îdî nabê duway em çend roje ewcore ajawegêriye wek xopîşandan nawzed bikirê û debê layene peywendîdarekan behemû şêweyek nehêln berdewam bêt.
Êsta kar geyştote ewey ke gêreşêwêneran be druşmî(elahwekber) ‬da'ş asa û herwek ewan pelamarî baregakan deden û ewey da'ş xoy natwanêt le şarekanî Herêmî Kurdistan bîkat eman le batî ewan be ziyadewe boy cêbecê biken.

Ca îtir ewe karî hemû nîştmanperwer û hizbêke ke xoy be nîştmanperwer le qelem dedat heluwêstî rast û drust û bê pêç û pena lem ajawegêriye werbigirê û îdaney bikat û daway rawestanî bikat.

Ewe niye xudî da'ş le saytekaniyewe be aşkira destxoşî lew(‬mucahîde)  kurdane ;dekat û ziyatir haniyan dedat.

Le rastîda ewey êsta lew devere rûdedat hemû şitêke bes xopîşandan niye.


 

Sîpan

 
chapkrdn   Share GERANEWE‌