ROJNAMEY XEBAT 2010-05-08
Serok Komar : Pêwîste Kabîney Dahatû Hikûmetêkî Binke Firawan Bêt.

Le Bexda Rêzdar Celal Talebanî Serok Komarî Iraqî Federal le Bexda çawîkewt be çendîn Balyoz û serokanî nêrdey dîbilomasî Erebî le Iraq.

Le dîdarêk da Serok Talebanî prse yeklakerewekanî Iraqî le herdû biwarî siyasî û dîplomasî û peywendiyekanî Iraq le gel derewe, bo mîwanekan baskird.

Sebaret be qonaxî duway helbijardinekanî Iraq Serok Talebanî pêdagirî le ser ewe kirdewe ke pêwîste kabîney dahatû Hikûmetêkî binke firawan bêt û sercem pêkhate binçîneyekanî Gelî Iraq bebê ciyawazî le xobigirêt.

Serok Talebanî utî: Siruştî Komelgay Iraqî hukmî zorîne û kemîne qibûl nakat le berewe tewafiq û beşdarîkirdinî niştîmanî bo berêwebirdinî wilat dû pêwîstî zor giringn, Iraq be tewafiqî nêwan pêhkate rengawrengekanî nebêt hukim nakirêt.

Sebaret be peywendiyekanî nêwan Iraq û dereweş Serok Talebanî pêdagirî le ser giringî bûnî çalakî Erebî le ser gorepanî Iraq le pênaw seqamgîrî û tebayî niştîmanî, kirdewe.

Le layen xoyanewe Balyozan û Serokanî Nêrde Erebiyekan takîdiyan le ser giringî firawankirdinî hawkarî û hemahengîkirdin le gel Iraq le sercem biwarekan da kirdewe û amadeyî wilatekanîşiyan bo piştgîrkirdinî Iraq dûpatkirdewe.

Le dîdareke da Hoşyar Zêbarî Wezîrî Derewe û Dr.Letîf Reşîd Wezîrî Samane Awiyekan û Fexirî Kerîm Gewre Rawêjkarî Serok Talebanî û Nesîr El'anî Serokî Dîwanî Serokayetî Komar amadebûn.

 
chapkrdn   Share GERANEWE‌