ROJNAMEY XEBAT 2010-09-21
Tşrînî Duwemî Emsal, Partî Kongirey 13î Xoy Girêdedat.

Taybet Be Xebat: Mihemed Zengene.

Wek biryarî le ser dirawe, payîzî emsal Partî Demukiratî Kurdistan kongirey 13î xoy le keşuhewayekî pir le azadî û serfirazî û seqamgîrî Kurdistan, le helumercêyî ciya le hemû kongirekanî pêşû girêdedat.

Em kongireyeş le xoyda werçerxanêkî tazeye le mêjuwî partîda bewey ke yekemîn care Partî le Iraqêkî dûr le dîktatoriyet û le beşdariyekî karay gelî Kurd û hawbeşî le hukmî Iraq ke le hemû kongirekanî pêşuwîda bangeşey bo dekird girêdedat û pirogiramî karî ayndey hizb bo qonaxî ayndey Kurdistan dadenêt.

Lem bareyewe û bo agadarbûn le kat wirdekariyekanî kongire Berêz Fayeq Tofîq Serokî Lîjney Balay amadekarî kongire le dîmaneyekî taybet da bo Xebat hate duwan.

13kongire

Le awey64 salda

Le dîmaneyekî taybet be Xebat Fayeq Tofîq Serokî Lîjney Balay amadekarî kongire raygeyand Partî Demukiratî Kurdistan weku her hizbêk be pêyî peyrew û pirogiramî xoy her maweyek bo pêdaçûnewe be karekanî xoy û dananî nexşerêgay karekanî ayndey kongire girêdedat û be planêkî taze û gurutînêkî nuwêwe bêtewe nêw meydanî karî siyasî û dest be çalakiyekanî xoy bikat û partîş ke ta êsta12 kongirey girêdawe û emsalîş 13emîn kongirey girêdedat debuwaye16 kongire girêbidat, belam sereray hemû ew barudox û tuwanîwiyetî 13 kongire girêbidat emeş le xoyda serkewtinêke bo partî û gotî: Be pêyî peyrewî nawxoy hizbiman pêwîste her4 sal carêk kongirey hizb girêbidrêt be mercêk eger hîç barudox û helumercêk nehat girêdanî ew kongireye duwabixat.

Ewey ke dilxoşman dekat le mawey ew64 saley temenî hizbiman ke debuwaye 16 kongire girêbidrabuwaye belam sereray hemû ew barudoxey be ser Kurdistanda têperî tuwanîman 13 kongire girêbideyn xoştan dezanin ew barudoxane çî bûn, bo nimûne niskoy salî 1975 û seferî Barzanî Nemir bo Emerîka û ber lewîş awarebûnî Barzanî Nemir û Hevalanî le Rûsiya duway rûxandinî Komarî Kurdistan le Mihabad eme cigele şerî nawxo û çendîn car wêrankirdinî şaruşaroçkekanî Kurdistan tageyîşt be emro duway rûxandinî dîktatoriyet û azadkirdinî Iraq

11/11 Katî Girêdanî Kongireye

Serokî Lîjney Balay Amadekarî Kongirey 13 raygeyand biryareke çespawe bewey emsal le 11/11 Partî Demukiratî Kurdistan kongire girêbidat mawey girêdanî kongireş le katêkî direng rageyenra boye lîjneke be gurutînêkî zorewe karî kird û êstaş le karkirdin berdewame bo tewawkirdinî hemû karekan bo amadesazî kongire ta le rojî kongireda hîç giriftêk nemênît û kongire be ciwantirîn şêwe berêwebiçêt.

Herweha gotî: Biryar waye kongirey 13î Partî Demukiratî Kurdistan le11/11/2010 girêbidrêt, êmeş weku lîjney amadekarî maweyekî kemman le berdestdabû bo amadekarî çunke le katêkî direngda be ême rageyenra û hîç biwarêkî bo duwaxistin tiyadanebû be taybetî be hoy hatin û amadebûnî mîwanêkî zor le nawewe û derewey Kurdistan û Iraq le kongirekeda cigele endamanî kongire, boye Cenabî Serok Barzanî pêyî rageyandîn natuwanîn mawey kongireke duwabixeyn çunke nakirê herdemêk mawe û katêk be mîwananî derewe bilêyîn û her carêk kongireke duwabixeyn û pêwîstîşe zor le xoman bikeyn bo ewey kongire le katî xoyda girêbideyn.

Hizbêkî Berdewam le Firawanbûn.

Serokî Lîjne nîşanîda partî roj be roj le firawanbûndaye û liqekanî le ziyadibûndan boye girêdanî kongirey hizbêkî weku partî şitêkî wa asan niye û pêwîstî be karî berdewam û karî cîddî heye, le hemûşî giringtir eweye Partî emro nuwênerî zorîne xelkî Kurdistane, herweha gotî:Weku xotan dezanin hizbekeman hizbêkî gewreye û cemaweriye û firawanbûnî ziyatir be xoyewe debînêt û ziyatir dête nêw cemawer û caran eger partî 5-6 liqî hebuwaye êsta ziyatir le20 liqî heye û jimarey endamaniman le milyonêk kes ziyatire boye pêwîst dekat le gel em firawanbûney gorankarî zor û cîddî le nêw hizibda bikeyn be pişt bestin bewey ke kongire gewretirîn desolate û herçîman buwê le kongireda deykeyn.

Her lem kongireyeşda heykeliyey hizb le jimarey endamanî lîjney merkezî diyarî dekirêt, be seyrkirdinî şêwey îşkirdin û lewêda biryar dedrê endamanî lîjney merkezî çendbin her le kongireşda Serok Serokî Hizb be helbijardin diyarî dekirêt û çawerwanîş dekirê cêgirî serokî hizbîş be helbijardin bêt.

Her Hezar Endam

1 Nuwênerî Heye

Fayeq Mihemed Serokî Lîjney Balay Amadekarî Kongiredûpatîkirdewe yek milyon endam mafî dengdanî le kongireda heye le hemû Kurdistan û Iraq û dewletanî dîke, be şêweyekî giştî ewaney endamî partîn û le berewey hîç şuwênêk şuwênî hemû endam û layengiranî tiyada nabêtewe weku nerîtêkî çespaw begirêdanî konferansî liq û nawçekan endamanî partî nuwêneranî xoyan bo kongire heldebjêrin û gotî: Biryarî ewedrawe her 1000endamî partî yek nuwêner bo xoy helbjêrêt belam lewaneye zorcar le konfiransêk500 yan501 kes amadebin ke jimarekeyan ewendeye ewîş nuwênerêkî weberdekewêt le berewe hendê mercman hen bo beşdarbûn lew kongireye bedanî îstîmareyek bo kadîran 3 roj berlekongire wata 72 katijmêr ber le girêdanî kongire be destî bigat û kandîd bûnî xoy dûpat bikatewe, boye ême biryarmandawe le nêwan 22-21î em mange dest be girêdanî konferanse nêwxoyekan bikeyn.

Herweha cigele endamanî kongireş ke behelbijardin beşdarî kongire deken, ewaney mîdaliyay Barzanî Nemiryan wergirtuwe endamî kongiren,endamî komîtey nawendî kon endamî kongiren û eweş biryarî kongirekanî pêşuwe ke her endamêkî konî komîtey nawendî xanenşînîş bûbin debine endamî kongire, herweha wezîran le lîstî partî ke îmkanî helbijardiniyan niye le dezgakanî xoyanda ewanîş endamî kongireş endamanî perlemanîş dawetkirdiniyan dekewête ser estoy mektebî siyasî û Cenabî Serok.

Mercekanî Xopalawtin.

Serokî Lîjney Balay Amadekarî Kongire nîşanîda derga bo xopalawtin bo be endambûn le kongire kiraweye û nîşanîda ewey xoy bo kongire heldebjêrêt pêwîste birwayiyekî tewawî be rêbazî partî û Barzanî Nemir hebêt û tehemmulî berpirsiyarêtî hizb bikat û bewperî dilsoziyewe erkekanî serşanî xoy rabispêrît û gotî: Mercekanî xopalawtin eweye ke endamî Partî bêt û biruway be peyrewî nawxo û pirogiramî Partî Demukiratî Kurdistan û rêbazî pîrozî Partî û Barzanî Nemir hebêt, dergay xopalawtin bo hemû temen û cender û netewe û ayînekan kiraweye û hezdekem raybigeyenim ême emcare cext le ser beşdarî karay afret le kongirey emcarey partî dekeyn bedananî kota bo afretan, ke ême delêyîn bo her 1000 endam nuwênerêk hebêt,kotayek dadenêyîn bo ewey bo her4 kandîd afretêk hebêt.

Şanazîşe bo partî ke kesanêkî tiyadabin le netewekanî dîkey xeyre Kurd bew perî azadiyewe weku her endamêkî dîkey partî mameleyan le gelda dekirêt çunke partî le baweşgirewey hemû netewekanî Kurdistane be Kurd û 'Ereb û Turkuman û Aşûr û Kildan û Hemû ayîn û aynzakan û partî hîç katêkîş ciyawazî le nêwan em pêkhataneda nekirduwe be belgey ewey le kongirey sêyî partîda nawî Partî Demukiratî Kurd bo Partî Demukiratî Kurdistan gordira wata herkesêk le her netewe û ayînêkî Kurdistanda şuwênî le nêw rêzekanî Partî Demukiratî Kurdistanda debêt, ême kesanêkî weku Azad 'Ereb û 'Eta 'Erebman le geldabûn ke biruwayan be pirsî Kurd hebû birwayan be Partî Demukiratî Kurdistan hebû xebatiyan bo ew rêbaze û bo serxistinî Gelî Kurdistan dekird,emane pêşmergey fî'lî bûn û şehîdîş bûn.

Ême endamî Turkuman û Mesîhî û Êzdî û Aşûrî û Kildanîşman heye û mafî xoyane xoyan helbjêrin û derîşbiçin.

Rêgay Endamêtî le Kes Negîrawe

Serokî Lîjney Amadekarî Kongire hemû ew qisaney retkirdewe guwaye sansor bo xopalawtin dadenrêt le barey temen û xizmetî hizbî salanî karkirdin le rîzekanî partî û ştî dike û raşîgeyand dergay xopalawtin bo be endambûn le rîzekanî hizb kiraweye û hîç rêgiriyek le hîç kesêk niye û gotî: Rêge le kesêk negîrawe ke gence û deyewê rol le nêw rîzekanî partîda bibînêt bête nêw rîzekanî hizb, be pêçewanewe ême yarmetîşî dedeyn û hanîşî dedeyn, be zorîş pal be kesewe nanrêt bo derewey rîzekanî hizb ewaney serdemanêke le nêw hizbidan û ezmûnêkî zor dewlemendiyan heye, meseleke dengdane û her kesêk dengî pêwîst bihênêt ewa bê guman serkewtuwî piroseyekî dîmukirasiye le nêw hizbda û her kesêkîş biyewê xoy helnebjêrêt ewe arezuwî xoyetî

Biryar Biryarî Kongireye.

Berêz Fayeq Tofîq dûpatîkirdewe biryarî cîddî le barey heykeliyey hizb û şêwazî tazey bo qonaxî taze le rojanî kongire radegeyenrêt û gotî: Le kongireda biryar le ser ewe dedrêt ke şêwazî hizb û heykeliyey çon bêt û ta êsta hîç ştêkî wa ranegeyenrawe çunke eme karî kongireye û le wêda be dengdan û be piroseyekî demukirasî hemû ştêk bediyar dekewêt belam bê guman kongirey emcarey partî gorankarî cîddî û îcabî tiyada

Bê guman kongireş lîjney xoy debêt û her lîjneyekîş psporî xoy debêt û karî xoy dekat û endamî kongireş boy heye le ziyatir le lîjneyek bibête endam û pêşbînîş dekirêt kongire nizîkey hefteyek yan ziyatir bixayenêt û ême namanewê bikewête duway cejnî qurban û dabiranî tiyada bikewêt çunke bo nimûne eger le 11/11 destî pêkird û eger 8 rojî xayand ewa dekewête nizîk cejnewe belam eger ziyatirbû ewe dabiranî tiyadekewêt boye hîwadarîn le 8 rojda tewaw bêt.

Kar Bo Kongireyekî New'î Dekeyn.

Serokî Lîjney Amadekarî Kongire gotî: Karî serekî ême eweye rêge be hemû kesêk bideyn tuwanay xopalawtinî hebêt be bê hîç sansorêk û ewperî demukiratiyet be karbêt û demanewê partî be xuwênêkî tazewe bêtenêw meydanî karî siyasiyewe û pêşbînî gorankarî rêkupêk dekeyn tenanet le peyrew û progiramîşda.

Ême pêman xoşe herkesêk şerefî endamêtî partî hebêt tehemmulî çend se'atêkî kongire bikat û xoy mandû bikat deng bidat û beşdarî bikat û ray xoy derbibrêt û rexnebigirêt û deng bew kesane bidat ke be nuwênerî xoy dezanêt le nêw hizbda û beşdarîkirdin tenha bo danîştin nebêt.




 
chapkrdn   Share GERANEWE‌